Ku San Malamanku tare da Sheikh Abdulmudallib Muhammad

Shirin Ku San Malamanku na wannan makon ya yi hira ne da Sheikh Abdulmudallib Muhammad.

An haifi malamin a garin Gusau na jihar Zamfara ranar 1 ga watan Agustan 1985.

Ya fara karatunsa ne a gida wajen mahaifiyarsa da mahaifinsa, sannan ya shiga Islamiyya a unguwar Tudun wada.

Sun koma garin Biu a jihar Borno inda a can ya yi karatun firamare ya kuma ci gaba da islamiyya.

Ya yi sakandare a wata makaran a garin Biu, kana daga bisani ya koma sakandare ta Arabiyya, ya kuma kammala a makarantar sakandaren kimiyya ta Gusau.

Daga baya ya koma Kano da karatu a makarantar share fagen shiga jami'a. Ya yi Jami'ar Wudil ya kammala a 2015.

Ku kalli bidiyon don jin cikakken tarihinsa.