વિધાનસભા ચૂંટણી : પશ્ચિમ બંગાળમાં 80 ટકા, આસામમાં 75 ટકા મતદાન

લાઇવ કવરેજ

1. 27 માર્ચ 2021વડા પ્રધાન નરેન્દ્ર મોદીની મતદારોને અપીલ

   વડા પ્રધાન નરેન્દ્ર મોદીએ આજે વહેલી સવારે ટ્વીટ કરીને પશ્ચિમ બંગાળ અને આસામને મતદારોને રેકર્ડ સંખ્યામાં મતદાન કરવા અપીલ કરી હતી.

2. 27 માર્ચ 2021પશ્ચિમ બંગાળના પુરુલિયામાં મતદાનનો પ્રારંભ

   પશ્ચિમ બંગાળના પુરુલિયામાં વહેલી સવારથી જ મતદાનમથકો પર મતદારોની લાઇન જોવા મળી હતી.

   કોરોના વાઇરસના સંક્રમણને ધ્યાને રાખીને મતદાનમથક પર સોશિયલ ડિસ્ટન્સિંગ, માસ્કર પહેરવા જેવા નિયમોનું પાલન કરવા અપીલ કરાઈ રહી છે.

   સાથે-સાથે મતદાનમથકો પર મતદારોનું સ્ક્રીનિંગ પણ કરાઈ રહ્યું છે.

3. 27 માર્ચ 2021પશ્ચિમ બંગાળમાં ત્રિપાંખિયો જંગ

   પશ્ચિમ બંગાળમાં તૃણમૂલ કૉંગ્રેસ, ભાજપ તથા કૉંગ્રેસ-ડાબેરી પક્ષો અને ઇન્ડિયા સૅક્યુલર ફ્રન્ટની યુતિ વચ્ચે ત્રિપાંખિયો જંગ છે.

   મમતા બેનરજીને આશા છે કે તેમનો પક્ષ સળંગ ત્રીજી વખત ચૂંટણી જીતવામાં સફળ રહેશે, જ્યારે ભાજપ અહીં પોતાનો ગઢ સ્થાપિત કરવા માગે છે.

   294 ધારાસભ્યોવાળી વિધાનસભા માટે આઠ તબક્કામાં મતદાન યોજાશે અને બીજી મેના રોજ પરિણામ જાહેર થશે.

   આજે પ્રથમ તબક્કામાં બંગાળની 30 બેઠક પર મતદાન યોજાશે.

   ચોથી મે સુધીમાં આગામી વિધાનસભાના ગઠનસંબંધિત સંપૂર્ણ કામગીરી પૂર્ણ કરી દેવાની રહેશે.