Azərbaycan

Region

Beynəlxalq

Sağlamlıq

Sizin hekayələriniz

Xəbərlər

Video

İzləyin

Azeri

"AbzasMedia işi"nə görə həbs olunmuş saytın direktoru Ülvi Həsənli yaxınları ilə ancaq şüşə arxasından görüşə bilir. 
O 18 aylıq qızına toxuna bilmədiyi ictimaiyyətə açıq məktubunda yazıb. 

18 aylıq uşağa məktub - həbsdəki jurnalist Ülvi Həsənli körpə qızına yazır 

“AbzasMedia” və “Kanal13” işi üzrə həbs olunmuş jurnalistlərin bəzilərinin bütün ailə üzvlərinin hesablarına qoyulan həbslər qalmaqda davam edir. Ailələr  “vəziyyətin gündən-günə çətinləşdiyini" bildirirlər. Hüquq müdafiəçiləri bunu "qisasçılıq", siyasi psixoloqlar isə "xof yaratmaq üçün mesaj" adlandırır. Ombudsman Aparatı BBC-yə məsələnin araşdırıldığını bildirib.

Azərbaycanda həbsdəki jurnalistlərin ana və bacılarının təqaüd hesablarına niyə həbs qoyulub?

Avropa Şurası Parlament Assambleyası  Azərbaycan və digər ölkələrin həbsxanalarında işgəncə və qəddar rəftarla bağlı qətnamə qəbul edib. Qətnamədə Azərbaycana qarşı, xüsusilə "Tərtər" işilə bağlı "qeyri-insani rəftar" iddiaları yer alır.

Azərbaycan həbsxanalarında "işgəncə və qəddar rəftarla bağlı" AŞPA-da qətnamə qəbul olunub

Bu gün rəsmi Bakı Avropa İttifaqının Azərbaycanda son vaxtlarda jurnalistlərin və ictimai-siyasi fəalların həbsi ilə bağlı tənqidini "Azərbaycan əleyhinə iddialar" adlandırıb və ölkənin "daxili işlərinə müdaxilə" kimi qiymətləndirib.

Avropa İttifaqı "Azərbaycan ifadə azadlığını boğur” deyir, rəsmi Bakı bu bəyanatı ölkənin "daxili işlərinə müdaxilə" sayır

Polisin bir vətəndaşı döydüyünü göstərən görüntülər bir neçə gündür ki, sosial mediada yayılıb. 

Polisin azyaşlı oğlanı döyməsi: Qəbələdən reportajımız

Uelsli futbol azarkeşi Lefi Gruffudd noyabrın 18-də Yerevanda keçirilmiş Avropa çempionatının seçmə mərhələsi üzrə Ermənistan-Uels oyunundan əvvəl başına gələnləri, yəqin ki, həyatı boyu unutmayacaq. Yerevan polisi onu da 30-dan çox digər uelsli futbol azarkeşi kimi saxlayıb.  

32 uelsli futbol azarkeşi Yerevanda niyə həbs olundu və onlarla necə rəftar etdilər?

Postsovet məkanında ilk dinc inqilab Gürcüstanı çox qısa müddətdə dəyişdi. İnqilabdan sonrakı islahatları “Gürcüstan möcüzəsi”, Gürcüstanı isə postsovet məkanında “uğur modeli” adlandırırdılar.

Qızılgül inqilabı: 20 ildən sonra Gürcüstanda buna necə baxırlar

Bu gün Müsavat Partiyasının başqanı Arif Hacılı oğlunun həbsi ilə bağlı BBC News Azərbaycancaya “bu cür davranışın bu məsələnin siyasi xarakter daşıdığına heç bir şübhə yeri qoymadığını” deyib. Orxan Hacılının 20 gün əvvəl keçirdiyi avtoqəza nəticəsində ona bir neçə ittiham elan edilib. 

Arif Hacılı oğlunun saxlanmasında "siyasi xarakter" görür

İsrailin Baş naziri Benyamin Netanyahu deyib ki, İsrailin Qəzzada quru əməliyyatı Həmasla “uzun və çətin” müharibənin “ikinci mərhələ”sinə keçib. 
İsrail cümə günü Qəzzaya hərbi əməliyyatlarını genişləndirdiyini bildirib. 

Qəzzada müharibə "ikinci mərhələyə" keçib, Netanyahu

Bu həftə ərzində Azərbaycanda 6 nəfər ictimai fəal həbs olunub, yerli media yazır. Onların bəzilərinin Facebookdakı sonuncu paylaşımı hüquq mühafizə orqanlarına dəvət olunmaları ilə bağlı olub. Bu, sentyabrın 19-da Azərbaycanın Qarabağda “antiterror əməliyyatlarına başlamasını” açıqladıqdan sonra baş verib.  

Azərbaycanda müharibə əleyhinə çağırışçıların həbsi "hökumətə ziyandır"

Yerevanda bu gün səhər saatlarından etiraz aksiyaları başlayıb, aralarında müxalif partiya rəhbərinin də olduğu azı 84 nəfər "saxlanılıb". 

Yerevanda etirazçılar Paşinyanın istefasını tələb edirlər 

İqtisadçı Qubad İbadoğlu haqqında Nərimanov rayon məhkəməsinin qərarı ilə 3 ay 26 günlük həbsqətimkan tədbiri seçilib.

Qubad İbadoğlunun qızı: "Atamı və anamı zorla maşından çıxarmağa başladılar"

Bakının Binə qəsəbəsində yaşayan Hacıyevlər ailəsinin iki üzvü bu ilin martında kütləvi miqdarda narkotik vasitələri əldə etmə, saxlama və satma ittihamı ilə həbs edilib. Ailə deyir ki, onların oğlu və yeznəsini polis eyni gündə aparıb və uzun müddət onlardan xəbər ala bilməyiblər.

“Oğlum “narkobarondur”, mən də zibillikdə dəmir yığıram”, - oğlu İrana casusluqda ittiham olunan ata

Gədəbəyin Söyüdlü kəndinin camaatı iyunun 20-21-də burdakı qızıl mədənindən axan çirkab sular üçün ikinci süni göl tikintisinə etiraz olaraq aksiya keçirib.

Söyüdlü kəndi: Polis yolu bağlayıb, BBC jurnalistləri buraxılmadı

Fransada polisin çərşənbə axşamı xidməti silahdan atəş açaraq 17 yaşlı gənc Nahel M-i öldürməsindən sonra başlayan etirazlar artıq 5-ci gündür davam edir.

Fransada etirazlar: Minlərlə etirazçı həbs olunub, yüzlərlə polis xəsarət alıb, inzibati binalar, avtomobillər yandırılıb

Daşkəsən rayonunda yaşayan Sahib Məmmədzadə sosial mediada polisin onun evinə gələrək onu polis şöbəsinə aparmaq istədiyini yazıb.

“Polis dedi gəlməlisən, anamgil səs-küy qaldırdılar”, Daşkəsən sakini

İyunun 2-də Birinci Qarabağ müharibəsində həlak olanların yaxınları müharibədə həlak olanlar üçün dəfn pulunun ödənilməsi tələbi ilə Bakıda, Prezident Admnistrasiyasının Qəbul Mərkəzinin qarşısında aksiya keçiriblər.

“3 min dəfn pulunu istəyirik” - şəhid anaları

Bəzi Bakı sakinləri sakinlər bu gün həyətlərə kamera quraşdırılmasına etirazlarının olmadığını desələr də, "dövlətin quraşdırdığı kameralara görə polisin pul toplamasını başa düşmədiklərini" vurğulayırlar. 

Diqqət! "Təhlükəsizlik üçün" müşahidə kameraları: Bakıda onların quraşdırılması pulludurmu? 

Millət vəkili Fazil Mustafaya qarşı ötən həftə törədilmiş cinayət hadisəsi ilə əlaqədar bazar günündən bazar ertəsinə keçən gecə "4 nəfər müəyyən olunaraq saxlanılıb" - DİN bildirir.

Fazil Mustafaya qarşı törədilmiş cinayət hadisəsi ilə bağlı 4 nəfər "saxlanılıb"

Çərşənbə axşamı günü Milli Məclisin deputatı Fazil Mustafa öz evinin qarşısında güllələndi. Dövlət Təhlükəsizlik Xidməti bu hadisəni "terror aktı" kimi araşdırdığını açıqladı. 

Fazil Mustafa kimdir? 

Çərşənbə axşamı günü bir neçə İkinci Qarabağ müharibəsinin iştirakçısı Əmək və Əhalinin Sosial Müdafiəsi Nazirliyinin qarşısında etiraz aksiyası keçiriblər.

"Məmurların övladları cibində dollar gəzdirəndə, mən dərman gəzdirirəm", - müharibə iştirakçısı

İngiltərədə bir illik araşdırma nəticəsində hazırlanan hesabatda London Polis İdarəsi "qadınları və uşaqları qoruya bilməyən, irqçilik, qadına qarşı nifrət və homofobiyanın hökm sürdüyü kişi klubu" kimi təsvir olunub.

London polisinə qarşı ağır ittihamların yer aldığı hesabat: “Qadınları və uşaqları qoruya bilməyən kişi klubu”

Xəbərlər, Qaynar Xəbərlər, Analiz, Video

Bazar ertəsi günü Saatlının Nabatkənd və Orta Muğan kənd sakinləri su probleminə görə magistral yolu bağlamağa cəhd edib. Polis aksiyanın qarşısını alıb. Sakinlər ötən gün rayona ezam olunmuş BBC müxbirlərinə etirazçıların bəzilərinin yaralandığını, bir neçə nəfərin isə saxlanıldığını deyiblər. DİN-dən BBC-yə "polisin qanuni tələbinə əməl etməyən vətəndaşlara qarşı rezin güllədən istifadə edildiyi" bildirilib.

Polislər "rezin güllə ilə oğlumu vurdu" - Saatlı sakinlərinin etirazı

Saatlı rayonunun Orta Muğan və Nabatkənd kəndlərinin bir qrup sakini bu gün günorta saatlarında içməli su probleminə görə etiraz aksiyası keçiriblər və Bakı-Saatlı magistral yolunu bağlamağa cəhd ediblər. Daxili İşlər Nazirliyi "polisin qanuni tələbinə məhəl qoymayan" aksiya iştirakçılarına qarşı "yalnız xüsusi vasitələrdən, o cümlədən rezin güllələrdən" istifadə edildiyini və təxminən 12 nəfərin saxlanıldığını bildirib.