Ga dalilin da ya sa muka zo zamanin da ake kirkirar tsibirai

A tarihi dan adam ya nemi yadda zai samar da busasshen fili daga tekuna domin mayar da shi gari wanda mutane za su iya zama a ciki.

Amma zamanin yanzu ya kawo wani sabon salo. A yanzu, muna ganin yadda ake ta samun tsibirai a cewar masanin kimiyyar kasa, Alastair Bonnett daga Jami'ar Newcastle da ke Birtaniya.

"Ana ta gina tsibirai yadda ba a taba yi ba a baya."

Wannan sabon zamanin na tsibirai ne da suka fi girma da kuma tasiri fiye da yadda magabatanmu suka tsara tsibiriai a baya, a cewar Bonnett a cikin litafinsa mai suna Elsewhere: A Journey Into Our Age Of Islands.

Masanin ya ziyarci tsibirai wadanda mutane suka gina da kansu a duk fadin duniya, inda ya sanya ido kan yadda aka gina su.

Manyan gine-gine wadanda aka yi ta hanyar zuba miliyoyin tan na kasa a cikin teku. Da wasu gine-ginen masu karfi wadanda ke iya rike karfin soji da duk abin da ya shafi yakin siyasa.

Akwai kuma karafunan mai wadanda suka shiga cikin kasa.

Yayin da wasu gine-gine suka lalace sakamakon sauyin yanayi, yin sababbi zai dauki laokci. Yawanci ba a cika samun abubuwa masu rai ba a kasan tsibiran da dan adam ya gina.

"Tsibiran da dan adam ya gina ba su cika samun abubuwa masu rai a kasansa ba, samun hakan abu mai wuya ne,'' in ji Bonnett.

A wurare kamar Tekun Kudancin China, "abubuwa da suke da daraja a da, an hallaka su saboda wadannan gine-gine."

Amma duk da haka, Bonnett ya tsinci kansa yana ganin sha'awar wadannan abubuwan, domin ya gano yadda aka gina su da kuma me yasa aka yi su.

Ko kana sonsu ko ba ka sonsu, za su gayawa mutane yadda duniya take a zamainin da.