Cicely Tyson: Bakar fatar da ta kafa tarihi a fina-finan Hollywood ta rasu tana da shekara 96
Asalin hoton, Reuters
Daya daga cikin matan da suka assasa fina-finan Hollywood Cicely Tyson - wadda ta shahara wajen taka rawa a matsayin Ba'amurkiya 'yar asalin Afirkas - ta rasu tana da shekara 96, a cewar manajanta.
Ba a bayyana abin da ya yi sanadin mutuwarta ba. Tsohuwar mai sana'ar tallata kayan kawa ce wadda ta kwashe shekara saba'in tana fitowa a finafinai.
Tyson ya lashe kyautar Emmys sau biyu a rawar da ta taka a wani fim da ke wayar da kan jama'a kan 'yancin mutane mai suna The Autobiography of Miss Jane Pittman da aka fitar a 1974.
Kazalika ta zama mace bakar fata ta farko da ta taka muhimmiyar rawa a wani wasan kwaikwayon talbijin East Side/West Side a shekarun 1960.
Wani abu da ta yi a rayuwarta wanda ya burge masu kallonta shi ne yadda take kin fitowa a matsayin karuwa ko a fina-finan da ake muzanta bakar fata.
A yayin da yake a bai wa Tyson lambar yabo ta the Presidential Medal of Freedom a 2016, tsohon shugaban Amurka Barrack Obama ya ce baya ga nasarorin da ta samu a matsayin 'yar wasan kwaikwaiyo, ta kawo sauyi kan tarihin kasar.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Cicely Tyson ba ta fitowa a fina-finan da ke muzanta mata bakaken fata, kuma tana taka rawa ne kawai a fina-finan da ke da jigo mai kyau.
"Na kwashe fiye da shekara 40 ina aiki da Miss Tyson, kuma ina kallon duk shekara a cikin shekarun nan a matsayin abin alfahari da albarka," in ji manajanta Larry Thompson a sanarwar da ya fitar ranar Alhamis yana bayyana rasuwarta.
Shahararrun mutane ne suka yi ta bayyana alhininsu a kan rasuwarta.
A sakon ta'aziyyar da ta aike kan mutuwar Cicely Tyson, fitacciyar mai watsa labaran Amurka kuma tauraruwar fina-finai Oprah Winfrey ta ce: "Ta yi amfani da sana'arta wajen haskaka rayuwar bakaken fata. Rawar da ta taka ta yi daidai da abubuwan da ta yi imani a kansu; ba ta taba nuna gazawa ba."
