બ્રેકિંગ, આ ચૂંટણી પછી ગુજરાત ભાજપના મજબૂત ગઢ તરીકે પ્રસ્થાપિત થશે : અમિત શાહ
ગૃહમંત્રી અમિત શાહે નારણપુરામાં મતદાન કર્યા પછી પત્રકારો સાથેની વાતચીતમાં કહ્યું કે “આજે ભારે સંખ્યામાં ગુજરાતના મતદારો મતદાન કરશે અને અંતે વિજય ભાજપનો થશે.”
“નરેન્દ્રભાઈના નેતૃત્વમાં ભાજપે સમગ્ર દેશમાં પરચમ ફેરાવ્યો છે. આ વિકાસયાત્રાની શરૂઆત ગુજરાતથી થઈ હતી. આ ચૂંટણી પછી ગુજરાત ભાજપના મજબૂત ગઢ તરીકે પ્રસ્થાપિત થશે.”
અમિત શાહે વધુમાં કહ્યું, "ગુજરાતના ખૂણેખૂણે વિકાસ પહોંચ્યો છે. ગુજરાતથી જંગલ વિસ્તાર હોય, શહેર હોય, પહાડ, સાગરકિનારો હોય, ગામ હોય, સર્વ સમાવેશી સર્વ સ્પર્શી વિકાસની શરૂઆત થઈ. આ સમગ્ર ભારત માટે અનુકરણીય યાત્રા બની છે. ભારતમાંથી અનેક રાજ્યો સંપૂર્ણ વિકાસની પ્રેરણા લઈ આગળ વધ્યાં છે."