US: Ibikoresho bya Al Capone byaguzwe miliyoni $3 muri cyamunara

Inyandiko gusa
Brian Witherell washinze Witherell's Gallery ahagaze iruhande y'ibikoresho n'imitako byari iby'umu gangster wo muri Amerika Al Capone, byagaragarijwe abaguzi mbere ya cyamunara i Sacramento muri California, ku itariki ya 5/10/2021

Ahavuye isanamu, Reuters

Insiguro y'isanamu, Bimwe mu byagurishijwe hari harimo ibikoresho byo mu nzu n'imitako byari ibya Capone
Yatangajwe

Igurishwa ry'ibikoresho by'uwari mu gico cy'abagizi ba nabi muri Amerika Al Capone ryinjije agera kuri miliyoni 3 z'amadolari y'Amerika (miliyari 3 z'amafaranga y'u Rwanda) muri cyamunara yabereye muri California mu mpera y'icyumweru gishize.

Ibikoresho 174 - birimo imbunda nto ze n'amafoto ye hamwe n'ibikomo (imitako) n'ibikoresho byo mu nzu - byari biri muri iyo cyamunara.

Icyo gikorwa, cyiswe 'A Century of Notoriety: The Estate of Al Capone' (cyangwa, ugenekereje mu Kinyarwanda, 'Imyaka ijana yo kwamamara mu kibi: Umutungo wa Al Capone'), cyabereye muri 'club' yihariye, cyitabirwa n'abagera hafi ku 1,000.

Ikizwi cyane mu byagurishijwe muri iyo cyamunara ni imbunda nto Capone yakundaga cyane, yagurishijwe amadolari y'Amerika 860,000 (agera kuri miliyoni 875 mu mafaranga y'u Rwanda).

Kimwe mu bikoresho byagurishijwe ni iyi mbunda nto bivugwa ko ari yo uwo mu gangster yakundaga cyane, yo mu bwoko bwa Colt .45

Ahavuye isanamu, Reuters

Insiguro y'isanamu, Kimwe mu bikoresho byagurishijwe ni iyi mbunda nto bivugwa ko ari yo uwo mu gangster yakundaga cyane, yo mu bwoko bwa Colt .45

Bivugwa ko iyi mbunda ari yo yagejeje ku gaciro ka mbere ko hejuru ku mbunda nto yo mu kinyejana cya 20 igurishijwe muri cyamunara, nkuko bitangazwa n'ikinyamakuru Chicago Tribune.

Al Capone yari uwo mu itsinda ry'abagizi ba nabi ryo muri Chicago wari uzwi nka Public Enemy Number One, mu gihe gito yamaze azwiho kuba ukuriye ubugizi bwa nabi mu myaka ya 1920. Nyuma yaje gufungwa kubera kutariha imisoro, amara imyaka myinshi afungiye muri gereza ya Alcatraz.

Imbunda n'ibirahure byari iby'uwo mu gangster n'umuhungu we Sonny na byo byagurishijwe

Ahavuye isanamu, Reuters

Insiguro y'isanamu, Imbunda n'ibirahure byari iby'uwo mu gangster n'umuhungu we Sonny na byo byagurishijwe

Ibyo bikoresho bye byasigaranywe n'umuryango we mu gihe cy'imyaka hafi 75 nyuma yuko apfuye mu 1947.

Hari hari n'amafoto agurishwa, nk'aya yagaragajwe hano mbere ya cyamunara

Ahavuye isanamu, Reuters

Insiguro y'isanamu, Hari hari n'amafoto agurishwa, nk'aya yagaragajwe hano mbere ya cyamunara

Diane Capone - umwe mu buzukuru batatu b'abakobwa bakiriho ba Al Capone, baba muri California - yavuze ko icyemezo cyo kugurisha ibyo bikoresho cyafashwe kubera ko we n'abavandimwe be b'abakobwa barimo kugenda basaza, nkuko bitangazwa n'ibiro ntaramakuru Reuters.

Skip Ibisomwa cane and continue reading
Ibisomwa cane

End of Ibisomwa cane

Diane Capone, umwuzukuru wa Capone, ahagaze iruhande rw'igishushanyo cyo mu irangi cya sekuru na se, Sonny Capone, cyo mu myaka ya 1920

Ahavuye isanamu, Reuters

Insiguro y'isanamu, Diane Capone, umwuzukuru wa Capone, ahagaze iruhande rw'igishushanyo cyo mu irangi cya sekuru na se, Sonny Capone, cyo mu myaka ya 1920

Yanavuze ko ikindi cyabiteye ari inkeke ikomeje kwiyongera y'imiriro y'agasozi ku ngo zabo muri California y'amajyaruguru.