કોરોના વાઇરસ : 15 લાખથી વધુ લોકો સંક્રમિત, 88 હજારનાં મૃત્યુ

લાઇવ કવરેજ

1. 9 એપ્રિલ 2020અમેરિકામાં કોરોનાથી એટલાં મોત કે લોકોને દફનાવવા માટે જગ્યા નથી

2. 9 એપ્રિલ 2020અમેરિકામાં ભયાવહ સ્થિતિ, બે દિવસમાં 3900 લોકોનાં મૃત્યુ

   અમેરિકામાં છેલ્લા 24 કલાકમાં 1973 લોકોનાં મૃત્યુ થયાં છે.

   જૉન હૉપકિન્સ યુનિવર્સિટી મુજબ અમેરિકામાં સતત બીજા દિવસે સતત બે હજાર જેટલાં લોકોનો જીવ ગયો છે.

   ન્યૂઝ એજન્સી એએફપી પ્રમાણે મંગળવારે 1939 લોકોના જીવ ગયા હતા. છેલ્લા બે દિવસમાં અમેરિકામાં 3900 લોકોનાં મૃત્યુ થયાં છે.

   અમેરિકામાં કોરોના વાઇરસના સંક્રમણને કારણે મરણાંક અત્યાર સુધી 14,695 પહોંચ્યો છે જેમાંથી આશરે 4,000 લોકોનાં મૃત્યુ ન્યૂ યૉર્કમાં જ થયા છે.

   અમેરિકામાં ચાર લાખ કરતા વધારે કોવિડ-19 સંક્રમિતો છે.

3. 9 એપ્રિલ 2020ગુજરાતમાં બુધવારે સાત નવા કેસ, કુલ આંકડો 186 થયો

   ગુજરાતમાં બુધવાર સાંજ સુધી કોરોના સંક્રમણના 186 કેસ સામે આવ્યા છે.

   સ્વાસ્થ્ય મંત્રાલય દ્વારા જાહેર આંકડા મુજબ રાજ્યમાં 25 સંક્રમિતોને સારવાર પછી ડિસ્ચાર્જ કરવામાં આવ્યા છે ત્યારે ગુજરાતમાં મરણાંક 16 છે.

   સરકારે બહાર પાડેલા આંકડા મુજબ ગુજરાતમાં 186માંથી 121 લોકોને લોકલ ટ્રાન્સમિશનથી ચેપ લાગ્યો છે. મૃત્યુ પામનાર 16 લોકોમાંથી 10 લોકોને લોકલ ટ્રાંસમિશનથી ચેપ લાગ્યો હતો.

4. 9 એપ્રિલ 2020કોરોના વાઇરસ વિશે વધુ માહિતી

   • ગુજરાત સહિત દેશવિદેશમાં તાજેતરની સ્થિતિ વિશે જાણવા માટેઅહીં ક્લિક કરો
   • કોરોના વાઇરસનાં લક્ષણો શું છે અને કેવી રીતે બચશો?જાણવા માટે અહીં ક્લિક કરો
   • કોરોના વાઇરસ : કોવિડ-19 વિશે આપણે હજુ પણ શું-શું જાણતા નથી?જાણવા માટે અહીં ક્લિક કરો
   • ગુજરાત કોરોના સામે લડવા માટે કેટલું તૈયાર છે?જાણવા માટે અહીં ક્લિક કરો
   • કોરોનાથી બચવા માટે હાથ ધોવાની યોગ્ય રીત કઈ?જાણવા માટે અહીં ક્લિક કરો
   • કોરોના વાઇરસની શરૂઆતથી લઈને સારવાર સુધીની તમામ માહિતીજાણવા માટે અહીં ક્લિક કરો
   • કયા પ્રાણીને કારણે કોરોના ફેલાયો?જાણવા માટે અહીં ક્લિક કરો
   • કોરોના વાઇરસ દૂધની થેલી, વાસણો, પ્લાસ્ટિક પર અને હવામાં કેટલું જીવે છે?જાણવા માટે અહીં ક્લિક કરો
   • ઉનાળો શરૂ થતાં કોરોના વાઇરસ ફેલાતો અટકી જશે?જાણવા માટે અહીં ક્લિક કરો
   • 98 વર્ષ અગાઉ ભારતમાં દોઢ કરોડોનો ભોગ લેનારી એ મહામારી વિશેજાણવા માટે અહીં ક્લિક કરો
   • ઇમ્યુન સિસ્ટમની જટિલ દુનિયા કેટલી તમારા હાથમાં?જાણવા માટે અહીં ક્લિક કરો

5. 9 એપ્રિલ 2020ચીનના હુબે રાજ્યમાં બે મૃત્યુ, બુધવારે જ વુહાનમાંથી લૉકડાઉન હઠાવ્યું

   કોરોના વાઇરસના સંક્રમણનું ઍપિસૅન્ટર વુહાન જ્યાં આવેલું છે તે ચીનના હૂબે પ્રાંતમાં લૉકડાઉન હઠાવ્યા પછી 2 લોકોનાં મૃત્યુની ઘટના બની છે.

   ચીનના નૅશનલ હૅલ્થ કમિશને આની પુષ્ટિ કરી છે.

   બુધવારે જ વુહાનમાંથી 11 અઠવાડિયા પછી લૉકડાઉન હઠાવવામાં આવ્યું.

   અહીં નવા 63 કેસોની પુષ્ટિ થઈ છે જેમાંથી 61 બહારથી આવેલા છે અને 56 એસિમ્પટોમેટિક કેસ છે જેમાં કોઈ લક્ષણ નથી દેખાયા.

   હાલ ચીનમાં કોવિડ-19 સંક્રમણના 81,865 કેસ છે.

6. 9 એપ્રિલ 2020ચીનમાં વન્યજીવોના માંસ પર પાબંદી મૂકી પણ કારગર સાબિત થશે?

   કોરોના વાઇરસ સામે દુનિયાના દેશો કેવી રીતે લડી રહ્યા છે, જુઓ બીબીસી સમાચારમાં.

7. 9 એપ્રિલ 2020ભારતમાં મરણાંક 149 થયો

   ભારતના સ્વાસ્થ્ય મંત્રાલયના ડૅશબોર્ડ પ્રમાણે દેશમાં કોરોના વાઇરસના સંક્રમણના કેસ 4714 છે જ્યારે મરણાંક 149 છે.

   ભારતમાં 410 લોકોને સારવાર પછી હૉસ્પિટલથી ડિસ્ચાર્જ કરવામાં આવ્યા છે.

8. 9 એપ્રિલ 2020'કોવિડ-19નું રાજનીતિકરણ બંધ થવું જોઈએ' : WHO

   રાષ્ટ્રપતિ ડોનાલ્ડ ટ્રમ્પે વિશ્વ સ્વાસ્થ્ય સંગઠનની ટીકા કરી હતી જેને જોતાં સંગઠનના વડાએ એકતા દાખવવાની અપીલ કરી છે.

   WHOના ડાયરેક્ટર જનરલ ટેડ્રૉસ ઍડહાનૉમ ઘેબ્રેયસસે સંગઠનનો બચાવ કર્યો છે અને અપીલ કરી છે કે કોવિડ-19નું રાજનીતિકરણ બંધ થવું જોઈએ.

   રાષ્ટ્રપતિ ટ્રમ્પે કહ્યું હતું કે તેઓ વિશ્વ સ્વાસ્થ્ય સંગઠનને અમેરિકા તરફથી મળતું ફંડિંગ રોકવા પર વિચારશે.

   તેમણે WHO પર ચીન તરફી હોવાનો આરોપ મૂક્યો હતો અને મહામારી પર સંગઠનની પ્રતિક્રિયા પર પ્રશ્નો કર્યા હતા.

   ડૉ ટેડ્રૉસે આ આરોપને નકારતા કહ્યું હતું, “અમે બધા રાષ્ટ્રોની નજીક છીએ, અમે કોઈ ભેદભાવ નથી કરતાં.”

   બુધવારે ડોનાલ્ડ ટ્રમ્પે કહ્યું હતું કે વિશ્વ સ્વાસ્થ્ય સંગઠને પોતાની પ્રાથમિકતાઓ નક્કી કરવી જોઈએ. અને અમેરિકા WHOને ફંડ આપતું રહે કે કેમ એ બાબતે એક અધ્યયન કરાવશે.

   અમેરિકાના વિદેશ મંત્રી માઇક પૉમ્પિયોએ પણ કહ્યું હતું કે “સંગઠનોએ કામ કરવું પડે. જેના માટે તેમનું ગઠન થયું હોય તે પરિણામ તેમણે આપવા પડે.”

9. 9 એપ્રિલ 2020દુનિયામાં 88 હજાર લોકોનાં મૃત્યુ

   કોરોના વાઇરસથી દુનિયામાં મૃત્યુની ઘટનાઓ વધી રહી છે. આ મહામારીમાં અત્યાર સુધી 88 લોકોનાં મૃત્યુ થઈ ચૂક્યા છે.

   અમેરિકાની જૉન હૉપકિંસ યુનિવર્સિટી મુજબ 15 લાખ લોકોને સંક્રમણ થયું છે.

   અમેરિકામાં દર્દીઓની સંખ્યા સાટા ચાર લાખ પર પહોંચી રહી છે.

   જોકે, મૃત્યુના કેસોમાં સૌથી ખરાબ સ્થિતિ ઇટાલીની છે. ઇટાલીમાં અત્યાર સુધી 17 હજાર લોકોનાં મત્યુ થયા છે.

   બુધવાર સુધીદુનિયાભરમાં શું સ્થિતિ હતી એ જાણવા તમે આ લાઇવ અપડૅટ અંહી જોઈ શકો છો.