ရန်ကုန်မှာH1N1 ကြောင့် သေဆုံးသူအရေတွက်ထပ်တိုး တစ်နိုင်ငံလုံး မှာ ၆ဦး ထိရှိ လာ
ဓာတ်ပုံ ရင်းမြစ်, Getty Images
ဇွန်လ၂၀ ရက်နေ့ကကျန်းမာရေးနဲ့ အားကစား ဝန်ကြီးဌာနထုတ်ပြန်ချက်အရ ရန်ကုန်မှာH1N1 ကြောင့် သေဆုံးသူအရေအတွက်ဟာ ၅ဦးထိရှိလာပြီးတစ်နိုင်ငံလုံး မှာ ၆ ဦးထိ ရှိလာပြီဖြစ်တယ်လို့လည်းသိရပါတယ်။
ဇွန်လ ၂၀ ရက်နေ့မနက်ပိုင်းကအထိ တစ်နိုင်ငံလုံး ၅ ဦးသေဆုံးတယ်လို့ အစိုးရက ပြောထားတာပါ။
ရာသီတုပ်ကွေး H1N1 သံသယ ရှိတဲ့ လူနာတွေကို စောင့်ကြပ်ကြည့်ရှုပြီး အထူးကုသမှုပေးမယ့် ဆေးရုံ အရေအတွက် ကို မနှစ်က ထက် ထက်ဝက်နီးပါးတိုးမြှင့်ပေးလိုက်တယ်လို့လည်းထုတ်ပြန်ချက်မှာဖော်ပြထားပါတယ်။
မနှစ်က ဆေးရုံ ၈ ရုံမှာ သာဆောင်ရွက်ခဲ့ရာကနေ ဒီနှစ်မှာတော့ ဆေးရုံ ၇ ရုံ ထပ်တိုး ပြီး စုစု ပေါင်း ဆေးရုံ ၁၅ ရုံ ရှိလာ ပြီလို့ဆိုပါတယ်။
ဒီနှစ်တိုးချဲ့ဆေးရုံတွေထဲမှာ မြောက်ဥက္ကလာဆေးရုံကြီး ၊ အင်းစိန်ဆေးရုံ ၊ လှိုင်သာယာ ဆေးရုံ အပါအဝင် တိုင်းနဲ့ ပြည်နယ် တွေက ဆေးရုံတွေ ဖြစ် တယ်လို့လည်းပြောပါတယ်။
အစိုးရက တော့ ဒီရောဂါကို အထိတ် တလန့် မဖြစ်ကြဖို့ပြောပေမဲ့ ရန်ကုန် မြို့ခံတွေ ကတော့တုပ်ကွေးကာကွယ်ဆေးတွေ အပြင် ဆေးခန်းတွေမှာ လိုက်ထိုးနေကြပါတယ်။
ဒီရောဂါကာကွယ်ဖို့ကာကွယ်ဆေးထိုးတာနဲ့ပက်သက်လို့ အစိုးရ ဘက်ကထိုးသင့်တယ်လို့ ပြောဆိုတာမျိုးမရှိသေးပါဘူး။
H1N1 ဟာ လက်ရှိ ဇွန်လ ကနေ စက်တင်ဘာလအတွင်းဖြစ်ပွားတတ်တာမို့ ဒီကာလ အတွင်းမှာ စောင့်ကြပ်ကြည့်ရှုမှုတွေကို အထူးအလေးထားဆောင်ရွက်နေတယ်လို့ ကျန်းမာရေးနဲ့ အားကစားဝန်ကြီးဌာနက ဆိုထားပါတယ်။
ပြီးခဲ့တဲ့ ၂၀၁၇ ကတော့ H1N1 ဖြစ်ပွားသူ လေးရာကျော် ရှိခဲ့ကာ သုံးဆယ်ကျော် သေဆုံးခဲ့ပါတယ် ၂၀၁၈ခုနှစ်တွင်းမှာတော့ရောဂါ သံသယရှိသူ သုံးရာကျော်ရှိပြီး သေဆုံးမှု မရှိခဲ့ပါဘူး။
