Amwe mu mafoto yaranze Afurika muri iki cyumweru: Tariki ya 3 kugeza ku ya 9 y'ukwa 2 mu 2023

Inyandiko gusa
Umwana ufite ishapule akikiwe na nyina

Ahavuye isanamu, Reuters

Insiguro y'isanamu, Ku cyumweru, umwana arakinisha amasaro y'ishapule, mu gihe abanyagatolika bateraniye hanze ahabera misa mu murwa mukuru Juba wa Sudani y'Epfo, bategereje ko Papa Francis ahagera...
Yatangajwe
Umwana urimo kwayura afashe ibendera hejuru y'umutwe we

Ahavuye isanamu, Reuters

Insiguro y'isanamu, Papa yari ari muri Sudani y'Epfo mu rugendo nyobokamana rugamije amahoro... bamwe ku wa gatandatu bananijwe no kumutegereza kuri Kiliziya Nkuru yitiriwe Mutagatifu Tereza y'i Juba.
Abahungu begamiye urukuta

Ahavuye isanamu, AFP

Insiguro y'isanamu, Abakristu muri Burkina Faso ku cyumweru berekeje mu nkengero y'umurwa mukuru Ouagadougou, aho aba bahungu bafotorewe bari mu karuhuko begamiye urukuta rushushanyijeho hifashishijwe irangi...
Abasenyeri

Ahavuye isanamu, AFP

Insiguro y'isanamu, Abantu babarirwa mu bihumbi bitabiriye urugendo nyobokamana ku rusengero rw'i Yagma, aha hakaba ari ho aba basenyeri bageze baje gusoma misa...
Abakristu barimo gusenga bafashe ku giti

Ahavuye isanamu, AFP

Insiguro y'isanamu, Ku gice cyo hasi cy'umusaraba munini, bamwe mu bakristu babonetse barimo gusengera amahoro muri iki gihugu cyugarijwe n'urugomo rukorwa n'imitwe y'intagondwa ziyitirira idini ya Islam.
Abanyeshuri bakurikiye umwarimu mu ishuri

Ahavuye isanamu, EPA

Insiguro y'isanamu, Ku wa gatanu, mu gihugu cya Côte d'Ivoire gihana imbibi na Burkina Faso, umwarimu arandika ku kibahu ku ishuri rya kisilamu ryo mu mujyi wa Abidjan.
Umuririmbyi w'Umunya-Cameroun Dencia

Ahavuye isanamu, AFP

Insiguro y'isanamu, Ku cyumweru, umuririmbyi w'Umunya-Cameroun Dencia, ubwo yari ageze mu mujyi wa Los Angeles muri Amerika, mu muhango wo gutanga ibihembo bya Grammy Awards.
Abagabo barimo gukirana

Ahavuye isanamu, AFP

Insiguro y'isanamu, Kuri uwo mugoroba kandi, aba bagabo bari mu irushanwa ryo gukirana mu murwa mukuru Dakar wa Sénégal.
Umugabo ufite ibikoro mu ngorofani

Ahavuye isanamu, EPA

Insiguro y'isanamu, Ku wa gatatu, uyu mugabo ucuruje ibikoro mu mujyi wa Lagos muri Nigeria ategereje abakiliya muri iri soko riremera iruhande rw'umuhanda.

Aya mafoto yose akoreshwa bitangiwe uruhushya.