Qarabağ müharibəsi: 8 noyabr Azərbaycanda zəfər günüdür

Canlı reportaj

1. 13 Noyabr 2020Bu videoda Xankəndi ilə Şuşa arasındakı sülhməramlıların müşahidə məntəqəsi görünür

   Xankəndi ilə Şuşa arasındakı yoldan - sülhməramlıların artıq nəzarətə götürdükləri ərazidə çəkilmiş bu videodakı yol Xankəndindən Yerevana aparır.

   Sputnik agentliyinin videosunda danışan şəxs izah edir ki, bu yol sərbəst hərəkətə bağlıdır və ona Rusiya sülhməramlıları nəzarət edir.

   "Orada həm də erməni hərbçiləri var. Yolda görünən maşınlar Şuşa yaxınlığında Qırmızı Bazara keçə bilirlər", danışan şəxs deyir.

   Videoda Rusiya bayrağı altında müşahidə nöqtəsində dayanan zirehli maşın görünür.

   Bundan başqa görüntülərdə bəhsi keçən nöqtədə mülki geyimli şəxslərin olduğu da görünür.

   Paylaşımını ötürün X

   X məzmununa icazə varmı?

   Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

   Qəbul edin və davam edin

   Xəbərdarlıq : BBC kənar saytların məzmununa görə cavabdeh deyil.

   Paylaşımın sonu X

2. 13 Noyabr 2020Peskov: "Bu, erməni tərəfinin öz üzərinə götürdüyü öhdəlikdir"

   

   Şəklin mənbəyi, Getty Images

   Rusiya Prezidentinin mətbuat katibi Dmitriy Peskov deyib ki, Laçın rayonunun Azərbaycana qaytarılmasında Rusiya sülhməramlılarının iştirakının texniki detalları barədə sualı Rusiya Federasiyası Silahlı Qüvvələrinin komandanlığı cavablandırmalıdır.

   "Bu ərazinin köçürülməsi [Rusiya Prezidenti Vladimir] Putin, [Azərbaycan Prezidenti İlham] Əliyev və [Ermənistan Baş Naziri Nikol] Paşinyan tərəfindən imzalanmış birgə bəyanatda nəzərdə tutulur. Əslində bu, erməni tərəfinin öz üzərinə götürdüyü öhdəlikdir,"- o jurnalistlərə deyib.

   "Bu prosesdə sülhməramlıların birbaşa iştirakına gəldikdə, indi sizə cavab verə bilmərəm. Bu cür tətbiqetmə qaydaları və sülhməramlılarımızın oradakı fəaliyyəti ilə əlaqədar olaraq komandanlığa müraciət etmək daha yaxşıdır," - Kremlin sözçüsü əlavə edib, Tass agentliyi yazır.

   Üç ölkənin imzaladığı Moskva bəyanatına görə, Ermənistan noyabrın 15-ə qədər Kəlbəcəri, 20-ə qədər Ağdamı, dekabrın 1-dək isə Laçın rayonunu Azərbaycana qaytaracaq.

3. 13 Noyabr 2020Ermənistanın hərbi itkiləri 1383 oldu

   Dağlıq Qarabağda separatçıların "Müdafiə Ordusu” döyüşlərdə həlak olmuş daha 44 nəfərin siyahısını yayıb.

   Siyahıda hərbçilərdən başqa, 15 könüllü və 1 nəfər ehtiyatda olanın adları var.

   Beləliklə, rəsmi məlumata görə, həlak olanların ümumi sayı 1383 olur.

   Bu, bu gün açıqlanan ikinci siyahıdır. Daha əvvəl 37 nəfərdən ibarət daha bir siyahı dərc olunub.

   Azərbaycan hələ hərbi itkilərlə bağlı açıqlama verməyib.

4. 13 Noyabr 2020Yerevanda müxalifət mitinq keçirir

   

   Şəklin mənbəyi, Live News

   Yüzlərlə insan Yerevanın Azadlıq meydanında müxalif qüvvələrin mitinqinə toplaşmaqdadır. Polis səsucaldanlarla mitinqin qeyri-qanuni olduğunu elan edir. Lakin iştirakçıların sayı artmaqdadır.

   Etirazlar noyabrın 10-u gecəsi, baş nazir Nikol Paşinyanın, Azərbaycan və Rusiya prezidentlər arasında Qarabağda müharibəni dayandırmaq haqqında ortaq anlaşma imzalandıqdan sonra başlayıb.

   Mitinqdən qabaq etirazçılar Azadlıq meydanında opera teatrı pilləkənlərinə Paşinyanın həmpartiyaları, hökumət və parlament üzvlərinin şəkillərini səriblər. Şəkilləri müşayiət edən digər lövhələrə “Satqın” və “Torpaq təhvil verən” sözləri yazılıb.

   

   Şəklin mənbəyi, Live News

   Meydana yavaş-yavaş polis qüvvələri daxil olur.

5. 13 Noyabr 2020

   

   Şəklin mənbəyi, Rusiya Müdafiə Nazirliyi

   Cümə günü Rusiya sülhməramlılarını daşıyan daha 7 təyyarə Dağlıq Qarabağa uçub, Rusiya Müdafiə Nazirliyi xəbər verir.

   Ötən açıqlamalarda deyilənlər də daxil olmaqla, artıq 42 təyyarə reysi olub.

   Rusiya sülhməramlıların ümumi sayı 1960 piyada, 90 zirehli maşın, 380 avtomobil və başqa texnika təşkil edəcək.

6. 13 Noyabr 2020"Dağlıq Qarabağın Şuşa şəhəri yaxınlığındakı təmas xəttindən" ilk video görüntülər yayılıb

   "Dağlıq Qarabağın Şuşa şəhəri yaxınlığındakı təmas xəttindən ilk video görüntülər yayılıb", bu barədə 5-tv saytı məlumat yayıb.

   İzvestiya Multimedia Məlumat Mərkəzinin müxbiri Denis Kulaqanın bölgədən verdiyi məlumata görə, "ərazinin bir tərəfinə Azərbaycan nəzarət edir, digər tərəf isə Ermənistan qoşunlarının nəzarətindədir".

   “Digər tərəfdə də erməni qoşunları var. Bu yolun hamısı rus sülhməramlıları tərəfindən idarə olunmalıdır,” jurnalist deyib.

   Azərbaycan Prezidenti İlham Əliyev və Ermənistanın Baş naziri Nikol Paşinyan, Rusiya Prezidenti Vladimir Putinin iştirakı ilə 10 noyabrda Dağlıq Qarabağda hərbi əməliyyatların dayandırılması və Rusiya sülhməramlı qüvvələrinin ərazisinə daxil edilməsinə dair müqavilə imzalayıblar.

   

   Şəklin mənbəyi, Getty İmages

   

   Şəklin mənbəyi, Getty Images

   

   Şəklin mənbəyi, Getty Images

7. 13 Noyabr 2020Litva Qarabağda müharibədən zərər çəkmişlərə yardım ayırıb - media

   Litva Xarici İşlər Nazirliyi Dağlıq Qarabağ bölgəsindəki müharibədən zərər çəkmişlərə humanitar yardım üçün 75 min avro vəsait ayırıb, Litva mediası yazıb.

   Məlumatda bildirilir ki, "vəsait Beynəlxalq Qızıl Xaç Komitəsinə veriləcək".

8. 13 Noyabr 2020Deputat "iqtisadiyyatı çökmüş Ermənistandan təzminat tələb etmək önəmli deyil" dediyi üçün töhmət alıb

   

   Şəklin mənbəyi, Azertag

   Cümə günü Milli Məclis deputat Könül Nurullayevaya töhmət verib, Azərtag agentliyinin yaydığı xəbərdə deyilir.

   Agentlik yazıb ki, töhmətə səbəb deputatın noyabrın 12-də Türkiyənin TV Net telekanalına müsahibə verən Könül Nurullayevanın canlı yayımda "Ermənistanda iqtisadiyyatın çökdüyü bir zamanda Azərbaycanın təzminat tələb etməsinin önəminin olmadığını" söyləməsi olub.

   "Bu gün Ermənistanın iqtisadiyyati çöküb, xarici borcu artib, ölkədə sosial təminat sahəsində fəlakətli durum yarandığı halda Azərbaycanın bu tələbi önəmli deyil," Könül Nurullayeva aparıcının "Azərbaycan Ermənistandan təzminat tələb edəcəkmi?" sualına cavab olaraq deyib.

   "Noyabrın 12-də Türkiyənin TV Net telekanalına müsahibə verən Könül Nurullayevanın canlı yayımda səsləndirdiyi fikirlər Azərbaycanın dövlət siyasətinə ziddir, Azərbaycan cəmiyyətinin və Milli Məclisin mövqeyini əks etdirmir", MM-in iclasında bildirilib, Azərtac yazıb.

9. 13 Noyabr 2020Dmitri Peskov Rusiyanın Azərbaycanın üzrxahlığını qəbul etmə səbəbini açıqlayıb

   

   Şəklin mənbəyi, Reuters

   "Azərbaycanın dərhal reaksiya verməsi helikopterin vurulması ilə bağlı üzrxahlığı qəbul etməyimizə imkan verdi,” Kremlin mətbuat katibi Dmitri Peskov bildirib TASS yazıb.

   Agentlik yazır ki, Peskov "iki hərbçinin ölümünün həqiqətən fəlakət, faciə olduğunu" bildirib.

   "Bu, əlbəttə ki, bütün hərbi komandirlərimiz və silahlı qüvvələrdə xidmət edən bütün insanlarımız və bütün vətəndaşlarımız üçün ağrıdır. Azərbaycanlıların və Azərbaycan Prezidentinin ani reaksiyası və Azərbaycanın vəziyyəti qərəzsiz araşdırmağa və təqsirkarları cəzalandırmağa hazır olduğunu elan etməsi bizə bu üzrxahlığı qəbul etməyə imkan verdi," - deyə Kremlin sözçüsü vurğulayıb, xəbərdə bildirilir.

   Noyabrın 9-da Ermənistanın Azərbaycan sərhədi yaxınlığındakı ərazisində Rusiyaya məxsus “Mi-24” helikopterinin vurulması nəticəsində iki pilot həlak olub, biri yaralanıb.

   Azərbaycan Xarici İşlər Nazirliyi hadisə ilə bağlı dərhal bəyanat yayaraq bildirib ki, "helikopter Ermənistan-Azərbaycan Dağlıq Qarabağ münaqişəsi zonasında aktiv hərbi döyüşlərin davam etdiyi vaxtda Ermənistan-Azərbaycan dövlət sərhədinin tam yaxınlığında uçuşu həyata keçirib".

   "Uçuş günün qaranlıq vaxtında, aşağı hündürlükdə, hava müdafiəsi sisteminin radar müşahidəsindən kənar zonada həyata keçirilib. Bundan öncə həmin ərazidə Rusiya Federasiyası Hərbi Hava Qüvvələrinin helikopterləri müşahidə edilməyib", qurumun bəyanatında bildirilib.

10. 13 Noyabr 2020Tanınmamış “DQR” Qarabağ döyüşlərində öldüyü bildirilən daha 37 nəfərin siyahısını yayıb

    Tanınmamış “DQR-in Müdafiə Ordusu” Qarabağ döyüşlərində daha 37 nəfər həlak olanların siyahısını dərc edib.

    "Hərbçilərdən başqa, siyahıda 7 ehtiyatda olan və 13 nəfər könüllü adları da var", məlumatda bildirilir.

    Bu günədək Ermənistan tərəfindən döyüşlərdə həlak olanların açıqlanmış rəsmi sayı 1339 nəfərdir.

    Azərbaycan hələ hərbi itkilərlə bağlı açıqlama verməyib.

11. 13 Noyabr 2020Levon Ter-Petrosyan partiyasının adından Rusiya, Ermənistan və Azərbaycan arasında imzalanmış razılaşma ilə bağlı bəyanat yayıb

    

    Şəklin mənbəyi, Getty Images

    Ermənistanın ilk Prezidenti Levon Ter-Petrosyan Qarabağda atəşkəs haqqında Rusiya, Ermənistan və Azərbaycan arasında imzalanmış razılaşma səbəbindən Ermənistanda yaranmış “siyasi böhranı müstəsna olaraq konstitusiya yolu ilə” həll etməyə çağırıb və qeyd edib ki, mövcud böhrandan ən yaxşı çıxış yolu “iqtidarla rəngarəng radikal müxalifət arasında qarşılıqlı sağlamfikirli razılaşma” ola bilərdi.

    “Bizi narahat edən yalnız bir şeydir – vətəndaş müharibəsinə yol verməmək”, - Ter-Petrosyan rəhbərlik etdiyi Erməni Milli Konqres Partiyası adından yaydığı bəyanatda deyilir.

    Bəyanatda həmçinin Ermənistanda “daxili siyasi qarşıdurmaya səbəb olmuş Rusiya, Ermənistan və Azərbaycan arasında razılaşmanı ən azı hazırkı məqamda baş tutmuş fakt kimi qəbul etməyin vacibliyi” vurğulanır.

    “Bu faktın müharibənin başa çatması və daha ölümlər olmayacağına xidmət etməsini nəzərə almaq lazımdır”, bəyanatın mətnində deyilir.

    Ter-Petrosyan bildirib ki, razılaşmanın həyata keçirilməsi və “Qarabağ probleminin tam həlli prosesi yaxın gələcəyin işidir və Ermənistan buna son dərəcə ciddi hazır olmalıdır”.

    Azərbaycan, Ermənistan və Rusiya arasında noyabrın 8-də imzalanmış razılaşmaya əsasən, Azərbaycan və Ermənistan arasında Qarabağ uğrunda sentyabrın 27-dən davam edən döyüşlərin dayandırılması, bəzi ərazilərin müəyyən edilmiş vaxt çərçivəsində Azərbaycana qaytarılması, Ermənistan silahlı qüvvələrinin Azərbaycan ərazilərindən çıxarılması və Rusiya sülhməramlılarının bölgəyə yerləşdirilməsi nəzərdə tutulur.

12. 13 Noyabr 2020Hikmət Hacıyev: "Azərbaycanın Rusiyadakı səfirinin Azərbaycanın Dağlıq Qarabağ bölgəsinin statusu ilə bağlı söylədikləri qəbuledilməzdir"

    

    Şəklin mənbəyi, Azertag

    “Məsələnin mahiyyətinə varmadan Azərbaycanın Rusiyadakı səfirinin Azərbaycanın Dağlıq Qarabağ bölgəsinin statusu ilə bağlı söylədikləri qəbuledilməzdir", Azərbaycan Prezidentinin köməkçisi Hikmət Hacıyev belə deyib.

    Cənab Hacıyev bu açıqlamanı cümə axşamı günü Azərbaycanın Rusiyadakı səfiri Polad Bülbüloğlunun "Türk sülhməramlılarının Dağlıq Qarabağ ərazisində olmayacağına dair və eləcə də Dağlıq Qarabağa status veriləcəyi ilə bağlı" fikirlərini bildirməsindən sonra verib.

    O bildirib ki, "Azərbaycanın xaricdəki diplomatik nümayəndəliklərinin rəhbərləri və digər rəsmi şəxsləri ölkənin rəsmi mövqeyinə və Prezident İlham Əliyevin yürütdüyü siyasətə zidd olan özbaşına açıqlamaların verilməsindən çəkinməlidirlər”.

    cümə axşamı günü Polad Bülbüloğlu açıqlamalarında Türk sülhməramlılarının Dağlıq Qarabağ ərazisində olmayacağını, Dağlıq Qarabağa status veriləcəyi ilə bağlı fikirlərini bildirib.

13. 13 Noyabr 2020BBC müxbiri Will Vernon: "Kəlbəcəri tərk edən bəzi ermənilər evlərini yandırır"

    "Bu ərazi iki günə Azərbaycan təhvil veriləcək. Bəzi yerlilər evlərini tamamilə boşaldır və tərk edirlər. Bəziləri hətta evlərinin azərbaycanlıların əlinə keçməməsi üçün yandırırlar," BBC müxbiri Will Vernon Twitterdə yazıb.

    Paylaşımını ötürün X

    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Qəbul edin və davam edin

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

14. 12 Noyabr 2020Erməni əsgərləri Xankəndindən çıxarılır

    

    Şəklin mənbəyi, Getty Images

    Ermənistan hərbçiləri və hərbi texnikası Xankəndindən çıxarılır, bunu oradan yayılan fotolarda görmək olar.

    

    Şəklin mənbəyi, Getty Images

15. 12 Noyabr 2020Rusiya sülhməramlıları Xankəndinə daxil olub

    Kommersant qəzeti Rusiyanın Müdafiə Nazirliyinə əsasən yazır ki, Rusiyanın sülhməramlı taburu Xankəndinə daxil olub.

    Paylaşımını ötürün X

    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Qəbul edin və davam edin

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

16. 12 Noyabr 2020Ermənistan Müdafiə Nazirliyinin nümayəndəsi Artsrun Hovannisyan vəzifəsindən getdiyini açıqlayıb

    

    Ermənistan Müdafiə Nazirliyinin nümayəndəsi Artsrun Hovannisyan vəzifəsindən gedib.

    Bu barədə Facebook-da yazan Hovanisyan deyib ki, bundan sonra yeni nəslin tədrisi ilə məşğul olacaq.

    "Bu müharibə ərzində mən “informasiya sahəsinin” dördüncü mərhələsində öz döyüş əməliyyatlarımı aparmışam.

    Necə apardığımı zaman və peşəkar araşdırıcı dəyərləndirər. Səhv etməmiş insan yoxdur.

    İctimaiyyətə təqdim etdiyim informasiya əsasən Ermənistan Respublikası SQ Baş Qərargahı və Artsax Respublikası [tanınmamış "DQR" -red.] Müdafiə Ordusunun bülletenləri əsasında tərtib olunurdu.

    Bəli, mən əmin olmuşam ki, qalib gələcəyik, bu inam həmçinin mənim çoxlu döyüş yoldaşlarımın iştirak etdiyi döyüşlərə əsaslanıb.

    Ayın 9-da mən bu fəaliyyəti tərk etmişəm. Elm sahəsində işimi davam etdirəcəyəm və xahiş edirəm məni müxtəlif təkliflərdən azad buraxasınız.

    Siyasətlə məşğul olmamışam və məşğul olmaq niyyətində deyiləm.

    Bizim qəhrəman müharibə qurbanlarımızın qarşında baş əyirəm.

    Həyatımı yeni nəslin tədrisi və tərbiyəsinə həsr etməliyəm."

17. 12 Noyabr 2020Yerevanda nümayişdə saxlananlar var

    Axşam saat 20:30 radələrində MTX binasının yanından Azadlıq meydanına qayıdan müxalif qüvvələrin yürüşü polis tərəfindən dağıdılıb.

    Nümayiş iştirakçılarından Firavan Ermənistan parlament fraksiyasının üzvü İveta Tonoyan jurnalistlərə deyib ki, "etirazçıların arasında olan təxribatçının hücumuna məruz qalıb".

    Mitinq başa çatıb iştirakçılar dağılanda polis əməkdaşları vətəndaşları saxlamağa başlayıb. Polis səsucaldanlarla mitinq və yürüşün qeyri-qanuni olduğunu elan edir.

18. 12 Noyabr 2020Ermənistanda məğlubiyyət hissi insan itkisi acısına qarışıb

19. 12 Noyabr 2020Buna da baxın:, (Arxivdən)

    Azərbaycan Prezidenti İlham Əliyev BBC News Azərbaycancanın müharibədən sonra Azərbaycanın gələcəyini necə görməsi, cəmiyyətdə insan haqları və azadlıqları kimi problemlərin həll edilib-edilməyəcəyi ilə bağlı sualını cavablandırıb.

    İlham Əliyev: "Dağlıq Qarabağ münaqişəsinin həlli ölkəmizə yeni nəfəs verəcək".

20. 12 Noyabr 2020“Şuşada səhəri açmaq çox gözəldir” - əsgər

    Twitterdə Azərbaycan əsgərlərinin Şuşa şəhərinə girdikdən əvvəl və sonra çəkdiyi bəzi görüntülər yayılıb.

    Videonun birinci hissəsində 3 əsgər ağacların yanında yerə uzanıblar və bir-birlərinə yerlərinin rahat olduğunu deyirlər.

    Əsgərlərdən biri “Bura bizim lüks otelimizdir” - deyir və sonra gülərək-“Şuşaya az qalıb” deyə əlavə edir.

    Videonun ikinci seqmentində həmin əsgərlərdən biri Şuşa şəhərinin işğaldan azad olunduğunu deyir.

    “Saat 7.19. Azərbaycan ordusu qələbəni qeyd edir. Eşq olsun Azərbaycan ordusuna! Şuşanı almışıq çıxırıq!” - o deyir.

    Onun arxasında bir qrup əsgər hərəkət edir. Ətrafdə ev və bina görünür. Əsgərlər bir-birini təbrik edirlər.

    Videonun 3-cü hissəsində isə həmin əsgər və videonun birinci hissəsindəki əsgərlərdən biri binanın eyvanından şəhərə baxırlar.

    “Şuşada səhəri açmaq çox gözəldir,”- onlar deyir.

    Onlar Şuşanın görüntüsünə baxırlar və kilsəyə işarə edirlər. Bir əsgər isə məşhur Şuşa məscidinin yerini soruşur.