Wasannin da Real Madrid za ta kara a Champions League 2024/25

Hukumar ƙwallon kafa ta Turai, Uefa ta fitar da jadawalin Champions League da za a fafata a 2024/25, ciki har da wanda Real Madrid za ta kara.

A sabon fasalin da aka sauya a gasar bana, Real Madrid za ta fafata da Stuttgard da Lille da Borussia Dortmund da Milan da Liverpool da Atalanta da Salzburg da kuma Brest.

A kakar da ta wuce Real Madrid ta lashe Champions League na 15 jimilla, bayan da ta yi nasara a kan Borussia Dortmund a Wembley.

Haka kuma a watan jiya Real Madrid ta lashe Uefa Super Cup na bana, bayan da ta yi nasara a kan Atalanta a birnin Warsaw a Poland.

Real ɗin za ta fara wasan zagayen farko ranar Talata 17 ga watan Satumba a Santigo Bernabeu.

Za kuma ta buga wasan karshe a zagayen farko a gasar ta zakarun Turai a gidan Brest ranar Laraba 29 ga watan Janairu.

Jadawalin farko zagayen farko a Champion League

Wasan farko: Real Madrid da Stuttgart (Talata, 17 ga watan Satumba)

Wasa na biyu: Lille da Real Madrid (Laraba, 2 ga watan Oktooba)

Wasa na uku: Real Madrid da Borussia Dortmund (Talata, 22 ga watan Oktoba)

Wasa na huɗu: Real Madrid da Milan (Tatala, 5 ga watan Nuwamba)

Wasa na biyar: Liverpool da Real Madrid (Laraba, 27 ga watan Nuwamba)

Wasa na shida: Atalant da Real Madrid (Talata, 10 Disamba)

Wasa na bakwai: Real Madrid da Salzburg (Laraba, 22 ga watan Janairu)

Wasa na takwas: Brest da Real Madrid (Laraba, 29 ga watan Janairu)