ဂါနာရှေးဟောင်းအမွေအနှစ်တွေ နိုင်ငံကိုပြန်ရောက်

လွန်ခဲ့တဲ့ နှစ်တရာကျော်တုန်းက အနောက်အာဖရိကကနေ ခိုးယူခံခဲ့ရတဲ့ အဖိုးတန် ရှေးဟောင်း အမွေအနှစ်တွေ အခုတော့ ပထမဆုံးအနေနဲ့ ဂါနာနိုင်ငံဆီ ပြန်ရောက်လာပါပြီ။ လန်ဒန်က ဗြိတိသျှ ပြတိုက်နဲ့ ဗစ်တိုးရီးယားနဲ့ အဲလ်ဘတ် ပြတိုက်တို့ကနေ ၃ နှစ်စာချုပ် အငှားချဖို့ သဘောတူခဲ့တဲ့ အစီအစဉ်အရ ပြန်ရောက်လာတာပါ ။ ဒီလိုငှားရမ်းမှုဟာ ယူကေက တခြား ပြတိုက်တွေမှာ ရှိတဲ့ တခြားနိုင်ငံက ရှေးဟောင်းအမွေအနှစ်တွေ အတွက် နမူနာယူဖွယ် ဖြစ်လာပါတယ်။ ဘီဘီစီ ယဉ်ကျေးမှုဆိုင်ရာ အယ်ဒီတာ ကေတီ ရက်ဇ်ဇော ရဲ့ သတင်းကို မသီဒါနွယ် က တင်ဆက်ပေးထားပါတယ်။