હરિયાણામાં કટોકટીની સ્થિતિ અને મહારાષ્ટ્રમાં શિવસેનાનો હાથ ઉપર
ભાજપને હરિયાણામાં સરકાર બનાવવા માટે સહયોગની જરૂર પડે એમ છે અને મહારાષ્ટ્રમાં પણ શિવસેનાએ સારો દેખાવ કર્યો હોવાથી સત્તામાં અડધી ભાગીદારીની વાત થઈ રહી છે.
હરિયાણામાં ભાજપ 41 બેઠકો પર આગળ છે પરુંતુ બહુમતી નથી. કૉંગ્રેસ 28 બેઠકો પર અને જનનાયક જનતા પાર્ટી 11 બેઠકો પર આગળ છે.
મહારાષ્ટ્રમાં ભાજપ 102 બેઠકો પર અને શિવસેના 65 બેઠકો પર આગળ છે. એનસીપી-કૉંગ્રેસ સહિત અન્ય 31 બેઠકો પર આગળ છે.
શિવસેના નેતા સંજય રાઉતે કહ્યું છે કે સત્તામાં 50-50 ટકાની ફૉર્મ્યુલા રહેશે.
બીજી તરફ જેપીપીના દુષ્યંત ચૌટાલાએ કૉંગ્રેસ તરફથી મુખ્ય મંત્રી પદની ઑફર હોવા અંગે અજાણ હોવાનું કહ્યું અને સાથે એમ પણ જણાવ્યું કે સ્થિતિ સંપૂર્ણ સ્પષ્ટ થયા પછી એ નક્કી થશે.
