Tinubu ya naɗa Badaru ministan tsaro, Wike ministan Abuja

Shugaban Najeriya Bola Tinubu ya naɗa tsohon Gwamnan Jigawa Muhammad Badaru ministan tsaron ƙasar.

Kazalika, tsohon Gwamnan Zamfara Bello Matawalle ne zai taimaka masa a matsayin ƙaramin ministan tsaro.

Tsohon Gwamnan jihar Ribas da ke kudancin ƙasar, Nyesom Wike, shi ne ministan Abuja, yayin da Mariya Mairiga daga Kano za ta yi aiki a matsayin ƙaramar ministar Abuja.

Wata sanarwa ce daga fadar shugaban ƙasa ta bayyana sunayen ministocin da ma'aikatunsu a yammacin Laraba.

Mutum 45 cikin 47 majalisar dattawa ta tantance kuma ta tabbatar a matsayin ministocin na Tinubu, abin da ke nufin za a sanar da sauran nan gaba.

Ga jerin sunayen ministocin da ma'aikatunsu: