Espen Eskas ne zai busa wasan Real da Brest a Champions League

Hukumar ƙwallon kafa ta Turai, Uefa ta bayyana Espen Eskas a matakin wanda zai yi rafli a wasan Real Madrid da Brest a Champions League ranar Laraba.

Ƙungiyar Sifaniya za ta ziyarci Brest ta Faransa a Stade du Roudourou, domin buga wasan karshe a cikin rukuni a kakar nan.

Wannan shi ne karo na biyu da raflin ɗan kasar Norway zai yi alkalancin wasan Real Madrid a gasar zakarun Turai.

Ya fara busa fafatawar da Real Madrid ta yi nasara 1-0 a kan Union Berlin a karawar cikin rukuni a kakar 2023/24.

Real Madrid tana mataki na 16 a teburi da maki 12, bayan cin wasa huɗu da canjaras uku.

Ita kuwa Brest tana ta 13 a teburi da maki 13, bayan cin karawa huɗu da canjaras ɗaya aka doke ta wasa biyu.

Wasannin da za a buga ranar Laraba a Champions League.