Amwe mu mafoto yaranze Africa muri iki cyumweru: 16-22/7/2021

Inyandiko gusa
Yatangajwe

Amwe mu mafoto yaranze Afurika no hanze yayo muri iki cyumweru:

Umugabo arimo gusenga mu musigiti. Igicucu cye kiraboneka ku idirishya.

Ahavuye isanamu, Reuters

Insiguro y'isanamu, Ku wa kabiri, umugabo arimo gusenga mu musigiti wo mu murwa mukuru Nairobi wa Kenya...
Umwana w'umukobwa ufite ku gahanga ke ijambo 'Eid' ryandikishije irangi.

Ahavuye isanamu, Reuters

Insiguro y'isanamu, Kuri uwo munsi kandi i Nairobi, uyu mwana w'umukobwa na we arimo kwizihiza umunsi mukuru w'igitambo w'abayisilamu wa Eid al-Adha...
Umugabo ukwega ihene i Nairobi ayifashe ku gutwi ngo ijye kubagwa, bijyanye no kwizihiza umunsi mukuru wa Eid al-Adha, ku itariki ya 20 y'ukwezi kwa karindwi mu 2021.

Ahavuye isanamu, Reuters

Insiguro y'isanamu, Uwo munsi mukuru w'abayisilamu urangwa n'amasengesho yihariye ndetse n'ibirori, aho abafite amikoro bashishikarizwa kubaga itungo.
Umuryango wambaye imyenda y'amabara atandukanye witabiriye amasengesho mu musigiti wo mu murwa mukuru Yaoundé muri Cameroun.

Ahavuye isanamu, Getty Images

Insiguro y'isanamu, Kuri uwo munsi wo ku wa kabiri, uyu muryango wari wabukereye mu musigiti wo mu murwa mukuru Yaoundé wa Cameroun.
Umwana w'umuhungu yipfutse amatwi mu masengesho yo mu musigiti.

Ahavuye isanamu, Getty Images

Insiguro y'isanamu, Ku munsi wakurikiyeho, abasenga bari mu musigiti wa Massalikoul Jinaan wo mu murwa mukuru Dakar wa Senegal.
Abana bakina mu musigiti wa al-Azhar i Cairo mu Misiri, ku itariki ya 20 y'ukwezi kwa karindwi mu 2021.

Ahavuye isanamu, Getty Images

Insiguro y'isanamu, Hagati aho, aba bana bishimiye iyi mipira y'imitako, mu gihe cy'amasengesho ya mu gitondo ku musigiti wa al-Azhar wo mu murwa mukuru Cairo mu Misiri.
Umwana w'umukobwa wambaye indoremwamo (amadarubindi) zirinda izuba, akoze ikimenyetso cy'inyuguti ya V akoresheje intoki.

Ahavuye isanamu, Getty Images

Insiguro y'isanamu, Ku wa kabiri kandi, uyu mwana w'umukobwa yiteguye ifoto ku isoko ry'amatungo ryo ku musigiti wa Kara muri Nigeria.
Ifoto y'ubwato i Conakry muri Guinea.

Ahavuye isanamu, Getty Images

Insiguro y'isanamu, Ku wa mbere, aba barobyi baparitse ubwato mu murwa mukuru Conakry wa Guinea...
Umugabo urimo gutunganya umutego w'amafi i Conakry muri Guinea.

Ahavuye isanamu, Getty Images

Insiguro y'isanamu, Mu myaka ya vuba aha ishize, umusaruro w'aba barobyi waragabanutse kubera ko ubwato bw'Ubushinwa n'ubwo mu bindi bihugu bivugwa ko bukomeje gukorera ku nkengero y'inyanja ku ruhande rwa Guinea mu buryo bunyuranyije n'amategeko.
Azenaide Carlos w'ikipe y'Angola ya Handball afite umupira.

Ahavuye isanamu, Reuters

Insiguro y'isanamu, Ku wa kane, umukinnyi Azenaide Carlos w'ikipe y'Angola ya Handball arajugunya umupira mu myitozo yo kwitegura imikino Olympike ya Tokyo 2020, yasubitsweho umwaka umwe kubera icyorezo cya coronavirus.
Abakora ku mwaro barafasha umugabo kwidumbura mu mazi y'inyanja.

Ahavuye isanamu, Reuters

Insiguro y'isanamu, Ku wa gatandatu, umugabo arimo kwitegura kwidumbura mu mazi ku mwaro wa mbere wa rusange ugenewe abafite ubumuga wo mu mujyi wa Alexandria mu Misiri.
Abatavugarumwe na Perezida wa Cameroun Paul Biya, bari mu myigaragambyo i Genève mu Busuwisi yo kumwamagana.

Ahavuye isanamu, EPA

Insiguro y'isanamu, "Ubusuwisi bushyigikiye umunyagitugu Biya", nkuko byanditse kuri iki cyapa cy'uyu mugabo uri mu myigaragambyo i Genève yo kwamagana uwo Perezida wa Cameroun, bivugwa ko amara igihe kinini cye yibereye muri iki gihugu cy'i Burayi.
Abashyigikiye umukandida perezida Vila Nova muri São Tomé and Príncipe barimo kwishimira ibyavuye mu matora by'agateganyo bigaragaza ko ari imbere mu majwi mu matora y'icyiciro cya mbere.

Ahavuye isanamu, EPA

Insiguro y'isanamu, Naho ku wa mbere, mu birwa (cyangwa amazinga mu Kirundi) bya São Tomé and Príncipe, abashyigikiye umukandida perezida Vila Nova barimo kwishimira ko ari imbere mu majwi mu matora y'icyiciro cya mbere.

Aya mafoto yose akoreshwa bitangiwe uruhushya.