Ayavugwa mu mupira w'amaguru: Mbappe, Laporte, Ndombele, Sarr, Duarte, De Jong, Diallo

Umusatirizi wa Paris St-Germain umufaransa Kylian Mbappe w'imyaka 22 ari ku rutonde rw'abakinyi bashobora kuronderwa na Manchester Uniteds mu ci ry'umwaka uza. (ESPN)

Manchester City yemeye kurekura Aymeric Laporte ku miriyoni zababa 82 z'amadorari y'abanyamerika mu gihe hogira umurwi woza urondera uyu mukinyi w'inyuma w'imyaka 27 akomoka muri Espagne. (Mail)

Umukinyi wo hagati, umufaransa Tanguy Ndombele w'imyaka 24 yabwiye Tottenham ko yipfuza kuva muri uwu murwi wiwe. (The Athletic - subscription required)

Mu misi mike iri imbere Chelsea izofata ingingo yo kurondera uwundi mukinyi wo hagati canke yo kuvyihoza, ni mu gihe umunya Espagne akinira Atletico Madrid Saul Niguez w'imyaka 26 aboneka ko ari we ashobora kuronderwa. (Fabrizio Romano via Twitter)

Thomas Tuchel amenyereza aba Blues aripfuza cane umukinyi w'inyuma. Umufaransa Jules Kounde w'imyaka 22 akinira Sevilla hamwe na mugenziwe Aurelien Tchouameni w'imyaka 21 wa Monaco ni bo bari ku rutonde rw''abashobora kuronderwa na Chelsea. (Mirror)

Tottenham iri hafi yo kuronka umukinyi wo hagati wa Metz umunya Senegal Pape Matar Sarr, w'imyaka 18. (90min)

Umukinyi w'inyuma wa Granada umunya Portugal Domingos Duarte w'imyaka 26, na we nyene araronderwa na Tottenham. (Express)

Amakuru ava i Old Trafford avuga ko Manchester United ata mugambi ifise wo kugurisha canke gutiza umukinyi wayo wo ku ruhande umunya Pays de Galles Daniel James w'imyaka 23 muri rino ci. (The Athletic - subscription required)

West Ham iiriko iraraba ko yogura umusatirizi wa Sevilla umunya Hollande Luuk de Jong w'imyaka 30. (90min)

Aba ba Hammers bavugwa kandi ko bariko bararondera umusatirizi w'umufaransa Mohamed Bayo w'imyaka 23 asanzwe akina muri Clermont, umurwi wo mw'ihiganwa ry'Ubufaransa, Ligue 1. (Le10Sport - in French)

Umukinyi wo hagati, umudagi Leon Goretzka w'imyaka 26 yiteze guhagarika ibimuvugwako vy'uko ashobora kwimukira muri Manchester United aho yiteze gutera igikumu ku masezerano mashasha muri Bayern Munich. (Goal)

Umukinyi w'inyuma w'umwongereza Nat Phillips w'imyaka 24 yiteze kuronka uruhusha rwo kuva muri Liverpool mu gihe hogira umurwi wemera kumugura ku miriyoni 20 z'amadorari y'abanyamerika. (Liverpool Echo)

Sheffield United ihanganye na Atalanta yo mw'ihiganwa ry'Ubutariyano Serie A mu rugamba rwo kurondera ko Manchester United yoyitiza umunya Côte d'Ivoire akina ku ruhande Amad Diallo w'imyaka 19. (TuttoAtalanta, in Italian)

Manchester United iri mu biganiro n'abaserukizi b'umukinyi wo hagati wa Monaco umufaransa Aurelien Tchouameni w'imyaka 21 kugira ngo irabe ko yomuronka muri rino ci. (Mirror)

Umukinyi w'inyuma ku ruhande rw'ibubamfu muri Manchester United umwongereza Brandon Williams w'imyaka 20 avugwa ko yafashwe ibipimo ku wa gatanu kugira yimukire muri Norwich . (Football Insider)