Yadda aka fafata a Premier ranar Asabar

Rahoto kai-tsaye

Umar Mikail

1. 2 Nuwamba 2019GOAL, Aston Villa 1-1 Liverpool

   Andrew Robertson ya farke wa Liverpool kwallonta, wasa ya dawo danye jagab

2. 2 Nuwamba 2019GOAL, Man City 2-1 Southampton

   Kyle Walker ya ci wa City kwallo ta biyu, shewa ta barke a Etihad

3. 2 Nuwamba 2019Aston Villa 1-0 Liverpool, Aston Villa 1-0 Liverpool

   Kiris ya hana a kara wa Liverpool kwallo, damar da Aston Villa ke samu tana amfani da ita kuma gaskiya babu alamun Liverpool za ta farke nan kusa

4. 2 Nuwamba 2019GOAL, Arsenal 1-1 Wolves

   Raul Jimenez ne ya farke wa Wolves kwallonta

   Anya kuwa Arsenal za ta sha a wasannan?

5. 2 Nuwamba 2019Aston Villa 1-0 Liverpool, Aston Villa 1-0 Liverpool

   Karfa garin neman gira a rasa ido, domin Liverpool ta fito kwanta da kwarkwatarta neman farkiya

6. 2 Nuwamba 2019GOAL, West Ham 1-3 Newcastle

   Fabián Balbuena ya farke wa West Ham daya...... anya kuwa wasan ba zai rikice ba?

7. 2 Nuwamba 2019GOAL, Brighton 1-0 Norwich

   Leandro Trossard ne ya ci kwallon

8. 2 Nuwamba 2019GOAL, Man City 1-1 Southampton

   Man city ta farke kwallonta - Sergio Aguero ya dawo da wasan danye.

   Akalla wannan tasawirar za ta fada maku abin da kuke bukatar sani game da yadda wasan ke guda na, 'yan wasan Man City baki dayansu suna cikin bangaren Southampton ban da biyu kacal.

   Ana fafatawa

9. 2 Nuwamba 2019GOAL, Levente 1-1 Barcelona

   Levente fa sun farfado kuma har sun farke kwallon da Messi ya ziera masu a abugun finareti

10. 2 Nuwamba 2019Premier, Liverpool da Man City

    Tim Cahill tsohon dan wasan Everton ya ce:

    "Gasar Premier ta dauki zafi duk idanu na kan wasannin LIverpool da kuma na Manchester City, wanda sakamakon wasannin zai iya sauyawa a kowanne lokaci."

11. 2 Nuwamba 2019Aston Villa 1-0 Liverpool, Mo Salah ya bace

    Mo Salah fa ya bata a wasan, shot biyu kawai ya iya bugawa raga ya zuwa yanzu, kuma kasa da sau 20 kacal ya taba kwallon

12. 2 Nuwamba 2019GOAL, West Ham 0-3 Newcastle

    Jonjo Shelvey ya kara kwallo ta uku, da alama West Ham ta san inda ta dosa yanzu. Newcastle kuwa baki har kunne

13. 2 Nuwamba 2019Aston Villa 1-0 Liverpool, Sadio Mane ya kai hari

    Sadio Mane ya dada kwallo zuwa ragar Aston Villa sai dai gola Heaton ya cafke kayarsa, saboda haka babu wani hadari

14. 2 Nuwamba 2019Man City 0-1 Southampton

    Pep Guardiola ya sako Gabriel Jesus din kuwa, inda ya canji David Silva duka dai a kokarinsa na farke alakakai din da dakarun Southampton suka zira masa.

15. 2 Nuwamba 2019An ci gaba da wasanni

    Liverpool da Man City da Burnley da West Ham dukkaninsu nema suke su farke kwallayen da aka zira masu a raga.

16. 2 Nuwamba 2019Man City 0-1 Southampton, Hutun rabin lokaci

    Lokacin da aka tafi hutun rabin lokaci Gabriel Jesus yana motsa jikji a gefen fili, saboda haka babu mamaki a fdawo da shi cikin wasan.

    Man City ta buga shot har 13 a minti 45 na farko, abin da ke nuna cewa lallai ta kagu ta farke wannan kwallo.

    Ita kuwa Southampton ai sai inda karfinta ya kare domin dai tana so ne ta farfado daga abin kunyar da ya faru a makon jiya na 0-9 da Leicester ta dura mata.

17. 2 Nuwamba 2019Mane ya so ya yaudari alkalin wasa, Aston Villa 1-0 Liverpool

    Alkalin wasa Jonathan Moss ya ankara da abin da Sadio Mane ya aikata....

    Sadio Mane ya yi wanwar a cikin yadi na 18 bayan matsi da ya sha daga dan wasa Frederic Guilbert.

    Tuni aka ba shi katin gargadi kuma na jan kunnen kar ya bata wa alkalin wasa aikinsa.

    An hutun rabin lokaci

18. 2 Nuwamba 2019Brighton 0-0 Norwich, Brighton 0-0 Norwich

    Da alamar Brighton na ci gaba da dandana kudarta

19. 2 Nuwamba 2019Gasar La Liga, wane ne in ba Messi ba!, Levente 0-1 Barcelona

    To wane ne in ba Messi ba!

    Barcelona na jan ragamar wasa tsakaninta da Levente a filin wasa na Estadio Ciudad de Valencia.

    An tafi hutun rabin lokaci

20. 2 Nuwamba 2019West Ham 0-2 Newcastle, West Ham 0-2 Newcastle

    Har yanzu Newcastle na kan gaba a wasan, an kammala zagaye na farko