Amwe mu mafoto yaranze Afurika muri iki cyumweru: Tariki 11 kugeza kuri 17 z'ukwa 11 mu 2022

Inyandiko gusa
Umugore wisize imitako mu maso

Ahavuye isanamu, Reuters

Insiguro y'isanamu, Ku wa gatanu, muri Kenya habereye imurika ry'imideli rizwi nka Kibera Fashion Week, ari na ryo uyu munyamideli Asiya Yakub yitabiriye...
Yatangajwe
Abakobwa bisize ku maso

Ahavuye isanamu, EPA

Insiguro y'isanamu, Kuri uwo wa gatanu kandi, aba banyamideli bategereje guseruka muri iryo murika ry'imideli rya Kibera Fashion Week.
Abagabo bambaye amakoti bifotoza

Ahavuye isanamu, EPA

Insiguro y'isanamu, Ku wa gatandatu, aba bagabo barimo kwifotoza i Lagos muri Nigeria mbere y'imurika ry'imideli rizwi nka GTCO Fashion Weekend, rigamije kumenyekanisha ku isi imyambaro ya kinyafurika
Umugore urimo gufotora undi mugore akoresheje telefone

Ahavuye isanamu, AFP

Insiguro y'isanamu, Aba bitabiriye inama ku ihindagurika ry'ikirere izwi nka COP27, ibera mu mujyi wa Sharm el-Sheikh mu Misiri, barimo kwifotoza.
Umugabo urimo gucuranga igikoresho gakondo ari kumwe n'abandi bantu

Ahavuye isanamu, Getty Images

Insiguro y'isanamu, Ku cyumweru, aba Banya-Uganda bitabiriye iserukiramuco ry'imbyino rizwi nka Agwara Dance Festival, riba buri mwaka i Kampala. Byibazwa ko ari kimwe mu bikorwa by'imbyino za kera cyane bibera ku mugabane w'Afurika.
Abafana barimo gufotorwa bari mu muhanda

Ahavuye isanamu, AFP

Insiguro y'isanamu, Ku wa gatanu, iri tsinda ry'abafana b'ikipe y'igihugu ya Ghana bateraniye muri Qatar, aho mu mpera y'iki cyumweru hatangira imikino y'igikombe cy'isi.
Abagabo barimo gukwega amavalisi mu muhanda inyuma yabo hari umwotsi mwinshi

Ahavuye isanamu, AFP

Insiguro y'isanamu, Ku wa mbere, aba Banya-Nigeria bazinze utwabo bahunga inkongi y'umuriro ku ruganda rwa Yanuo n'ahabikwa ibicuruzwa, muri leta ya Ogun iri mu majyepfo ashyira uburengerazuba bw'igihugu. Uru ruganda rw'Abashinwa rwa Yanuo rukora ibikapu n'amavalisi.
Abasirikare bari ku karasisi

Ahavuye isanamu, Reuters

Insiguro y'isanamu, Bamwe mu basirikare ba Kenya barimo kwitegura koherezwa mu butumwa. Ku wa gatatu, itsinda rya kabiri ry'abasirikare ba Kenya ryerekeje muri Repubulika ya Demokarasi ya Congo, aho umutwe w'ingabo z'akarere zo mu muryango w'Afurika y'uburasirazuba (EAC) woherejwe gufasha kurwanya imitwe y'inyeshyamba.
Abagabo bahekanye ku ntugu

Ahavuye isanamu, AFP

Insiguro y'isanamu, Aba bagabo b'Abanya-Sudan barimo kwigaragambya basaba ubutabera ku bantu bishwe nyuma y'ihirikwa ry'ubutegetsi mu mwaka ushize, ryatumye igisirikare gifata ubutegetsi bwa gisivile kiyobowe na Jenerali Abdel Fattah Burhan.

Aya mafoto akoreshwa bitangiwe uruhushya.