Front National ku isonga mu matora

Ishyaka rya Front National ryegukanye amajwi menshi mu kiciro cya mbere cy'amatora y'uturere yabaye ku cyumweru mu Bufaransa.

Aya matora niyo ya mbere abaye nyuma y'ibitero by'iterabwoba byagabwe ku mujyi wa Paris mu kwezi gushize bigahitana abantu 130.

Ishyaka rya Front National ryaje ku mwanya wa mbere mu turere 6 kuri 13 tugize Ubufaransa. Aho ryabonye amajwi menshi kurusha ahandi ni mu turere tubiri; kamwe ko mu majyaruguru n'akandi ko mu majyepfo.

Ibi byatumye ishyaka ry'abasosiyalisite riri ku butegetsi riva mu kiciro cya kabiri cy'amatora muri utwo turere.