Pillars za ta fara zuwa gidan Sunshine a Firimiya 2023/24

Hukumar gudanar da gasar Firimiyar Najeriya ta fitar da jadawalin wasannin kakar bana ta 2023/24.

An raba jadawalin wasannin bana a babban birnin tarayya Abuja da za a fara gasa ta 53 ranar 9 ga watan Satumbar 2023.

Kungiyar Enyimba ce mai rike da kofin bara kuma na tara jimilla, wadda take fatan ta farko daza ta lashe babban gasar tamaula ta Najeria karo na 10.

Kungiyoyi 20 ne za su kece raini a bana da suka hada da 16 da suka kara a bara da kuma hudun da suka samu buga gurbin kakar 2023/24.

Kungiyoyin da suka hauro gasar bana sun hada da Heartland da Sporting Lagos, da Kano Pillars da kuma Katsina United.

Wannan shine karon farko da Sporting Lagos za ta fafata a gasar Firimiya ta Najeria a tarihi.

Kungiyoyi hudun da suka bar gasar bara sun hada da Wikki Tourists da Nasarawa United da El-Kanemi Warriors da kuma Dakkada da za su buga Nigeria National League.

Jadawalin wasannin bana;