Real Madrid: Eden Hazard na Casemiro babasanzemo Coronavirus
Ahavuye isanamu, Getty Images
Abakinnyi Eden Hazard na Casemiro ba Real Madrid babasanzemo coronavirus, bakaba ubu bagiye kwishyira mu kato.
Rutahizamu w'Umubiligi Hazard w'imyaka 29 n'Umunya-Brazil Casemiro w'imyaka 28 ukina hagati mu kibuga, ntibagikinnye umukino w'ejo ku cyumweru uzabera kwa Valencia.
Mu itangazo ubuyobozi bwa Real bwasohoye, bwavuze ko aba bakinnyi ari bo bonyine bayo basanzemo Covid-19 nyuma yo gupima kwabaye ku wa gatanu.
Myugariro Eder Militao wa Real ukomoka muri Brazil, na we ntabwo azakina uwo mukino nyuma yuko bamusanzemo Covid-19 mu ntangiriro y'iki cyumweru.
Hazard yari yashyizwe mu ikipe y'igihugu y'Ububiligi mu mikino iri imbere, harimo n'umukino n'Ubwongereza ku itariki ya 15 z'uku kwezi kwa 11, nubwo ku wa kabiri yavuye mu kibuga ku munota wa 65 kubera imvune ubwo Real yatsindaga Inter Milan ibitego 3 - 2 muri Champions League.
