Clustfeinio ar yr Arholiad Llafar

Yn yr arholiad llafar Safon Uwch Gyfrannol byddwch yn cael eich asesu ar eich gwybodaeth a'ch dealltwriaeth o'r ddrama, a'ch sgiliau llafar. (Byddwch hefyd yn cael eich asesu ar drafodaeth o ffilm osod yn yr un arholiad).

Bydd gofyn i chi drafod a mynegi barn ar y canlynol:

• datblygiad y plot/stori
• y cymeriadau
  
• y themâu
  
• y defnydd o ddeialog
  
• y defnydd o iaith ac arddull

Yn yr adran hon, cewch gyfle i wylio golygfeydd allweddol o'r ddrama, clywed y prif arholwr yn gofyn cwestiynau a gwrando ar grwp yn trafod y cwestiynau.

1. Sut rydych chi’n ymateb i’r olygfa garu ar ddechrau’r Act Gyntaf?
   [Tud 17-18 y ddrama]
2. Yn yr Act Gyntaf mae’r ferch a’r llanc yn trafod marwolaeth. Oes arnyn nhw ofn marwolaeth?
   [Tud 21-23 y ddrama]
3. Oes diffyg cyfathrebu’n cael ei amlygu ar ddiwedd yr Act Gyntaf yn eich barn chi?
   [Tud 41-43 y ddrama]
4. Mae’r grisiau’n cael lle canolog yn y ddrama. Beth yw pwysigrwydd ac arwyddocâd y grisiau i chi yn y ddrama?
   [Tud 43 - 44 y ddrama]
5. Pethau materol sy’n bwysig i’r gwr. Ydych chi’n cytuno?
   [Tud 46-48 y ddrama]
6. Ydych chi’n cytuno bod perthynas ryfedd rhwng y rhieni a’u mab Gwyn?
   [Tud 60-61 y ddrama]
7. Drama llawn symbolaeth? Trafodwch.
   [Tud 79 y ddrama]

Cwestiynau eraill i chi eu hystyried:

• Trafodwch gymeriad y Llanc/y Gwr.
  
• Trafodwch un o’r golygfeydd allweddol yn y ddrama gan gyfeirio at y ddeialog, trafod y syniadaeth a’r themâu ac ystyried pwysigrwydd yr olygfa.
  
• Manylwch ar ddatblygiad y ferch yn y ddrama.
  
• Trafodwch yr ofnau yn y ddrama.
  
• Trafodwch y gwrthdaro rhwng y ddau gymeriad.
  
• Trafodwch thema twyll a rhagrith yn y ddrama.