DRC - Mweso: Abahunze intambara hagati ya FARDC na M23 babayeho nabi cyane

Mu burasirazuba bwa Repubulika ya demokarasi ya Congo benshi mu banyekongo bahunze imirwano mu cyumweru gishize baravuga ko babayeho nabi cyane.

Bahunze imirwano hagati y'ingabo za leta n'inyeshyamba zo mu mutwe wa M23 mu mujyi wa Kitshanga mu karere ka Masisi mbere yuko izo nyeshyamba ziwigarurira, bakavuga ko nta mfashanyo yari yabageraho.

Benshi muri izo mpunzi ubu zirabarizwa ahitwa Mweso mu majyaruguru y'umujyi wa Kitshanga aho zivuga ko zibayeho mu buzima busharira.

Bamwe ngo bari mu mashuri no ku kibuga cy'imikino cyaho ngo hakaba n'abandi barara hanze.

Ibyo twabibwiwe n'umudepite wo mu karere ka Masisi, Jean Bosco Sebishyimbo, ukurikiranira hafi ibibazo byo muri ako karere (umva aho hejuru ikiganiro yagiranye na Jacques Niyitegeka).