મધ્યપ્રદેશ : અત્યાર સુધી કેવું રહ્યું છે કૉંગ્રેસ-ભાજપનું પ્રદર્શન?
ઇમેજ સ્રોત, ANI
મધ્યપ્રદેશમાં ગત 17 નવેમ્બરે મતદાન થયું હતું. હાલ રાજ્યમાં ભાજપની સરકાર છે અને શિવરાજસિંહ ચૌહાણ મુખ્યમંત્રી છે.
પાછલાં અમુક વર્ષો પર નજર કરીએ તો કૉંગ્રેસ 1998માં વિધાનસભાની ચૂંટણીમાં જીત મેળવી હતી પરંતુ બીજા જ વર્ષે ભાજપે લોકસભા ચૂંટણીમાં સરસાઈ મેળવેલી.
વર્ષ 2003-04માં ભાજપે વિધાનસભા અને લોકસભા બંને ચૂંટણી જીતી.
તેમજ વર્ષ 2008માં ભાજપે રાજ્યમાં સરળતાથી બહુમતી મેળવી પરંતુ લોકસભામાં તેની સરસાઈમાં ઘટાડો થયો.
જોકે, વર્ષ 2013માં ભાજપે વિધાનસભાની ચૂંટણી જીતી અને અગાઉ કરતાં વધુ અંતરથી લોકસભા ચૂંટણીમાં જીત મેળવી.
વર્ષ 1998માં ભાજપ પાસે વિધાનસભાની ચૂંટણીમાં 37.2 ટકા વોટ હતા અને કૉંગ્રેસ પાસે 53.8 ટકા.
તેમજ વર્ષ 2018ની વિધાનસભાની ચૂંટણીમાં ભાજપને 47.4 ટકા મત મળ્યા અને કૉંગ્રેસને 49.6 ટકા.
વર્ષ 2018માં બેઠકોના મામલામાં કૉંગ્રેસે ભાજપને પાછળ મૂકીને સરકાર પણ ઘડી પરંતુ આ સરકાર માત્ર 20 મહિના જ ટકી શકી. તે બાદ ભાજપે ફરીથી સરકાર બનાવી લીધી.
કૉંગ્રેસ પાર્ટીનું વર્ષ 2019ની લોકસભાની ચૂંટણીમાં પ્રદર્શન ફીકું જ રહ્યું. ભાજપને આ ચૂંટણીમાં 96.6 ટકા મત મળ્યા.
