Tora ubundi ujye mu rugo – polisi ya Kenya
Polisi ya Kenya irimo gushishikariza Abanya-Kenya kuva ku biro by'itora nyuma yo gutora, bakajya mu rugo gutegererezayo ibiva mu matora, mu rwego rwo gutuma hakomeza kubaho umutekano n'amahoro.
Mu itangazo kuri Twitter, polisi ya Kenya yagize iti: "Mu matora y'uyu munsi, nyuma yo kumenyekanisha icyemezo cyanyu mu matora, turasaba ko mufasha ibikorwa byacu by'umutekano mu gutegereza ibyavuye mu matora muri mu mutuzo w'ingo zanyu".
Itangazo rya polisi ryongeraho riti: "Twese turashaka kubaho muri sosiyete iri ku murongo [irimo umutekano] yubahiriza ubutegetsi bugendera ku mategeko kandi yita ku mibereho myiza y'abaturage bayo".
Polisi ya Kenya irimo gucunga umutekano w'iki gikorwa cyo gutora, abapolisi bakaba bari kuri buri biro by'itora, mu biro byose hamwe birenga 46,000 biri mu gihugu.
Mu gihe cyo kwiyamamaza, abanyapolitiki bamwe bashishikarije ababashyigikiye kuguma ku biro by'itora ku munsi wo gutora mu rwego rwo "kurinda amajwi yabo".
I Nairobi hari abigaragambije kubera gukerererwa gutora
Hagati aho, abatora ku biro bimwe byo mu murwa mukuru Nairobi, barakaye cyane nyuma yuko gutora bidatangiriye ku gihe.
Umwe mu ndorerezi uhagarariye ishyaka yabwiye umunyamakuru wa BBC Dickens Olewe ati: "Haraza kubaho akavuyo hano niba tudatangiye gutora".
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
BBC ntibazwa ibivuye ku zindi mbuga.
Umugabo yateye hejuru ati: "Mufungure imiryango turashaka gutora.
"Ni uburenganzira bwanjye, naje hano kare, ndashaka kujya gukora [akazi]".
Ibikoresho by'itora byahageze bikererewe.
Gutora byaje kugeraho biratangira kuri ibyo biro by'itora, nyuma yo gukerererwaho hafi isaha imwe n'iminota 30.
