Cameroun: Abana bagera ku bihumbi 600 ntibiga

Ishami ry'umuryango w'abibumbye ryita ku bana UNICEF, riravuga ko abana ibihumbi magana atandatu (600.000) muri Cameruni batashoboye kujya ku ishuri mu myaka itatu ishize.

Ibice bivuga icyongereza mu gihugu byagizweho ingaruka nyuma y'ibwirizwa ryo gufunga amashuri ryatanzwe n'abashaka kwitandukanya na Cameruni.

UNICEF ivuga ko 80% by'amashuri yo muri Cameruni yigisha mu cyongereza yafunzwe.

Agera kuri 70% yaraseywe.

Abanyeshuri n'abarimu babarirwa muri mirongo bafashwe bunyago.

Mu gihe cy'imyaka myinshi, abarwanyi bakoresha ururimi rw'icyongereza barwanira kubona leta yigenga, yitwa Ambazonia.