Yadda tumaki suka mamaye birnin Madrid

Sama da dabbobi 2,000 suka mamaye birnin Madrid domin bikin al'ada da ake gudanarwa duk shekara a Spain.

Babban birnin na Spain ya kasance tsohuwar hanyar da makiyaya ke ratsawa da dabbobinsu zuwa kudanci a lokacin hunturu.

Bikin da ake kira Fiesta de la Trashumancia, ya samu bunkasa daga hukumomi musamman masu kula da yawon shakatawa.

A 1994 aka fara gudanar da bikin, kuma an tsara shi ne domin girmama al'adun karkara.

Tsarin ya ba makiyaya damar ratsawa ta cikin birni tare da dabbobinsu.

Duk shekara, akwai kudi da ake biya tsakanin magajin gari da shugaban makiyaya domin ba dabbobin damar ratsawa ta cikin gari tare da ba su kariya.

Makiyayan da ke kora dabbobin sukan sa tufafi ne na gargajiya domin bikin.

Masu yawon bude ido kan fito domin kallon bikin da ake gudanarwa a ranar Lahadi inda ba a fiye samun cunkuson ababen hawa ba.

Ana daurawa tumakin karaurawa domin bikin, inda karar ke karade birnin Madrid.

An fara bikin ne misalin karfe 10:30 na safe agogon kasar misalin karfe 8:30 agogon GMT.

Tumakin sun fara ne daga wani babban dandali da ake kira Casa de Campo.

Baya ga tumaki 2,000 akwai kuma kimanin awaki 100 a wajen bikin, kamar yadda kamfanin dillacin labaru na Reuters ya ruwaito.

Dukkanin hotuna mallakin EPA da AFP ne.