'Yan Man United da za su buga Gasar Cin Kofin Duniya a Qatar

Qatar za ta karbi bakuncin Gasar Cin Kofin Duniya da za a fara ranar 20 ga watan Nuwamba a kammala 18 ga watan Disambar 2022.

Ranar 14 ga watan Nuwamba ita ce ranar karshe da tawagogin da za su buga wasannin za su mika sunayen 'yan wasan da za su wakilce su.

Manchester United tana da tarin 'yan wasan da za su wakilce ta a Gasar Cin Kofin Duniya da za a fafata tsakanin kasashe 32.

Koda yake wasu kasashen ba su sanar da 'yan wasan da za ta je da su buga babbar gasar tamaula ta duniya ma kawo yanzu.

United za ta ziyarci Fulham domin buga wasan mako na 16 a gasar Premier League, daga nan za a yi hutu a babbar gasar tamaula ta Ingila sai bayan wasannin Qatar.

Jerin 'yan wasan United da za su buga Gasar Cin Kofin Duniya a Qatar:

Rukunin farko

Dan wasan United, Tyrel Malacia zai wakilci Netherlands.

Rukuni na biyu

'Yan wasan United a wannan rukunin daga Ingila suke

Rukuni na uku

Lisandro Martinez zai wakilci Argentina mai taka leda a United

Rukuni na hudu

Denmark za ta je kofin duniya da Christian Eriksen mai wasa a United

Faransa za ta je da Raphael Varane, wanda ya ji rauni a wasan United da Chelsea 

Tunisia za ta je da Hannibal Mejbri mai wasan aro a Birmingham daga United

Rukuni na biyar

Ba dan wasan United a wannan rukunin, bayan da Sifaniya ba ta kira David de Gea ba mai wasa a Old Trafford.

Rukuni na shida

Babu dan wasan United da zai buga kofin duniya a rukuni na shida 

Rukuni na bakwai

 'Yan wasa hudu daga United ne za su wakilci Brazil a Qatar

Casemiro

Fred

Antony

Alex Telles mai wasan aro a Sevilla daga United

Rukuni na takwas

Kyaftin din Portugal, Cristiano Ronaldo daga United, wanda ake sa ran wannan ita ce gasa ta karshe da dan kwallon zai buga.