Real Madrid ta fara shirin fuskantar Alaves ranar Talata a La Liga

Real Madrid ta fara shirin karɓar bakuncin Alaves a wasan La Liga mako na bakwai a Santigo Bernabeu.

Ranar Asabar 21 ga watan Satumba, Real Madrid ta doke Espanyol 4-1 a wasan mako na shida, tana ta biyu a teburi da maki 14.

Ƴa wasan Real Madrid sun fara motsa jiki a rufaffen ɗaki bayan nan sai suka fito cikin fili, inda suka dunga raba tamaula da tsalle-tsalle da guje-guje.

Har yanzu Alaba da Ceballos da Camavinga da kuma Brahim na ci gaba da yin atisaye a kokarin da suke na murmurewa.

Real ta doke Alaves gida da waje a bara a La Liga, inda ta je ta fara da cin 1-0 ranar Alhamis 21 ga watan Disambar 2023, sai ta ɗura 5-0 a wasa na biyu ranar Talata 14 ga watan Mayun 2024.

Real Madrid tana mataki na biyu a teburin La Liga da maki 14 a wasa shida, bayan canjaras biyu da lashe karawa huɗu a babbar gasar tamaula ta Sifaniya.

Barcelona, wadda ta yi ta biyu a bara a La Liga, ita ce ta ɗaya a kan teburi da maki 18, sakamakon da ta yi nasara a dukkan wasa shida da fara kakar nan.

Sakamakon La Liga da Real Madrid ta yi da fara kakar nan.

Liga ranar Lahadi 18 ga watan Agusta

Liga ranar Lahadi 25 ga watan Agusta

Liga ranar Alhamis 29 ga watan Agusta

Liga ranar Lahadi 1 ga watan Satumba

Liga Asabar 14 ga watan Satumba

Liga Asabar 21 ga watan Satumba

Liga Talata 24 ga watan Satumba

Wasan da Real Madrid za ta kara nan gaba

Liga ranar Lahadi 29 ga watan Satumba

Champions League ranar Laraba 2 ga watan Oktoba