Za a buga wasa na 31 tsakanin Ingila da Faransa na uku a Kofin Duniya

Tawagar Ingila za ta kara da ta Faransa a wasan daf da na kusa da na karshe a Gasar Kofin Duniya a Qatar ranar Asabar.

Ingila mai Kofin Duniya da ta dauka a 1966 ta kawo wannan matakin, bayan da ta ja ragamar rukuni na biyu da maki bakwai mai dauke da Wales da Amurka da kuma Iran.

Faransa ce ta fara kai wa zagaye na biyu a Qatar, bayan da ta ja ragamar rukuni na hudu da maki shida mai dauke da Australia da Tunisia da kuma Denmark.

A zagaye na biyu ne Faransa ta doke Poland 3-1 ranar Lahadi.

Wannan shi ne karon farko da za su kara a zagayen ziri daya kwale a gasar tamaula, kuma na farko a Kofin Duniya tun 1982.

Sai dai karo na 31 da za su kece raini a tsakaninsu na uku a Kofin Duniya, inda Ingila ta yi nasara a 16 da canjaras biyar, Faransa ta ci karawa tara.

Za a buga wasan tsakanin Kyalin Mbappe mai kwallo biyar a raga mai takarar takalmin zinare da Jude Bellingham, matashin da yake haskawa a Qatar.

Tawagar Ingila ta zura kwallo 12 a raga kawo yanzu, ita kuwa Faransa ta ci tara, saboda haka ana sa ran za a ci kwallaye da yawa idan an bude karawar ba tasre gida.

Faransa ce mai rike da Kofin Duniya, wanda ta lashe a Rasha a 2018, kuma na biyu jumulla da ta dauka.

Wasannin da aka kara tsakanin Ingila da Faransa:

Wasan sada zumunta     13 ga watan Yunin 2017

Wasan sada zumunta     17 ga watan Nuwambar 2015          

Gasar Nahiyar Turai         11 ga watan Yunin 2012          

Wasan sada zumunta      17 ga watan Nuwambar 2010         

Wasan sada zumunta      26 ga watan Maris 2008         

Gasar Nahiyar Turai           13 ga watan Yunin 2004

Wasan sada zumunta      2 ga watan Satumbar 2000

Wasan sada zumunta      10 ga watan Fabrairun 1999          

Wasan sada zumunta      7 ga watan Yunin 1997

Gasar Nahiyar Turai           14 ga watan Yunin 1992

Wasan sada zumunta      19 ga watan Fabrairun 1992          

Wasan sada zumunta      29 ga watan Fabrairun 1984          

Gasar Kofin Duniya    16 ga watan Yunin 1982          

Wasan sada zumunta      12 ga watan Maris 1969         

Gasar Kofin Duniya   20 ga watan Yulin 1966

Gasar Nahiyar Turai          27 ga watan Fabrairun 1963          

Gasar Nahiyar Turai         3 ga watan Octoban 1962          

Wasan sada zumunta      27 ga watan Nuwambar 1957         

Wasan sada zumunta      15 ga watan Mayun 1955          

Wasan sada zumunta      3 ga watan Octoban 1951          

Wasan sada zumunta      22 ga watan Mayun 1949          

Wasan sada zumunta      3 ga watan Mayun 1947          

Wasan sada zumunta      26 ga watan Mayun 1938          

Wasan sada zumunta      14 ga watan Mayun 1931          

Wasan sada zumunta      9 ga watan Mayun 1929          

Wasan sada zumunta      17 ga watan Mayun 1928          

Wasan sada zumunta      26 ga watan Mayun 1927          

Wasan sada zumunta      21 ga watan Mayun 1925          

Wasan sada zumunta      17 ga watan Mayun 1924          

Wasan sada zumunta  10 ga watan Mayun 1923