ላለፉት 30 ዓመታት ሱዳንን ያስተዳደሩት ፕሬዝዳንት ኦማር ሀሰን አል በሽር ከስልጣን እንዲወርዱ የሚጠይቁ ተቃውሞዎች መሰማት የጀመሩት ከወራት በፊት ነበር። አል በሽር ተቃውሞውን አለዝበው በመንበራቸው ላይ ለመቆየት የተለያዩ እርምጃዎችን ቢወስዱም የተቃዋሚዎቻቸው ፍላጎት ስላልረካ አመጹ ቀጥሎ ቆይቷል። በመጨረሻም በጦር ሠራዊታቸው ከስልጣናቸው ተነስተው በቁጥጥር ስር ውለዋል።
በካርቱም የሚኖረው ኢትዮጵያዊ መሀመድ ዚን ለቢቢሲ እንደተናገረው አሁን ያለሁበት ቦታ 'ሚናል ባሪ' የሚባል ሲሆን ትርጉሙም መናኸሪያ ማለት ነው።
እንደተለመደው ጠዋት ለሥራ መውጣቱን የተናገረ ሲሆን "ሥራ ቦታ እንደደረስኩኝ ዛሬ ሥራ የለም ወደቤታችሁ ሂዱ ተባልን" ብሏል።
ሱዳናውያን ለአምስተኛ ጊዜ ቀንና ለሊት የሚያደርጉትን ተቃውሞ የቀጠሉ ሲሆን በአሁኑ ሰዓትም ወደ ፕሬዝዳንቱ ቢሮ አልቂሃዳ ተሰብስበው እየተመሙ ነው ሲል ነግሮናል።
እየተወራ እንዳለው ይላል ዚን "ዛሬ ፕሬዝዳንቱ ስልጣናቸውን ይለቃሉ ተብሎ ይጠበቃል" ብሏል።
የፎቶው ባለመብት, Getty Images
ለሰላሳ ዓመታት ስልጣን ላይ የቆዩት አልበሽር ላይ ተቃውሞ የተቀሰቀሰው ከባለፈው ሕዳር ወር ጀምሮ ነበር።
ተቃውሞዎቹ መጀመሪያ ላይ የተቀሰቀሱት የኑሮ ውድነትን ምክንያት አድርገው የነበረ ሲሆን በኋላ ላይ ተቃዋሚዎቹ አልበሽር ከስልጣን እንዲለቁ የሚጠይቁ ተቃውሞዎችን ለወራት አድርገዋል።
የተቃዋሚዎቹ ተወካዮች ከሃገሪቱ ሠራዊት ጋር የሽግግር መንግሥት በሚቋቋምበት ሁኔታ ላይ ለመነጋገር ሲጠይቁ ቆይተዋል።
ከተቃውሞው መሪዎች መካከል አንዱ የሆነው ኦምር ኤልዲጊር ባለፈው ሳምንት ለኤኤፍፒ እንደተናገረው ተቃዋሚዎቹ "የአብዮቱን ፍላጎት የሚወክል " መንገድ እንደሚፈልጉ ተናግሯል።
የሃገሪቱ ፖሊስም መኮንኖቹ በተቃዋሚዎች ላይ እርምጃ እንዳይወስዱ ትዕዛዝ አስተላልፏል። ማክሰኞ ዕለት የፖሊስ ቃል አቀባይ "ሰላማዊ የስልጣን ሽግግርን ሊያመጣ የሚችል ስምምነት" እንዲደረስ ጥሪ አቅርበዋል።
የሰብአዊ መብት ተከራካሪ ቡድኖች መንግሥት ተቃዋሚዎች ላይ ጭካኔ የተሞላበት እርምጃ ወስዷል በማለት ሲወቅሱ ቆይተዋል።
በታህሳስ ወር በተጀመረው ፀረ መንግሥት ተቃውሞ 38 ሰዎች መሞታቸውን የመንግሥት ባለስልጣናት የገለጹ ሲሆን የሰብአዊ መብት ተቆርቋሪው ሂዩማን ራይትስ ዋች ግን ቁጥሩ ከተጠቀሰው በላይ መሆኑን ይናገራል።
የሕዝባዊው ተቃውሞ ሳይቋረጥ በመቀጠሉ የካቲት ወር ላይ አል በሽር ስልጣናቸውን ይለቃሉ ተብሎ ቢጠበቅም የአስቸኳይ ጊዜ አዋጅ በመላው ሃገሪቱ አውጀዋል።
ይህ ጽሑፍ በX. የቀረበ ይዘት ይዟል። ገጹ ቴክኖሎጂዎች ወይም ኩኪዎች ሊኖረው ስለሚችል ገጹ ከመከፈቱ በፊት የእርስዎን ፍቃድ እንጠይቃለን። ፍቃድዎን ከመስጠትዎ በፊት የX ኩኪ ፖሊሲ እና የ ማንበብ ይፈልጉ ይሆናል። ይዘቱን ለማንበብ ‘እቀበላለሁ ቀጥል’ የሚለውን ይምረጡ።
የ X ይዘት መጨረሻ
ሱዳናውያን የጦር ኃይሉ ይሰጣል ተብሎ የሚጠበቀውን መግለጫ በጉጉት እየጠበቁ ነው።
ከስልጣን መውረዳቸው አይቀርም የሚለው ግምት በሕዝቡ ዘንድ ቢኖርም እስካሁን ግን ይፋዊ መግለጫ አልተሰጠም።
ሱዳን ነፃነቷን ካገኘችበት እ.ኤ.አ 1956 ጀምሮ ጦሩ በሀገሪቱ ፖለቲካው ውስጥ ከፍተኛ ተሳትፎ አለው።
ሱዳናዊ ጋዜጠኛ ሪም አባስ በካርቱም እስረኞች መለቀቃቸውን በትዊተር ገፁ ላይ አስፍሯል።
ይህ ምንም እንኳ ከገለልተኛ ወገን ባይረጋገጥም በሱዳን ውስጥ ለውጥ እየተካሄደ ነው ለሚሉ ማረጋገጫ ሰጥቷል።
ይህ ጽሑፍ በX. የቀረበ ይዘት ይዟል። ገጹ ቴክኖሎጂዎች ወይም ኩኪዎች ሊኖረው ስለሚችል ገጹ ከመከፈቱ በፊት የእርስዎን ፍቃድ እንጠይቃለን። ፍቃድዎን ከመስጠትዎ በፊት የX ኩኪ ፖሊሲ እና የ ማንበብ ይፈልጉ ይሆናል። ይዘቱን ለማንበብ ‘እቀበላለሁ ቀጥል’ የሚለውን ይምረጡ።
የ X ይዘት መጨረሻ
የሱዳን ፕሬዝዳንት የሆኑት አልበሺር ከስልጣን መውረዳቸውን ሮይተርስ ዘግቧል። በአሁኑ ሰዓትም የሽግግር መንግሥት ምክር ቤት ለማቋቋም ምክክር ላይ መሆናቸው ተገልጧል። ቢቢሲ ፕሬዝዳንቱ ከስልጣን መውረዳቸውን ያላረጋገጠ ሲሆን ይፋዊ መግለጫን በመጠበቅ ላይ ነው።
ሱዳንን ለ30 ዓመታት ስለገዙት ኦማር ሃሰን አልበሽርን ታሪክ በጥቂቱ
የፎቶው ባለመብት, Getty Images
በሱዳን ከፍተኛ የፕሬዝዳንት አልበሺር ከስልጣን እንዲወርዱ የሚጠይቁ ሕዝባዊ ተቃውሞዎች መሰማት የጀመሩት ከወራት በፊት ነው። ዛሬ በዋና ከተማዋ ካርቱም የጦር ኃይሉ መኪኖች መንገድ መዝጋታቸው ተነግሯል።
እንደምን አረፈዳችሁ። በሱዳን የፕሬዝዳንት አል በሺር እጣፈንታን በተመለከተ የሱዳን ጦር ኃይል መግለጫ ይሰጣል ተብሎ ይጠበቃል። ቢቢሲ አማርኛ ከዚህ ሰዓት ጀምሮ በቀጥታ እየተከታተለ ያቀርብላችኋል።
የፎቶው ባለመብት, Getty Images
