Manchester United za ta ziyarci Spurs a Carabao

Manchester United za ta je gidan Tottenham a wasan kusa da daf da na ƙarshe a kofin Carabao.

Masu riƙe da kofin Liverpool za su zaiyarci Southampton da ke ta fama a gasar Premier.

A wasan hamayya na Landan Arsenal za ta karɓi baƙunci Crystal Palace, yayin da Newcastle za ta fafata da Brentford a gida.

Za a yi wasannin kusa da daf da na ƙarshen ne a satin 16 ga watan Disambar wannan shekarar.

Wannan ne karo na farko cikin shekara 14 da za a yi wasan ba tare da kungiyoyin gasar Championship ba.

Tottenham ta doke City a zagaye na huɗu na gasar.

United da ta casa Leicester City 5-2 ƙarƙashin kocin riƙon kwarya Ruud Van Nistelrooy - na fatan kawo Ruben Amorim a matsyin kocinta nan gaba.

Za a buga wasannin kusa da na ƙarshe ne a tsakanin 6 ga watan Janairu da 3 ga watan Fabirariru, a buga wasan ƙarshe a Wembley a ranar 16 ga watan Maris.

Wasannin kusa da na ƙarshe:

Tottenham v Manchester United

Arsenal v Crystal Palace

Newcastle v Brentford

Southampton v Liverpool