MC Tagwaye ya auri 'yar mai bai wa Buhari shawara Maryam Uwais
Asalin hoton, Instagram/mc_tagwaye
Fitaccen mai barkwancin nan wanda yake kwaiwayon maganganun Shugaba Muhammadu Buhari na Najeriya, Obinna 'MC Tagwaye' Simon, ya auri 'yar Maryam Uwais, mai bai wa shugaban kasar shawara kan shirin kyautata rayuwar jama'a.
MC Tagwaye, wanda dan kabilar Ibo ne, ya auri Hauwa ranar Asabar, kamar yadda ya wallafa a shafinsa na Instagram.
Wannan labari ne na dauke da bayanai da Instagram suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta Instagram da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a Instagram
"Ga mutanen da suke tambaya.... mun yi aure cikin farin ciki yau... godiya," in ji Obinna 'MC Tagwaye' Simon.
Ita ma Maryam Uwais, ta tabbatar da auren a shafinta ta Instagram inda ta wallafa hotunan daurin auren.
"Ɗiyata, Hauwa, ta yi aure yau. Kuma na samu sabon ɗa, MC Tagwaye," in ji ta.
Ta yi kira ga abokan arziki da sauran al'umma su yi wa sabbin ma'auratan addu'ar zaman lafiya da kariya daga Ubangiji.
MC Tagwaye ya shahara ne sakamakon kwaikwayon maganganun Shugaba Buhari, inda yake magana tamkar shugaban.
Ya taɓa haɗuwa da shugaban kasar, wanda ya shi kansa ya sha yin dariya idan ya saurari yadda MC Tagwaye yake kwaikwayon maganganunsa.
Asalin hoton, Instagram/MC_Tagwaye
MC Tagwaye dan asalin jihar Anambra ne da ke kudu maso gabashin Najeriya, kuma yana yin sana'ar gabatar da jawabai na barkwanci musamman a wuraren bukukuwan aure.
Asalin hoton, Instagram/Mc_Tagwaye
Ya taba shaida wa BBC cewa ba Shugaba Buhari kadai yake kwaiwaya ba.
