Uganda: Museveni yatangaje ko ku wa gatandatu ari umunsi wo gusengera Covid-19

Inyandiko gusa
No mu kwezi kwa gatatu Perezida Museveni yari yasabye abaturage ba Uganda gusenga cyane ngo Imana ibakize Coronavirus

Ahavuye isanamu, Uganda Presidency

Insiguro y'isanamu, Mu kwezi kwa gatatu nabwo Perezida Museveni yari yasabye abaturage ba Uganda gusenga cyane ngo Imana ibakize Coronavirus
Yatangajwe

Perezida Yoweri Museveni wa Uganda yatangaje ko ejo ku wa gatandatu ari umunsi igihugu cyose kizasengera icyorezo cya coronavirus.

Bwana Museveni yavuze ko yagize iki gitekerezo akivanye ku muturage wa Uganda ufite "ibyo yeretswe n'Imana".

Mu butumwa yashyize ku mbuga nkoranyambaga, Bwana Museveni yagize ati:

"Imana yamweretse ko nkwiye gutegura umunsi w'amasengesho mu gihugu hose, ateguwe neza, kugira ngo Imana idukize Covid-19...

"Ntangaje ko tariki 29/08/2020 ari umunsi w'amasengesho y'igihugu n'umunsi w'ikiruhuko. Muzagume mu nzu cyangwa mu ngo zanyu, musenge."

Uganda kugeza ubu imaze kugira abantu 2,679 basanzemo coronavirus, 28 muri bo imaze kubica.