Rodri na Man City zai yi jinya zuwa ƙarshen kakar bana
Asalin hoton, Getty Images
An wallafa
Lokacin karatu: Minti 1
Dan wasan tsakiya na Manchester City, Rodri ba zai sake buga wasa a kakar wasanni ta bana ba.
Rodri mai shekara 28 ya ji rauni ne bayan karon da ya yi da Thomas Partey, a wasan da ƙungiyarsa ta tashi 2-2 da Arsenal a ƙarshen mako.
Kocin Manchester City Pep Guardiola ya ce yanzu haka an yi wa ɗan wasan tiyata a gwiwarsa kuma ba zai sake buga wasa a wannan kaka ba.
"An yi masa tiyata a yau da safe,''in ji Guardiola.
