ચીને પરિણામ ભોગવવાં પડશે : ડોનાલ્ડ ટ્રમ્પ
વ્હાઇટ હાઉસમાં યોજાયેલી પત્રકારપરિષદમાં અમેરિકાના રાષ્ટ્રપ્રમુખ ડોનાલ્ડ ટ્રમ્પે પત્રકારોને કહ્યું હતું કે, કોરોના વાઇરસને ચીનમાં શરૂ થતાં પહેલાંથી જ રોકી શકાયો હોત, પરંતુ એવું નથી થયું અને આખી દુનિયા તેનું પરિણામ ભોગવી રહી છે.
ટ્રમ્પને જ્યારે પૂછવામાં આવ્યું કે ચીનના વુહાન શહેરમાં ગત વર્ષે ડિસેમ્બર માસમાં કોરોના વાઇરસના સંક્રમણની શરૂઆત થઈ અને હવે જ્યારે દુનિયામાં એક લાખ 57 હજારથી વધારે લોકોનાં મૃત્યુ થયાં છે, ત્યારે શું આ માટે ચીને પરિણામ ભોગવવું પડશે?
આ સવાલના જવાબમાં ટ્રમ્પે કહ્યું, "જો તેમણે જાણી જોઈને કર્યું હશે, તો ચોકક્સપણે પરિણામ ભોગવશે. જો ભૂલ હશે તો ભૂલ તો ભૂલ જ હોય છે, પરંતુ જો તેમણે જાણી જોઈને કર્યું હશે, તો તેમણે પરિણામ ભોગવવા પડશે."
ટ્રમ્પે કહ્યું, "જો ચીનથી ક્યાંય ચૂક થઈ છે અને નિયંત્રણ નથી કરી શકતા અથવા તેમણે જાણીજોઈને કર્યું છે, તો બંનેમાં ફરક છે. તે આની તપાસી કરી રહ્યા છે. એવામાં આપણે રાહ જોવી રહી, અમે લોકો પણ આની તપાસ કરી રહ્યા છીએ."