Za a kara tsakanin Benzema da Lewandowski a El Clasico

Real Madrid za ta karbi bakuncin Barcelona a wasan mako na tara a gasar La Liga da za su kara ranar Lahadi a Santiago Bernabeu.

Wannan shi ne wasan farko da za su yi a wasan na hamayya da ake kira El Clasico a babbar gasar tamaula ta Sifaniya a bana.

Barcelona ce ta daya a kan teburi mai maki 22, iri daya da na Real Madrid, wadda take ta biyu mai rike da kofin bara.

Karawar ta hamayya za a yi ne tsakanin Karim Benzema da Robert Lewandowski, wadanda suka yi suna wajen cin kwallaye.

Benzema ya buga wasa biyar a bana a La Liga ya ci kwallo uku, shi kuwa Lewandowski mai wasa bakwai yana da kwallo tara a gasar La Liga ta bana.

Lewandowski ya koma Barcelona a bana daga Bayern Munich.

Wasan da suka buga a kakar 2021/22

2021/2022

Spanish La Liga Lahadi 20 ga watan Maris 2022                

Spanish Super Cup  Laraba 12 ga watan Janairun 2022          

Spanish La Liga Lahadi 24 ga watan Oktoban 2021

'Yan wasan Real Madrid:

Masu tsaron raga: Lunin, Luis López, Cañizares.

Masu tsaron baya: Carvajal, E. Militão, Alaba, Vallejo, Nacho, Odriozola, Lucas V., Rüdiger, F. Mendy.

Masu buga tsakiya: Kroos, Modrić, Camavinga, Valverde, Tchouameni.

Masu cin kwallaye: Hazard, Benzema, Asensio, Vini Jr., Rodrygo, Mariano

'Yan wasan Barcelona:

Ter Stegen, Piqué, Sergio, O. Dembélé, Pedri, Lewandowski, Ansu Fati, Ferran, Marcos A., Jordi Alba da kuma Kessie.

Sauran sun hada da S. Roberto, F. De Jong , Raphinha, Kounde, Eric, Iñaki Peña, Balde, Gavi, Pablo Torre da kuma Arnau Tenas.

Haka kuma dan wasan Faransa, mai tsaron baya Jules Kounde ya murmure zai iya buga wasan na hamayya.