Beni: iminsi 3 inyuma y’igitero, bari bagihamba abo batoraguye aho biciwe

Igitero cabaye k’umutaga wo ku wa gatanu (07-06-2024) mu bice vya Masala, Mapasana na Mahini muri ‘territoire’ ya Beni, cononye vyinshi.

Leta ya RD Congo ivuga ko hapfuye abantu 41, ariko ababa i Beni bavuga ko barenga kuko abantu baticirwa mu ngo gusa.

Leta yacagirije umuhari ADF w’abarwanyi b’intagondwa zo mw’idini rya Islam.

Ni mu gihe ubutegetsi bwa Uganda bwaheruka kugabisha ko bufise amakuru y’abo bagwanyi bariko bavugwa muri ivyo bice, k’urubibe.