Clustfeinio ar yr Arholiad Llafar

1. Sut rydych chi’n ymateb i’r olygfa garu ar ddechrau’r Act Gyntaf?

Gwyliwch yr olygfa [Tud 17-18 yn y ddrama] Gwrandewch ar yr ateb enghreifftiol

Hefyd, ystyriwch y pwyntiau crynhoi canlynol a dewch i gasgliadau:

• Gwraig a’r reddf famol yn gryf ynddi yw mam y llanc ac nid yw am iddo dyfu nac am ei golli i’r ferch. Hyn sy’n esbonio efallai pam ei fod ef yn ystyried rhyw fel peth budr. Canlyniad hyn yw fod y ferch yn ei wawdio a’i annog i fynd adref i gysgu gyda’i fam
  "Gysgi di hefo neb arall…"
  "A tasat ti, fasat ti ddim yn gwbod be i neud…"
  "Dw i ddim yn meddwl bod gin ti un hyd yn oed."
  Ei ymateb ef yw rhoi clustan iddi ar draws ei boch.
• Y trais geiriol a chorfforol yn dangos nad oes fawr o gariad rhwng y ddau. Y ferch am fodloni ei blys corfforol ei hun ac anwybyddu ofnau’r bachgen. Ef ar y llaw arall yn meddwl am ei ofnau heb ystyried ei hanghenion hi. Adeg y storm yn ei hofn aiff i’w freichiau. Maent yn cydio yn ei gilydd nifer o weithiau yn y ddrama, ond gellir dadlau mai gweithred arwynebol ydy’r cydio.
• Mwynhad y funud sy’n bwysig iddyn nhw ac nid yw'r cydio yn dynodi cariad. Maen nhw’n parhau i gweryla wrth iddo ef ei chroesholi am ei phrofiadau rhywiol cynt, sy’n dangos ei eiddigedd, ei genfigen a’i hunanoldeb.
  
• Nid yw’r llanc yn gallu trin a thrafod y dyfodol gyda’r ferch, ias a chyffro’r presennol sy’n bwysig iddo ef. Hoffa feddwl ei fod yn feistr ar ei ffawd ei hun.
  
• Darlunir y gagendor rhwng y ddau yn yr ail act wrth iddi hi hel atgofion am eu mab Gwyn, ond nid yw ef yn gwrando, yn hytrach mae’n ymboeni am ei adroddiad ar Rio Tinto.
  
• Ni ddiflannodd y gwrthdaro rhyngddynt yn y drydedd act chwaith.
  "Wnest ti erioed alw ‘cariad’ arna i."

Cwestiwn arall: