બાંગ્લાદેશ 286 પર ઓલઆઉટ, ભારતનું સેમિફાઇનલમાં સ્થાન નિશ્ચિત

લાઇવ કવરેજ

1. 2 જુલાઈ 2019રોહિત શર્માની અર્ધસદી

   પહેલી ઓવરથી જ આક્રમક મૂડમાં બેટિંગ કરી રહેલા રોહિત શર્માએ 47 બૉલમાં 52 રન ફટકારીને અર્ધસદી પૂર્ણ કરી છે.

   તેમણે આ વર્લ્ડ કપમાં અત્યાર સુધી ત્રણ સદી ફટકારી છે.

2. 2 જુલાઈ 2019પ્રથમ પાવરપ્લેમાં ભારતનો સૌથી ઊંચો સ્કોર

   આજની મૅચમાં ભારતીય ઓપનિંગ બૅટ્સમૅન રોહિત શર્મા અને લોકેશ રાહુલ સારા સ્ટ્રાઇક રેટ સાથે રમી રહ્યા છે.

   પહેલી 10 ઓવરમાં ટીમે 69 રન કર્યા હતા, જે પ્રથમ પાવરપ્લેમાં ભારતીય ટીમનો અત્યાર સુધીનો સૌથી વધુ સ્કોર છે.

3. 2 જુલાઈ 2019પહેલી દસ ઓવરમાં ઝડપી શરૂઆત

   10 ઓવરમાં ભારતીય ટીમનો સ્કોર 69 રને પહોંચ્યો છે, હીજી સુધી એક પણ વિકેટ ટીમે ગુમાવી નથી.

   રોહિત શર્મા અને લોકેશ રાહુલે એક મજબૂત પાર્ટનરશિપ સાથે શરૂઆત કરી છે.

   હાલમાં રોહિત શર્મા 38 રન અને રાહુલ 28 રન સાથે રમતમાં છે.

4. 2 જુલાઈ 2019રોહિત-રાહુલની 50 રનની પાર્ટનરશિપ

   રોહિત શર્મા અને લોકેશ રાહુલ વચ્ચે 50 રનનની પાર્ટનરશિપ થઈ છે.

   રોહિત શર્મા અને લોકેશ રાહુલે શરૂઆતથી ઝડપી શરૂઆત કરી હતી.

   રોહિત શર્માએ પહેલી ઓવરથી જ સિક્સર અને બાઉન્ડરી મારી હતી.

5. 2 જુલાઈ 2019તમિમે રોહિત શર્માનો કૅચ છોડ્યો

   ભારતીય ટીમના પેહલી પાંચ ઓવરમાં 21 રન થયા છે, ભારતીય ટીમે અત્યાર સુધીમાં એક પણ વિકેટ ગુમાવી નથી.

   પાંચમી ઓવરમાં બાંગ્લાદેશના ખેલાડી તમિમ ઇકબાલે રોહિતનો કૅચ છોડ્યો હતો.

6. 2 જુલાઈ 2019રોહિત શર્માની પહેલી ઓવરમાં સિક્સ

   રોહિત શર્માએ પહેલી જ ઓવરના ચોથા બૉલ પર સિક્સ ફટકારીને ખાતું ખોલ્યું હતુ.

   આ વર્લ્ડ કપમાં ભારતના ઓપનિંગ બૅટ્સમૅન રોહિત શર્માનું પ્રદર્શન સારું રહ્યું છે, તેમણે ત્રણ વખત સદી ફટકારી છે.

   રોહિત શર્મા અને લોકશ રાહુલ ભારતીય ટીમ તરફથી ઓપનિંગ કરવા મેદાન પર ઊતર્યા છે.

   રોહિત શર્માએ દક્ષિણ આફ્રિકા સામેની મૅચમાં 122 રન ફટકાર્યા હતા અને અણનમ રહ્યા હતા.

7. 2 જુલાઈ 2019કેદાર અને કુલદીપ આજે નહીં રમે

   આજની ટીમના પ્લેયિંગ ઇલેવનમાંથી કેદાર જાધવ અને કુલદીપ યાદવને બહાર રાખવામાં આવ્યા છે.

   તેમના બદલે ટીમમાં દિનેશ કાર્તિક અને સ્વિંગ બૉલર ભુવનેશ્વર કુમારને સમાવવામાં આવ્યા છે.

   ભુવનેશ્વરના આવ્યા બાદ ભારતીય ટીમની બૉલિંગ લાઇનઅપ વધારે મજબૂત બની ગઈ છે.

8. 2 જુલાઈ 2019ટૉસ જીતી બેટિંગ કરવાનો નિર્ણય

   ભારતીય ટીમે ટૉસ જીતીને પ્રથમ બેટિંગ કરવાનો નિર્ણય કર્યો છે.

   ભારતીય ટીમ આ વર્લ્ડ કપમાં અત્યાર સુધી 7 મૅચ રમી ચૂકી છે. જેમાંથી પાંચ મૅચમાં જીત મળી છે, એક મૅચ અનિર્ણીત રહી હતી.

   જ્યારે ઇંગ્લૅન્ડ સામે રવિવારે યોજાયેલી મૅચમાં ભારતીય ટીમની હાર થઈ હતી.

9. 2 જુલાઈ 2019'અમે જીતીશું'

   ભારતીય ક્રિકેટ ટીમના કૅપ્ટન વિરાટ કોહલી તથા બાંગ્લાદેશની ટીમના કૅપ્ટને વિજયનો વિશ્વાસ વ્યક્ત કર્યો હતો.

10. 2 જુલાઈ 2019વાહ, વાતાવરણ!

    મૅચ પૂર્વે BCCIએ એક તસવીર ટ્વીટ કરી હતી. એવી શક્યતા વ્યક્ત કરવામાં આવે છે કે વાતાવરણ ચોખ્ખું રહેશે અને મૅચ દરમિયાન વરસાદનો અવરોધ ઊભો નહીં થાય.

11. 2 જુલાઈ 2019ઇંગ્લૅન્ડ સામે ભારત કેમ હાર્યું?

    ભારત અને ઇંગ્લૅન્ડ વચ્ચ રમાયેલી મૅચમાં 27 વર્ષ બાદ ભારત વિશ્વ કપની મૅચમાં ઇંગ્લૅન્ડ સામે હારી ગયું હતું.

    આ હાર બાદ અનેક પ્રકારના કયાસ લગાવવામાં આવી રહ્યા હતા. આ સાથે જ ભારતના મિડલ-ઑર્ડરની ક્ષમતાઓને લઈને પણ ચર્ચાઓ જાગી હતી.

    આ અંગે જાણવા આ અહીં ક્લિક કરો.

12. 2 જુલાઈ 2019ભારત અને બાંગ્લાદેશ વચ્ચ જંગ

    ભારત અને બાંગ્લાદેશ વચ્ચેની મૅચ થોડી ક્ષણોમાં શરૂ થશે. ભારતને સેમિફાઇનલમાં પહોંચવા માટે માત્ર એક જ મૅચની જરૂર છે.

    અગાઉ ઇંગ્લૅન્ડ સામે રમાયેલી મૅચમાં ભારતનો 31 રને પરાજય થયો હતો.

    ભારત અત્યાર સુધી સાત મૅચ રમ્યું છે જેમાંથી તેનો પાંચ મૅચમાં વિજય થયો છે. ભારત એક મૅચ હાર્યું છે તથા એક મૅચ વરસાદને કારણે ધોવાઈ ગઈ હતી.

    હાલમાં ભારત અને ન્યૂઝીલૅન્ડ 11 પૉઇન્ટ સાથે બીજા ક્રમે છે.

13. 2 જુલાઈ 2019ભારતીય ટીમમાં ફેરફાર

    શિખર ધવન અને ભુવનેશ્વર કુમાર બાદ હવે વિજય શંકરને પણ વર્લ્ડ કપ ટીમમાંથી ઈજાને કારણે બહાર કરવામાં આવ્યા છે.

    વર્લ્ડ કપમાં વિજય શંકર બહુ સારું પ્રદર્શન કરી શક્યા નહોતા, જ્યારે ભુવનેશ્વર કુમારને બદલે ટીમમાં આવેલા મોહમ્મદ શમીનું પ્રદર્શન ઘણું સારું રહ્યું છે.

    ભારતીય ટીમના મૅનેજમૅન્ટે ઇન્ટરનેશનલ ક્રિકેટ કાઉન્સિલ(આઈસીસી)ને વિજય શંકરને બદલે મયંક અગ્રવાલને ટીમમાં સમાવવાની અપીલ કરી છે.

    મયંક અગ્રવાલે 2018માં ઑસ્ટ્રેલિયા સામેની બૉક્સિંગ ડે ટેસ્ટથી આંતરરાષ્ટ્રીય ક્રિકેટમાં ડેબ્યુ કર્યો હતો. આ મૅચમાં તેમણે 76 રન કર્યા હતા.

14. 2 જુલાઈ 2019મેદાનથી બાંગ્લાદેશને ફાયદો?

    ફોર્મની દૃષ્ટિએ ભારતીય ટીમમાં કોઈ ખામી નથી. રોહિત શર્માએ આ ટૂર્નામેન્ટમાં ત્રણ સદી ફટકારી છે તો વિરાટ કોહલી છેલ્લી પાંચ મૅચમાં અડધી સદી ફટકારી ચૂક્યા છે.

    આમ છતાં ધોની અને કેદાર જાધવની ધીમી બેટિંગ ચિંતાનો વિષય છે.

    બીજી તરફ બાંગ્લાદેશના ખેલાડીઓએ નોંધપાત્ર દેખાવ કર્યો છે. ખાસ કરીને સાકીબ અલ હસન જોરદાર ફોર્મમાં છે. વર્લ્ડ નંબર-વન ઑલરાઉન્ડરે અફઘાનિસ્તાન સામે અડધી સદી ફટકાર્યા બાદ પાંચ વિકેટ પણ ઝડપી હતી.

    બીજી બાજુ એજબસ્ટનનું મેદાન વિચિત્ર આકાર ધરાવે છે તે જોતાં આ બંને બૉલરને લાભ થાય તેમ છે.

15. 2 જુલાઈ 2019ક્રિકેટનો બૉલ કેવી રીતે બને છે?

16. 2 જુલાઈ 2019ભારત અને બાંગ્લાદેશ માટે મહત્ત્વપૂર્ણ મૅચ

    બાંગ્લાદેશ માટે આ મૅચ અત્યંત મહત્ત્વની છે કેમ કે, ભારતના પરાજય બાદ પાકિસ્તાન અને બાંગ્લાદેશ સામે વધુ જોખમ પેદા થયું છે.

    જોકે, બાંગ્લાદેશ સાવ ફેંકાઈ ગયું નથી, પરંતુ તેમને બાકીની બંને મૅચ જીતવી ફરજિયાત બની ગઈ છે.

    બાંગ્લાદેશે હવે ભારત અને પાકિસ્તાન બંનેને હરાવવા તો પડશે જ, પરંતુ ત્યારબાદ પણ તેમણે ન્યૂઝીલૅન્ડ જીતી જાય તેવી આશા રાખવાની છે.

17. 2 જુલાઈ 2019જ્યારે બાંગ્લાદેશે ભારતને વર્લ્ડ કપમાંથી બહાર કાઢ્યું

    ભૂતકાળમાં એક એવી મૅચ રમાઈ હતી, જેમાં બાંગ્લાદેશે વધુ સશક્ત મનાતી ભારતની ટીમને વર્લ્ડ કપમાંથી બહાર જવાનો રસ્તો દેખાડ્યો હતો.

    વર્ષ 2007ના વર્લ્ડ કપની છે, 17 માર્ચના રોજ ઓવલના ક્વીન્સ પાર્ક ખાતે બાંગ્લાદેશ અને ભારત વચ્ચે મૅચ રમાઈ હતી.

    એ મૅચ અંગે વધુ વાંચવા અહીં ક્લિક કરો.

18. 2 જુલાઈ 2019ઑસ્ટ્રેલિયા પ્રથમ

    મૅચમાં પૉઇન્ટ્સ ટેબલની વાત કરવામાં આવે તો વર્લ્ડ કપની સિરીઝમાં 14 પૉઇન્ટ સાથે ઑસ્ટ્રેલિયા સૌથી આગળ ચાલી રહ્યું છે.

    ઑસ્ટ્રેલિયા આઠમાં સાત મૅચ જીત્યું છે અને એક મૅચ હાર્યું છે.