'Yan Real da za su kara da Espanyol a La Liga ranar Asabar

Real Madrid za ta karbi bakuncin Espanyol ranar Asabar a wasan mako na 25 a gasar La Liga a Santiago Bernabeu.

Ranar 28 ga watan Agustan 2022, Real ta je ta ci Espanyol 3-1 a gasar La Liga ta kakar nan.

Wadanda suka ci wa Real Madrid kwallayen sun hada da Vinicius Junior da ya zura daya a raga da Karim Benzema da ya ci biyu daf da daf kuma daf a tashi.

Ita kuwa Espanyol ta zae kwallo daya ta hannun Joselu a wasan da ta karbi bakunci.

Real Madrid tana mataki na biyu a kan teburin La Liga da maki 53 da tazarar maki tara tsakaninta da Barcelona ta daya mai 62.

Espanyol tana ta 13 a kasan teburin kakar bana mai maki 27.

Tuni kociya, Carlo Ancelotti ya bayyana 'yan wasan da zai suskanci Espanyol ranar Asabar.

'Yan wasan Real Madrid:

Masu tsaron raga: Courtois, Lunin, Luis López.

Masu tsaron baya: Carvajal, E. Militão, Vallejo, Nacho, Odriozola, Lucas V., Rüdiger.

Masu buga tsakiya: Kroos, Modrić, Camavinga, Valverde, Tchouameni, D. Ceballos.

Masu cin kwallaye: Hazard, Asensio, Vini Jr., Rodrygo, Mariano, Álvaro.

Wasannin mako na 25 da za a buga a La Liga:

Ranar Juma'a 10 ga watan Maris

Ranar Asabar 11 ga watan Maris

Ranar Lahadi 12 ga watan Maris