તાલિબાને દુનિયાની મહાશક્તિ અમેરિકા માટે તેના નાગરિકોને કાઢવાની મુદ્દત લંબાવાનો ઇનકાર કર્યો
ઇમેજ સ્રોત, Getty Images
તાલિબાનના પ્રવક્તાએ કહ્યું છે કે અમેરિકા અફઘાનિસ્તાનમાંથી 31 ઑગસ્ટ સુધી લોકોને બહાર કાઢવાનું કામ પૂરું કરી લે.
અમેરિકાના રાષ્ટ્રપતિ જો બાઇડને અફઘાનિસ્તાનથી પોતાના સૈનિકોને પૂર્ણ રીતે પાછા બોલાવી લેવા માટે 31 ઑગસ્ટની તારીખ નક્કી કરી હતી.
સમાચાર એજન્સી એપી અનુસાર એક પ્રેસ કૉન્ફરન્સને સંબોધિત કરતા તાલિબાનના પ્રવક્તા ઝબુઉલ્લાહ મુજાહિદે કહ્યું હતું કે 31 ઑગસ્ટની તારીખને આગળ વધારવામાં નહીં આવે અને તાલિબાન તેને સ્વીકાર પણ નહીં કરે.
તેમણે કહ્યું કે અફઘાનિસ્તાનમાં જનજીવન સામાન્ય થઈ રહ્યું છે પરંતુ ઍરપૉર્ટ પર સમસ્યા હજી જેમની તેમ છે.