Afrika mu mafoto yaranze iyi ndwi: 6-12 Rusama (5) 2022

Inyandiko gusa
Yatangajwe

Urutororokane rw'amafato meza yo muri Afrika no kure muri ino ndwi:

Short presentational grey line
Umunyatugenegene ahagaze imbere y'ibihumbi vy'ubureta bufumye mu kibanza c'ishure mu muji wa Steyn City mu kwitegurira umunsi mukuru wa Nelson Mandela Day, mu mugambi witiriwe 67 Bankets for Nelson Mandela (ubureta 67 bwa Nelson Mandela) i Johannesburg, Afrika y'epfo, 11 Rusama (5) 2022. Uyu mugambi ubamwo gufuma ubureta bushika ku bihumbi bugahabwa ababukeneye mu gihe c'imbeho muri Afrika y'epfo.

Ahavuye isanamu, EPA

Insiguro y'isanamu, Ubureta bufumye bushika ku bihumbi bugenewe gutangwa ku munsi ngaruka-mwaka witiriwe Nelson Mandela, bwashashwe i Johannesburg, Afrika y'epfo, kuwa gatatu.
Abakiriya bariko bararyimara bifata amafoto muri kimwe mu vyumba bisharije vy'ikibanza Dream Box photographic i Johannesburg, Afrika y'epfo. Hafatwa nk'akantu hambere muri uyu muji hubakiwe kwifata ifoto, hasharije ku buryo butandukanye abakiriya bagahitamwe aho bashaka kwifotoreza; kenshi barondera amafoto bashira ku mbuga hwaniro.

Ahavuye isanamu, EPA

Insiguro y'isanamu, Muri uwo muji nyene kuwa gatanu, abakiriya barinezereza mu kibanza giheruka kwugururwa bifatiramwo amafoto.
Iyi foto yafashwe itariki 6 Rusama (5) i Geneve yerekana "The Rock", yagurishijwe mw'icamunara itariki 11 Rusama i Geneve mu rudandazwa rwiswe "Christies Magnificent Jewels", hamwe n'izindi diyama z'umuhondo, amwe mu mahera akazohabwa ishirahamwe Croix Rouge.

Ahavuye isanamu, AFP

Insiguro y'isanamu, Iri buye ryataziriwe "The Rock" (ikibuye) kandi ryimbwa muri Afrika y'epfo mu ntango z'imyaka ya 2000, rikaba ari diyama yera nini, rigurishwa imiriyoni $21,9 mw'icamunara mu Busuwisi kuwa gatatu.
Umunyatugenegene Ghassan wo muri Sudani acapa ku ruhome kw'ishure riri Omdurman, Sudani.

Ahavuye isanamu, Reuters

Insiguro y'isanamu, Umunsi umwe imbere y'aho, umunyatugenegene Ghassan wo muri Sudani aracapa ku ruhome kw'ishure riri mu muji wa Omdurman.
Umunye-Tuniziya Rania Mansour w'imyaka 38, ahingura amaroza akoresheje uburyo kama mu kibanza akoreramwo i Nabeul, mu bumanuko bwa Tunis.

Ahavuye isanamu, EPA

Insiguro y'isanamu, Rania Mansour ariko arategura amaroza ashirwa mu mazi akoresheje uburyo kama mu kibanza akoreramwo i Nabeul, Tuniziya, kuwa gatandatu.
Umurimyi w'umunye-Misiri afise imbuto z'ingano mu murima i Qaha, mu Misiri. Leta yashinze igiciro c'umukate idafasha guhingura mu gihe ibiciro vy'ingano kw'isi vyaduze cane.

Ahavuye isanamu, EPA

Insiguro y'isanamu, Igiterwa c'ingano kiriko kirimburwa mu mirima ya Qaha kuwa kabiri, mu gihe Misiri yikora cane ku ngano yirimira mu gihe izizimbutse yakura muri Ukraine zitakiza.
Umurimyi ariko arasoroma amababi y'icayi mu murima waco i Gisakura, mu bumanuko bushira ubuseruko bw'u Rwanda.

Ahavuye isanamu, AFP

Insiguro y'isanamu, Umurimyi ariko aramura amababi y'icayi mu bumanuko bushira ubuseruko bw'u Rwanda kuwa gatanu. Igisata c'icayi caragutse gushika ku bice 7% mu mwaka uheze, nk'uko bigaragazwa n'ibiharuro vya leta.
Umugabo afise igicapo ca cannabis ku nkofero ariko arasogota cannabis.

Ahavuye isanamu, Gallo Images

Insiguro y'isanamu, Kuwa gandatu abakunzi b'umusogoto wa marijuana bahuriye hamwe ngo bahimbaze umunsi wa Global Cannabis March i Cape Town, Afrika y'epfo.
Umunyonzi w'umunye-Eritrea Biniam Girmay wo mw'ikipe Team Wanty yigina hamwe n'abafana biwe imbere y'intango y'ihiganwa Giro d'Italia rigira 105 i Viegrad, Hungary.

Ahavuye isanamu, Getty Images

Insiguro y'isanamu, Umunyonzi w'ikinga w'umunye-Eritrea Biniam Girmay Hailu aramutsa abafana biwe imbere y'ihiganwa Giro d'Italia kuwa gatanu.
Umunye-Afrika y'epfo Prudence Sekgodiso (i buryo) n'umunye-Benin Noelie Yarigo Pace (i bubamfu) barindiriye kumenya umwanya bagize ku rubaho rwa digital nyuma yo gusiganwa imetero 800 mu bagore mw'ihiganwa rya Kip Keino Classic, riri mu rwego rwa World Athletics Continental Tour 2022, ku kibuga ca Kasarani i Nairobi.

Ahavuye isanamu, AFP

Insiguro y'isanamu, Noélie Yarigo Pace wo muri Benin (i bubamfu) na Prudence Sekgodiso barindiriye kumenya umwanya bagize mu gusiganwa imetero 800 mw'ihiganwa rya Kip Keino Classic muri Kenya kuwa gatandatu. Barangije ari aba cenda hamwe n'uwambere uko bakurikirana.
Igishusho c'umunyatugenegene Adelheid von Maltitz ni kimwe mw'imurika ry'ibishusho "Good Neighbours" mu kibanza ca Nirox Sculpture Park i Johannesburg, Afrika y'epfo, itariki 07 Rusama (5) 2022. Nirox yakoranye na Kaminuza zo muri Afrika y'epfo, Zimbabwe, Eswatini, Mozambique, Namibia, Angola na Botswana.

Ahavuye isanamu, EPA

Insiguro y'isanamu, Ingenzi ziriko zirihweza igishusho ca Adelheid von Maltitz muri parike i Johannesburg, Afrika y'epfo…
Igishusho c'umunyatugenegene Adelheid von Maltitz ni kimwe mw'imurika ry'ibishusho "Good Neighbours" mu kibanza ca Nirox Sculpture Park i Johannesburg, Afrika y'epfo, itariki 07 Rusama (5) 2022. Nirox yakoranye na Kaminuza zo muri Afrika y'epfo, Zimbabwe, Eswatini, Mozambique, Namibia, Angola na Botswana.

Ahavuye isanamu, EPA

Insiguro y'isanamu, Ririmwo kandi kino gikorwa ca Daniel Grey n'ibikorwa vy'abandi banyatugenegene benshi, vyo mw'imurika "Good Neighbours".

Images subject to copyright.