Abatutsi baba Masisi muri Congo binubira kwibasirwa kuri za bariyeri

BBC Gahuzamiryango imaze iminsi ibona ubutumwa buvuga ko muri Kivu y’amajyaruguru mu burengerazuba bwa Congo, abaturage bo mu bwoko bw'abatutsi baba muri Territoire ya Masisi bamaze igihe biziziwe n'abacunga bariyeri z'umutekano ziri ku muhanda uva Kitchanga ujya Sake.

Umuryango w'abatutsi bo muri Kivu y'amajyaruguru uvuga ko izo bariyeri zimaze igihe zarongerewe, bakemeza ko iyo abaturage bahageze bahagarikwa, baba abari ku maguru cyangwa moto ndetse n'imodokari.

Abacunze izo bariyeri ngo iyo babonye abasa n'abatutsi barabahagarika bakabagirira nabi mu kubaka amafranga bayabura bakabapfunga.

Ibyo ni byo Florentine Kwizera yabwiwe na David Karambi, uhagarariye kominote y'abatutsi bo mu ntara ya Kivu y'amajyaruguru (umva aho hejuru ikiganiro bagiranye).

BBC iracyagerageza kumenya icyo abashinzwe ubutegetsi bavuga kuri ayo makuru.