ખેરસન : યુક્રેનના જે શહેર પર રશિયાએ કબજો કરી લીધો, હાલ ત્યાં કેવી સ્થિતિ છે?

લાઇવ કવરેજ

1. 3 માર્ચ 2022અત્યાર સુધી શું-શું થયું ?

   

   ઇમેજ સ્રોત, Reuters

   રશિયા યુક્રેનમાં સૈન્ય સંઘર્ષનો આજે આઠમો દિવસ છે. જો તમે હાલ બીબીસી ગુજરાતીના લાઇવ પેજમાં જોડાયા છો તો અહીં વાંચો અત્યાર સુધી શું-શું થયું:

   • રશિયાની સેનાએ યુક્રેનના દક્ષિણમાં સ્થિત મુખ્ય બંદરના શહેર ખેરસોનનો કબજો મેળવી લીધો છે, અધિકારીઓ આ વાત જણાવી છે.
   • છેલ્લા કેટલાક કલાકોમાં રાજધાની કિએવ તથા અન્ય શહેરોમાં મોટા વિસ્ફોટોનો અવાજ સંભળાયો છે, ધુમાડો નીકળતો હોવાનાં દૃશ્યો પણ જોવા મળ્યાં.
   • અમેરિકાના સૈન્ય અધિકારીઓનું કહેવું છે કે યુક્રેનમાં રશિયાનો વિશાળ સૈન્ય કાફલો હાલ થોભી ગયો છે
   • અમેરિકા અનુસાર રશિયાના સૈન્યને ઈંધણ અને ભોજનની અછતને કારણે કાફલો રોકવો પડ્યો છે
   • યુક્રેનના રાષ્ટ્રપતિ ઝૅલેન્સ્કીએ એક વીડિયોમાં દેશવાસીઓના દેશના રક્ષણ માટે ઊભા રહેવા માટે વખાણ કર્યાં
   • ધ હેગ સ્થિત ઇન્ટરનેશનલ ક્રિમિનલ કોર્ટ દ્વારા યુક્રેનમાં રશિયાના હુમલામાં સંભવિત યુદ્ધઅપરાધની તપાસ શરૂ કરી
   • યુએન અનુસાર યુદ્ધને કારણે દસ લાખથી વધુ લોકોએ યુક્રેન છોડ્યું
   • રશિયાએ પ્રથમ વખત માન્યું યુક્રેનમાં તેના 498 સૈનિકો માર્યા ગયા અને1,597 ઈજાગ્રસ્ત થયા

2. 3 માર્ચ 2022ભારતીય વિદ્યાર્થીઓને બંધક બનાવવાના આરોપને ભારત સરકારે આપ્યો રદિયો

   

   ઇમેજ સ્રોત, ANI

   ભારત સરકારે યુક્રેનમાં ભારતીય વિદ્યાર્થીઓને બંધક બનાવવાના રશિયાના દાવાને રદિયો આપ્યો છે.

   રશિયાએ કહ્યું હતું કે, "વિદ્યાર્થીઓને યુક્રેનના સશસ્ત્ર બળો 'માનવ ઢાલ' તરીકે ઉપયોગમાં લઈ રહ્યા છે અને તેમને રશિયા સુધી પહોંચવાથી રોકવામાં તમામ શક્ય પ્રયાસો હાથ ધરી રહ્યા છે."

   જોકે, ભારત સરકારના વિદેશ મંત્રાલય તરફથી બુધવારે જારી કરવામાં આવેલા એક નિવેદનમાં જણાવવામાં આવ્યું છે કે, તેમને યુક્રેનમાં કોઈ પણ વિદ્યાર્થીને બંધક બનાવ્યા હોવા અંગે કોઈ માહિતી નથી.

   નિવેદનમાં કહેવામાં આવ્યું છે કે ભારત સરકારે યુક્રેનના અધિકારીઓના સમર્થન માટે અનુરોધ કર્યો છે. એવો દાવો છે કે હજારોની સંખ્યામાં ભારતીય વિદ્યાર્થીઓ અત્યારે પણ ખારકિએવમાં ફસાયેલા છે.

   

   ઇમેજ સ્રોત, Getty Images

   શું છે સમગ્ર મામલો

   બુધવારે રશિયાએ યુક્રેન પર ભારતીયોને બંધક બનાવવાનો આરોપ લગાવ્યો હતો. યુક્રેને તેનો વળતો જવાબ આપ્યો હતો.

   રશિયાએ બુધવારે દાવો કર્યો હતો કે તેઓ ભારતીયોને યુક્રેનમાં યુદ્ધથી બહાર નીકાળવાના પ્રયત્નો કરી રહ્યા છે પરંતુ યુક્રેનની સેના ભારતીય વિદ્યાર્થીઓના એક સમૂહને બંધક બનાવીને માનવ-ઢાલની જેમ વાપરી રહી છે.

   રશિયાના રાષ્ટ્રપતિ વ્લાદિમીર પુતિને બુધવારે ભારતીય વડા પ્રધાન નરેન્દ્ર મોદી સાથે ફોન પર વાતચીત કરી હતી. એક અઠવાડિયામાં બન્ને નેતાઓની આ બીજી વાતચીત છે.

   આ અંગે રશિયાએ કહ્યું હતું કે બન્ને નેતાએ યુક્રેનમાં ફસાયેલા ભારતીય નાગરિકોની સુરક્ષા સુનિશ્ચિત કરવા માટે સહયોગ જારી રાખવા પર સહમતિ દર્શાવી હતી.

3. 3 માર્ચ 2022રશિયાના હુમલામાં તબાહ થયેલા દુનિયાના સૌથી મોટા વિમાનની ખાસિયત

   દુનિયાનું સૌથી મોટું વિમાન એન્ટોનોવ-225 યુક્રેનની રાજધાની કિએવની હોસ્ટોમેલ ઍરફિલ્ડ ખાતે રશિયા દ્વારા કરાયેલી ઍરસ્ટ્રાઇકમાં તૂટી ગયું છે. જાણો આ વિમાન કેમ ખાસ હતું? .

   બદલો Instagram કન્ટેન્ટ

   Instagram કન્ટેન્ટને મંજૂરી આપીએ?

   આ લેખમાં Instagram દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Instagram કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

   સ્વિકારો અને આગળ વધો

   બીબીસી બહારની સાઇટ્સના કન્ટેન્ટ માટે જવાબદાર નથી.

   Instagram કન્ટેન્ટ પૂર્ણ

4. 3 માર્ચ 2022અત્યાર સુધી 10 લાખ લોકોએ યુક્રેન છોડ્યું: UN

   

   ઇમેજ સ્રોત, Reuters

   સંયુક્ત રાષ્ટ્રએ કહ્યું કે યુક્રેનમાંથી અંદાજે દસ લાખ લોકો આસપાસના દેશો છોડીને ગયા છે.

   આ સ્થળાંતર રશિયાના હુમલાના સાત દિવસ દરમિયાન જ થયું છે.

   

   ઇમેજ સ્રોત, Reuters

   બીબીસીના લ્યુઇસ ગુડઑલ પ્રમાણે 2015માં અંદાજે 13 લાખ લોકો સ્થળાંતરિત થયા હતા. જેની સામે આ વખતે માત્ર એક અઠવાડિયામાં જ દસ લાખ લોકોએ સ્થળાંતર કરવા મજબૂર બન્યા છે.

   

   ઇમેજ સ્રોત, Getty Images

   સંયુક્ત રાષ્ટ્રના શરણાર્થીઓ માટેના હાઇકમિશનર ફિલિપો ગ્રાન્ડીએ અપીલ કરી હતી કે બંદૂકો શાંત થવી જોઈએ જેથી દેશમાં રહેલા લાખો લોકો સુધી માનવતાવાદી સહાય પહોંચાડી શકાય.

   એજન્સીએ અંદાજ લગાવ્યો છે કે કુલ 12 લાખ લોકો આંતરિક રીતે વિસ્થાપિત થયા છે.

   

   ઇમેજ સ્રોત, Getty Images

5. 3 માર્ચ 2022ઉત્તર પ્રદેશના ગોરખપુરથી લાઇવ : UPમાં છઠ્ઠા તબક્કાનું મતદાન ચાલુ, યોગી આદિત્યનાથ ગોરખપુરથી ચૂંટણી લડી રહ્યા છે

6. 3 માર્ચ 2022ખારકિએવ નજીક આવેલા શહેરમાં હુમલામાં 'બે બાળકો સહિત આઠ લોકોનાં મૃત્યુ'

   

   ઇમેજ સ્રોત, Unian

   યુક્રેનમાં ખાલકિએવથી બે કલાકના અંતર પ સ્થિત ઇઝિયુમ શહેરમાં રશિયાના હુમલામાં આઠ નાગરિકોનાં મૃત્યુ થયાં છે, આમાં બે બાળકો પણ છે. આ માહિતી યુક્રેનમાં અધિકારીઓએ આપી છે.

   ડેપ્યુટી મેયર વોલોદિમીર મૅટ્સોકિને કહ્યું કે શેહરના મધ્ય ભાગમાં ભારે નુકસાન થયું છે અને એક સરકારી ઇમારત પર હુમલા બાદ પોલીસકર્મીઓ પણ ઈજાગ્રસ્ત થયા છે.

   આની પહેલાં મૅટ્સોકિને ફેસબુક પર લખ્યું કે એક અપાર્ટમેન્ટ બિલ્ડિંગ પર હુમલામાં ત્યાંના રહેવાસીઓનું મૃત્યુ થઈ ગયું હતું.

7. 3 માર્ચ 2022સ્વિફ્ટ શું છે? રશિયા પર આ બૅન્કિંગ પ્રતિબંધની શું અસર થઈ શકે?

   

   ઇમેજ સ્રોત, Getty Images

   2014માં જ્યારે પશ્ચિમી દેશોએ રશિયાને સ્વિફ્ટમાંથી દૂર કરવાની ચીમકી ઉચ્ચારી હતી. ત્યારે રશિયાના તત્કાલિન નાણામંત્રીએ અંદાજ લગાવ્યો હતો કે આમ થવાથી એક વર્ષમાં રશિયાની જીડીપી પાંચ ટકા જેટલી ઘટશે.

8. 3 માર્ચ 2022કિએવમાં ગુરુવારે મળસકે ચાર મોટા વિસ્ફોટ, જૂઓ કઈ રીતે અમેરિકન પત્રકાર વિસ્ફોટને વિજળી સમજી બેઠા

   ગુરુવારે મળસકે યુક્રેનની રાજધાની કિએવમાં ચાર જેટલા વિસ્ફોટોના અવાજ સંભળાયા હતા.

   બે શક્તિશાળી વિસ્ફોટો સિટી સૅન્ટરમાં અને અન્ય બે મેટ્રો સ્ટેશન પાસે થયા હતા.

   ઓપન સોર્સ ઇન્ટેલિજન્સ શૅર કરતા એક ટ્વિટર ઍકાઉન્ટ દ્વારા આ વિસ્ફોટો પૈકી એકનો વીડિયો રજૂ કરવામાં આવ્યો હતો.

   જોકે, બીબીસી આ વીડિયોની પુષ્ટિ કરી શક્યું નથી.

   બદલો X કન્ટેન્ટ, 1

   X કન્ટેન્ટને મંજૂરી આપીએ?

   આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

   સ્વિકારો અને આગળ વધો

   બીબીસી બહારની સાઇટ્સના કન્ટેન્ટ માટે જવાબદાર નથી.

   X કન્ટેન્ટ પૂર્ણ, 1

   જોકે, આ વીડિયોમાં જે વિસ્ફોટ જોવા મળે છે, લગભગ તેવો જ એક વિસ્ફોટ સીબીએસ ન્યૂઝના લાઇવ બ્રોડકાસ્ટિંગમાં જોવા મળ્યો હતો.

   સીબીએસ ન્યૂઝના આંતરરાષ્ટ્રીય સંવાદદાતા ચાર્લી ડિ'અગાતા ગુરુવારે મળસ્કે કિએવમાં એક છત પરથી લાઇવ રિપોર્ટિંગ કરી રહ્યા હતા.

   તે જ સમયે વિસ્ફોટ થતા શરૂઆતમાં તેમને વિજળી પડી હોવાનું લાગ્યું હતું. જોકે, ગણતરીની સૅકન્ડોમાં અવાજ તેમનાસુધી પહોંચતા તેઓ ચોંકી ઊઠ્યા હતા.

   બદલો X કન્ટેન્ટ, 2

   X કન્ટેન્ટને મંજૂરી આપીએ?

   આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

   સ્વિકારો અને આગળ વધો

   બીબીસી બહારની સાઇટ્સના કન્ટેન્ટ માટે જવાબદાર નથી.

   X કન્ટેન્ટ પૂર્ણ, 2

9. 3 માર્ચ 2022પુતિનના એ અબજપતિ મિત્રો, રશિયાના રાજકારણમાં જેમનું 'રાજ' ચાલે છે

   

   ઇમેજ સ્રોત, Getty Images

   રશિયા, યુક્રેન અને પશ્ચિમી દેશો વચ્ચે સંઘર્ષ વધ્યા પછી ઓલિગાર્કની ફરીથી ચર્ચા થવા લાગી છે, જેઓ રશિયાના અતિ ધનવાન અને પહોંચ ધરાવતા લોકો છે.

   પશ્ચિમી દેશોના મીડિયામાં ઘણી વાર એવા લોકોને પુતિનના 'ક્રોનીઝ' અર્થાત્ જીગરી દોસ્ત કહેવામાં આવે છે. યુક્રેન પર હુમલા પછી પશ્ચિમી દેશોએ લાદેલા પ્રતિબંધોનો એક ટાર્ગેટ આ ઓલિગાર્ક પણ છે.

   વાંચો કોણ હોય છે આ ઓલિગાર્ક?

10. 3 માર્ચ 2022સ્વિફ્ટ બૅન્કિંગ સિસ્ટમમાંથી હઠાવવામાં આવશે સાત રશિયન બૅન્કો

    

    ઇમેજ સ્રોત, Getty Images

    સ્વિફ્ટ બૅન્કિંગ સિસ્ટમનું કહેવું છે કે, તેઓ પોતાના વૈશ્વિક નેટવર્કમાંથી સાત રશિયન બૅન્કોને હઠાવી દેશે. આ કાર્યવાહી 12 માર્ચે પૂરી કરવામાં આવશે.

    સ્વિફ્ટ બૅન્કિંગ સિસ્ટમ તરફથી જારી કરવામાંં આવેલા નિવેદનમાં કહેવામાં આવ્યું છે કે, "યુક્રેન પર રશિયાના હુમલાના કારણે ત્રાસદી ભોગવી રહેલા લોકો પ્રત્યે અમારી સંવેદના છે."

    આ સપ્તાહની શરૂઆતમાં અમેરિકા, યુરોપિયન સંઘ, બ્રિટન અને તેમના ઘણા સહયોગી દેશોએ રશિયાની બૅન્કોને આંતરરાષ્ટ્રીય વ્યવહાર માટેની મહત્તવપૂર્ણ સિસ્ટમ 'સ્વિફ્ટ'માંથી બહાર કરવાનો નિર્ણય લીધો હતો.

    વિશ્વભરમાં હજારો નાણાકીય સંસ્થા 'સ્વિફ્ટ સિસ્ટમ'નો ઉપયોગ કરે છે. રશિયા ઑઇલ અને ગૅસની નિકાસ માટે ઘણી હદ સુધી આ સિસ્ટમ પર નિર્ભર રહ્યું છે.

11. 3 માર્ચ 2022રશિયાની ન્યૂક્લિયર બૉમ્બની ચેતવણીનો મતલબ શું?

    યુક્રેન પર ઘેરાયેલા સંકટ વચ્ચે રશિયાના રાષ્ટ્રપતિ વ્લાદિમીર પુતિને પોતાના સૈન્યને પ્રતિરોધક શક્તિઓને 'સ્પેશિયલ એલર્ટ' પર રહેવાનો આદેશ આપી દીધો છે, જેમાં પરમાણુ શસ્ત્રોનો પણ સમાવેશ થાય છે.

    એમ તો, એમની આ ઘોષણાનો મતલબ એવો બિલકુલ નથી કે રશિયા પરમાણુ હથિયારોનો ઉપયોગ કરવા માગે છે. પરંતુ એમના આ એલાને દુનિયામાં પરમાણુ શસ્ત્રોની ચર્ચા શરૂ કરી દીધી છે.

    ત્યારે આવો જાણીએ પરમાણુ હથિયારો શું છે, દુનિયામાં કેટલા દેશો પાસે છે અને ભારતનું તેમાં ક્યાં સ્થાન છે...

    બદલો YouTube કન્ટેન્ટ

    Google YouTube કન્ટેન્ટને મંજૂરી આપીએ?

    આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

    સ્વિકારો અને આગળ વધો

    બીબીસી બહારની સાઇટ્સના કન્ટેન્ટ માટે જવાબદાર નથી. YouTube કન્ટેન્ટમાં જાહેરાત હોઈ શકે છે.

    YouTube કન્ટેન્ટ પૂર્ણ

12. 3 માર્ચ 2022ઇન્ટરનેશનલ ક્રિમિનલ કોર્ટે રશિયા વિરુદ્ધ તપાસ શરૂ કરી

    

    ઇમેજ સ્રોત, Reuters

    ઇન્ટરનેશનલ ક્રિમિનલ કોર્ટના પ્રમુખ અભિયોજકે યુક્રેન પર આક્રમણ દરમિયાન સંભવિત યુદ્ધઅપરાધો માટે રશિયા વિરુદ્ધ તપાસ હાથ ધરી છે.

    કરીમ ખાને લેખિત નિવેદનમાં જણાવ્યું, "યુક્રેનની પરિસ્થિતિની પ્રારંભીક તપાસમાં અમને એટલા પુરાવા તો મળ્યા જેથી સાબિત થાય કે ઇન્ટરનેશનલ ક્રિમિનલ કોર્ટના ન્યાયક્ષેત્રમાં અપરાધ થયા છે. અમે એવા સંભવિત મામલાની ઓળખ કરી છે જેને સ્વીકારી લેવાશે."

    કરીમ ખાને સોમવારે કહ્યું હતું કે તેઓ કોર્ટ પાસેથી તપાસ શરૂ કરવા અનુમતિ માગશે પરંતુ હવે બ્રિટન સહિત 38 દેશોએ તપાસની માગ કરી દીધી છે. જેનો અર્થ છે કે તેઓ હવે તાત્કાલિક તપાસ શરૂ કરી શકે છે.

    યુક્રેન કહે છે કે બૉમ્બમારામાં અત્યાર સુધી બે હજારથી વધુ નાગરિકોના મૃત્યુ થયા છે. જ્યારે સંયુક્ત રાષ્ટ્ર પ્રમાણે, શરૂઆતના પાંચ દિવસોમાં 227 સામાન્ય નાગરિકોના મૃત્યુ અને 527 ઈજાગ્રસ્ત થયા હતા. જોકે, સાચો આંકડો ઘણો વધારે હોઈ શકે છે.

13. 3 માર્ચ 2022રશિયા પર યુક્રેનમાં જેનો ઉપયોગ કરવાનો આરોપ છે તે વૅક્યુમ બૉમ્બ શું છે?

14. 3 માર્ચ 2022ઉત્તર પ્રદેશ ચૂંટણી: 10 જિલ્લાની 57 બેઠકો પર આજે મતદાન

    

    ઇમેજ સ્રોત, Getty Images

    આજે ઉત્તર પ્રદેશ વિધાનસભાની ચૂંટણીમાં છઠ્ઠા તબક્કાનું મતદાન યોજાશે.

    આ તબક્કાના મતદાનમાં બધાની નજર ગોરખપુર પર છે જ્યાંથી ઉત્તર પ્રદેશના મુખ્ય મંત્રી યોગી આદિત્યનાથ ચૂંટણી લડી રહ્યા છે.

    યુપીમાં છઠા તબક્કાની ચૂંટણીમાં 10 જિલ્લામાં વિધાનસભાની 57 બેઠકો પર મતદાન થશે. આ તમામ બેઠકો પર ભાજપનું વર્ચસ્વ રહ્યું છે.

    યુપીની આ 57 વિધાનસભા બેઠકોમાંથી ગત ચૂંટણીમાં 46 બેઠકો પર ભાજપે જીત મેળવી હતી.

15. 3 માર્ચ 2022યુક્રેનનાં મુખ્ય શહેરો પર રશિયાનો ભીષણ બૉમ્બમારો, અત્યાર સુધી શું-શું થયું?

16. 3 માર્ચ 2022રશિયા-યુક્રેટ સંકટ: ગઈકાલનો દિવસ કેવો રહ્યો?

    

    ઇમેજ સ્રોત, Reuters

    રશિયા અને યુક્રેન વચ્ચેના લોહિયાળ સંઘર્ષનો વધુ એક દિવસ શરૂ થવા જઈ રહ્યો છે. અત્યારે યુક્રેનમાં મોડીરાત છે. તો ગઈકાલના દિવસમાં યુક્રેનમાં શું-શું થયું. આ રહી તેની અપડેટ્સ

    - સંયુક્ત રાષ્ટ્રની સામાન્ય સભામાં રશિયા વિરુદ્ધ નિંદા પ્રસ્તાવ મૂકવામાં આવ્યો હતો. ભારત અને ચીન સહિત 35 દેશો અનુપસ્થિત રહ્યા.

    - રશિયાએ પહેલી વખત પોતાના સૈનિકોનાં મૃત્યુનો આંકડો જારી કરતા કહ્યું કે અત્યાર સુધી તેમના 498 સૈનિકો માર્યા ગયા છે.

    - યુક્રેનના દાવા પ્રમાણે, અત્યાર સુધી 5840 રશિયન સૈનિકો માર્યા ગયા છે.

    -જોકે,બીબીસી સ્વતંત્ર રીતે રશિયા અને યુક્રેનના દાવાની પુષ્ટિ કરી શક્યું નથી.

    - દક્ષિણ યુક્રેનના મુખ્ય શહેર ખેરસોન રશિયાના નિયંત્રણમાં આવ્યું હોવાની માહિતી મળી છે.

    -ખેરસોનના મેયરે કહ્યું કે શહેરમાં રશિયન સૈનિકો પ્રવેશી ચૂક્યાં છે.

    - દક્ષિણી શહેર મારિયુપોલના ડૅપ્યુટી મેયરે જણાવ્યું કે શહેરના રહેણાક વિસ્તારોમાં મિસાઇલો અને બૉમ્બમારામાં સેંકડો સામાન્ય લોકોનાં મૃત્યુ થયાં છે.

    - રશિયાની સેના યુક્રેનના બીજા સૌથી મોટા શહેર અને રશિયાની પૂર્વ સીમા પાસે સ્થિત ખારકિએવ પર ભારે બૉમ્બમારો કરી રહી છે.

    -કિએવ પાસે ઊભો વિશાળ રશિયન સૈન્ય કાફલો પોતાની જગ્યાએ સ્થિર છે.

17. 2 માર્ચ 2022

    બીબીસી ગુજરાતીના લાઇવ પેજમાં આપનું સ્વાગત છે.

    આ લાઇવ પેજમાં તમે રશિયા-યુક્રેન યુદ્ધ અને ઉત્તર પ્રદેશ વિધાનસભા ચૂંટણી સિવાય દેશ-દુનિયાની તમામ અપડેટ્સ વાંચી શકશો. અહીં બીબીસી સંવાદદાતા હરિતા કાંડપાલ અને બાદલ દરજી તમને સતત અપડેટ્સ આપશે.

    આ પહેલાં શું-શું થયું એ વાંચવા માટેે આ લિંક પર ક્લિક કરો.