የአዲስ መንግሥት ምስረታ በዓለ ሲመት በመስቀል አደባባይ

የቀጥታ ሽፋን

1. 4 ጥቅምት 2021"ሁሉን አካታች ብሔራዊ ውይይት ይካሄዳል" ጠ/ሚ ዐቢይ አሕመድ

2. 4 ጥቅምት 2021የፕሬዝዳንት ኢሳያስ የመልካም ምኞት መልዕክት ለጠቅላይ ሚኒስትር ዐቢይ አሕመድ

   

   የፎቶው ባለመብት, shabait.com

   የኤርትራው ፕሬዝዳንት ኢሳያስ አፈወርቂ ለጠቅላይ ሚኒስትር ዐቢይ አሕመድ የእንኳን ደስ አለዎት መልዕክት አስተላለፉ።

   የኤርትራው የማስታወቂያ ሚኒስቴር ባወጣው መግለጫ፤ ፕሬዝዳንት ኢሳያስ ለጠቅላይ ሚኒስትር ዐቢይ “በኤርትራ ሕዝብና በኤርትራ መንግሥት ስም እንኳን ደስ አለህ” ብለዋል።

   ኢትዮጵያና ኤርትራ ባለፉት ሦስት ዓመታት ውጥረታቸውን አርግበው ግንኙነታቸውን እንዳደሱ ፕሬዝዳንት ኢሳያስ መግለጻቸውን በመጥቀስ፤ “ዘላቂ ሰላም እንዲሁም የእህትማማች አገራት ወዳጅነት ለመመስረት መሠረት ጥለናል። ይህም ለምሥራቅ አፍሪካ መልካም ዜናነው” ማለታቸው ረገልጿል።

   ሁለቱ አገራት የጀመሩት የወዳጅነት ጉዞ ዘላቂ እንደሚሆን ተስፋ እንደሰነቁም ፕሬዝዳንቱ አክለዋል።

   ፕሬዝዳንት ኢሳያስ በመልዕክታቸው መጨረሻ “አፍራሽ የሆኑ የውጭ ኃይሎች ታሪክን የኋሊት ለመጎተት የሚያደርጉት ጥረት ሳያደናቅፈን ወዳጅነታትችን ለወደፊትም ይጎመራል ብዬ አምናለሁ” ማለታቸውን ተገልጿል።

3. 4 ጥቅምት 2021"በኢትዮጵያ ታሪክ ሕዝባዊ ቅቡልነት ያገኘ መንግሥት በምንመሠርትበት ቀን ከፊታችሁ በመቆሜ ፈጣሪን አመሰግናለሁ""

   

   የፎቶው ባለመብት, AA Press Secretary

   በመስቀል አደባባይ የአዲስ መንግሥት ምስረታና በዓለ ሲመት ወቅት ጠቅላይ ሚንስትር ዐቢይ አሕመድ ባደረጉት ንግግር፤ በአገሪቱ የፖለቲካ ኃይሎች መካከል መግባባትን ለመፍጠር ሁሉን አካታች ውይይት እንደሚካሄድ አመለከቱ።

   ጠቅላይ ሚኒስትሩ በርካታ የአፍሪካ አገራት መሪዎችና ተወካዩት በታደሙበት ሥነ ሥርዓት ላይ የኢትዮጵያን ቀጣይ እጣ ፈንታ ብሩህ ለማድረግ "በመንግሥታችን እና በፓርቲያችን ስም ቃል እገባለሁ" ብለዋል።

   በበዓለ ሲመታቸው ላይ በመስቀል አደባባይ ለታደመው ሕዝብ እና የተለያዩ አገራት መሪዎች ንግግር ያደረጉት ጠቅላይ ሚንስትሩ፤ ለኢትዮጵያ ሲሉ መስዋዕትነት የከፈሉ እንዲሁም አገሪቱን ያለመታከት የሚያገለግሉ እናትና አባቶች "አደራ አለብን" ብለዋል።

   ጨምረውም ለሚቀጥሉት አምስት ዓመታት በእሳቸው መሪነት የመንግሥት ሥልጣንን የተረከበው አመራር ሌብነትን የሚጠየፍ፣ በቅንነት የሚያገለግል እና ሕዝብን ሳይለያይ ኢትዮጵያን ከፍ ለማድረግ የሚሠራ እንደሚሆን ተናግረዋል።

   የኢትዮጵያ ሕዝብ ጽናትና አይበገሬነት "ከዚህ ሕዝብ በመፈጠሬ ደስተኛ እንድሆን አድርጎኛል" ሲሉም ጠቅላይ ሚንስትሩ ተደምጠዋል። ዝርዝሩን ከዚህ ያንብቡ https://bbc.com.im/amharic/news-58794354%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   4 ጥቅምት 2021የአፍሪካ አገራት መሪዎች በመንግሥት ምስረታ በዓለ ሲመት ላይ ምን አሉ?

4. 4 ጥቅምት 2021ፕሬዝዳንት ሳህለ ወርቅ ዘውዴ በፓርላማ ንግግራቸው ምን ምን ቁልፍ ነጥቦች አነሱ?

5. 4 ጥቅምት 2021የጅቡቲ እና የኬንያ ፕሬዝዳንቶች መልዕክት

   

   የፎቶው ባለመብት, FBC

   የጂቡቲው ፕሬዝዳንት እስማኤል ኦማር ጊሌ በበዓለ ሲመቱ ላይ ባደረጉት ንግግር፤ በኢትዮጵያን ዴሞክራሲያዊ ሽግግር ማየታቸው "አስደስቶኛል" ብለዋል።

   ጠቅላይ ሚኒስትር ዐቢይን “ከጂቡቲ ሕዝብ የተላከ የሚያበረታታ እና ተስፋ ሰጪ መልዕክት ይዤ ነው የመጣሁት” ብለዋቸዋል።

   ኢትዮጵያን የፓን አፍሪካኒዝም ተምሳሌት ብለው ካሞካሹ በኋላ፤ በምጣኔ ሀብት ረገድ በቀጠናው ያላትን ሚና ጠቅሰው “ኢትዮጵያ ከራሷ ጋር ሰላም እንድታወርድ፣ የቀድሞ ታልቅነቷን ዳግም እንድታድስ” ጠይቀዋል።

   ጦርነት በቀጠናው ያስከተለውን አስከፊ ገጽታ ከታሪክ አጣቅሰው፤ ኢትዮጵያም “ከልጆቿ ጋር እንድትታረቅ” እና ወደ ሰላም እንድትመለስ አሳስበዋል።

   እንኳን ለአዲሱ ዓመት አደረሳችሁ፣ እንኳን ለኢሬቻ በኣል አደረሳችሁ፣ ኢትዮጵያ ለዘላለም ትኑር ሲሉም በአማርኛ ንግግራቸውን አጠናቀዋል።

   የኬንያው ፕሬዝዳንት ኡሁሩ ኬንያታ በመስቀል አደባባይ ባደረጉት ንግግር፤ “ወንድሜ ጠቅላይ ሚንስትር ሆነህ ስለተመረጥክ እንኳን ደስ አለህ” ብለዋል።

   ኬንያ የኢትዮጵያን እድገት እና ሰላም ለመደገፍ ዝግጁ ናት ሲሉም ድጋፋቸውን ገልጸዋል።

   “ወንድሜ ዛሬ የኢትዮጵያ ሕዝብ እንድትመራው፣ ሰላም እንድታመጣ፣ መረጋጋትን እንድታረጋግጥ፣ የኢትዮጵያን ሕዝብ አንድ እንድታደርግ ሥልጣን ሰጥተውሀል። የመረጡህም ያልመረጡህም ያንተ ሕዝቦች ናቸው።” ሲሉ ጠቅላይ ሚንስትር ዐቢይ ኃላፊነታቸውን እንዲወጡ አሳስበዋል።

   የአፍሪካ ሕዝቦች ከቅኝ ግዛት ነጻ እንዲሆኑ የረዳችው ኢትዮጵያ “እናታችን ናት” ካሉ በኋላ “እናት ሰላም ካጣች ቤተሰቧም ይታወካል” ሲሉ ኢትዮጵያ ወደ ሰላም እንድትመጣ መልዕክታቸውን አስተላልፈዋል።

6. 4 ጥቅምት 2021የኡጋንዳ እና የደቡብ ሱዳን ፕሬዝዳንቶች የእንኳን ደስ አላችሁ መልዕክት አስተላለፉ

   

   የፎቶው ባለመብት, screen grab

   በመስቀል አደባባይ እየተካሄደ ባለው የጠቅላይ ሚንስትር ዐቢይ አሕመድ በዓለ ሲመት ሥነ ሥርዓት ላይ የተጋበዙት የኡጋንዳው ፕሬዘዳንት ዩዌሪ ሙሴቬኒ፤ በኡጋንዳ ሕዝብ ስም የኢትዮጵያን ሕዝብ እና ጠቅላይ ሚንስትሩን “እንኳን ደስ አላችሁ” ብለዋል።

   በኡጋንዳ የጎሳ እና የሃይማኖት ክፍፍል ከፍተኛ ችግር እንደፈጠረ ገልጸው፤ የማንነት ፖለቲካ የሚፈጥረውን ልዩነት መቅረፍ ወደ ለውጥ ጎዳና እንደሚያሻግር ተናግረዋል።

   የደቡብ ሱዳኑ ሳልቫኪር በበኩላቸው፤ የኢትዮጵያን ሕዝብ ሰላም ለማለት እና እንኳን ደስ አላችሁ ለማለት ነው የመጣሁት።

   “ያለ እናንተ ድምጽ ወንድሜ ዐብይ ወደ ሥልጣን አይመጣም ነበር። ከጎኑ ቆማችሁ ወደ ሰላም ተሻገሩ” ሲሉ መልዕክታቸውን አስተላልፈዋል።

   ኢትዮጵያን “ታላቋ እናታችን” ሲሉ አንቆለጳጵሰዋል። በደቡብ ሱዳን የተፈጠረው ቀውስ በኢትዮጵያ እንዲደገም እንደማይሹ እና ግጭቱ በሰላማዊ ውይይት እንዲፈታ ጠይቀዋል።

   በደቡብ ሱዳን እና ሱዳን መካከል ሰላም እንዲወርድ ኢትዮጵያ ያደረገችውን ጥረት ከታሪክ አጣቅሰዋል።

   በቀዳማዊ ኃይለ ሥላሴ፣ በኮ/ል መንግሥቱ ኃይለማርያም፣ በአቶ መለስ ዜናዊ ዘመነ መንግሥትም ኢትዮጵያ በደቡብ ሱዳን ላይ ፊቷን እንዳላዞረችም ሳልቫኪር ሳይጠቅሱ አላለፉም።

   

   የፎቶው ባለመብት, screen grab

7. 4 ጥቅምት 2021የኡጋንዳ እና የኬንያ ፕሬዝዳንቶች አዲስ አበባ ገቡ

   

   የፎቶው ባለመብት, Fana

   አዲስ በሚመሰረተው መንግሥት የሰመተ በዓል ላይ ለመገኘት የኡጋንዳው ፕሬዚደንት ዩዌሪ ሙሴቪኒ እና የኬንያው ፕሬዝዳንት ኡሁሩ ኬንያታ አዲስ አበባ ገቡ።

   ሁለቱ መሪዎች ቦሌ ዓለም ዓቀፍ አየር ማረፊያ ሲደርሱ፣ በትምህርት ሚኒስትሩ ዶክተር ኢንጂነር ጌታሁን መኩሪያ አቀባበል ተደርጎላቸዋል።

   

   የፎቶው ባለመብት, Fana

8. 4 ጥቅምት 2021የጠቅላይ ሚኒስትሩ በዓለ ሲመት በመስቀል አደባባይ

   

   የፎቶው ባለመብት, AA city Press secretary

   አዲስ አበባ መስቀል አደባባይ አዲስ የተመሰረተውን መንግሥትና የጠቅላይ ሚኒስትር ዐቢይ አሕመድን በዓለ ሲመትን ለመታደም በብዙ ሺህ የሚቆጠሩ የከተማዋ ነዋሪዎችና እንግዶች ታድመዋል።

   በሥነ ሥርዓቱ ላይ የተለያዩ አገራት መሪዎችና ከፍተኛ ባለሥልጣናት የሚገኙ ሲሆን ከአዲስ አበባና ከአካባቢዋ የመጡ ነዋሪዎችም ታዳሚ ሆነዋል።

   

   የፎቶው ባለመብት, AA city Press secretary

9. 4 ጥቅምት 2021የአዲስ መንግሥት ምስረታ በዓለ ሲመት በመስቀል አደባባይ

10. 4 ጥቅምት 2021የደቡብ ሱዳን ፕሬዝዳንት አዲስ አበባ ገቡ

    

    የፎቶው ባለመብት, Fana

    የደቡብ ሱዳን ፕሬዝዳንት ሳል ቫኪር ማያርዲት በጠቅላይ ሚኒስትር ዐቢይ ሲመተ በዓል ላይ ለመታደም አዲስ አበባ መግባታቸው ተገለፀ።

    በተጨማሪ የዴሞክራቲክ ሪፐብሊክ ኮንጎ ጠቅላይ ሚኒስትርን ሚኬል ሳማሉ ኮንዴ አዲስ አበባ ገብተዋል።

    ፕሬዝዳንት ሳል ቫኪርን እንዲሁም ጠቅላይ ሚኒስትር ዣን ሚኬል ሳማሉ ኮንዴ በቦሌ ዓለም አቀፍ አየር ማረፊያ ሲደርሱ፣ በትምህርት ሚኒስትሩ ዶክተር ኢንጂነር ጌታሁን መኩሪያ አቀባበል ተደርጎላቸዋል።

    እስካሁን አዲስ አበባ ከገቡ ርዕሳነ ብሔራት መካከል የጂቡቲው እስማኤል ኦማር ጉሌህ፣ የናይጄሪያ ፕሬዝዳንት ሙሐመዱ ቡሃሪ፣ የሴኔጋል ፕሬዝዳንት ማኪ ሳል፣ የሶማሊያ ፕሬዝዳንት ሞሐመድ ፋርማጆ ይገኙበታል።

    በተጨማሪም የቀድሞ የናይጄሪያ ፕሬዝዳንት ኦሌሴንጉን ኦቦሳንጆ እንዲሁም የአልጄሪያ የውጭ ጉዳይ ሚኒስትር ራማታን ላማምራ አዲስ አበባ ገብተዋል።

11. 4 ጥቅምት 2021የሕዝብ ተወካዮች ምክር ቤት ውሎ ቁልፍ ሹመቶች

    

    የፎቶው ባለመብት, HOPR

    ስድስተኛው የሕዝብ ተወካዮች ምክር ቤት በዛሬው ዕለት የሥራ ዘመኑን ሲጀምር በቀዳሚነት የምክር ቤቱን አፈጉባኤና ምክትል አፈጉባኤን ነበር የመረጠው።

    በዚህም መሠረት የቀደመው ምክር ቤት አፈ ጉባኤ የነበሩት አቶ ታገሰ ጫፎ በዋናነት እንዲሁም የኦሮሚያ ምክር ቤት አፈጉባኤ የነበሩት ወ/ሮ ሎሚ በዶ ደግሞ በምክትል አፈጉባኤነት ተመርጠዋል።

    የሕዝብ ተወካዮች ምክር ቤት አዲሶቹ አፈ ጉባኤዎች ተመርጠው ቃለ መሐላ ከፈጸሙ በኋላ ነበር ምክር ቤቱ ለጠቅላይ ሚኒስትር ቦታ ዕጩ እንዲያቀርብ የተጠየቀው።

    በዚህም አብዛኛውን የምክር ቤቱን መቀመጫዎች ያሸነፈው ብልጽግና ፓርቲ ዐቢይ አሕመድን (ዶ/ር) ለጠቅላይ ሚኒስትርነት ዕጩ አድርጎ በማቅረብ አስመርጧል።

12. 4 ጥቅምት 2021በጠቅላይ ሚኒስትርነት የተሰየሙት ዐቢይ አሕመድ ማን ናቸው?

13. 4 ጥቅምት 2021በጠቅላይ ሚኒስትሩ ሲመተ በዓል ላይ ለመታደም ነዋሪዎች ወደ መስቀል አደባባይ እያመሩ ነው

    

    የፎቶው ባለመብት, Addis Media Network

    የጠቅላይ ሚኒስትር ዐቢይ አሕመድን በዓለ ሲመት ለመታደም በርካታ ሰዎች አዲስ አበባ ወደ ሚገኘው መስቀል አደባባይ በማቅናት ላይ ይገኛሉ።

    ስድስተኛው ሕዝብ ተወካዮች ምክር ቤት ዛሬሥራውንሲጀምር ዐቢይ አሕመድን ለቀጣዩ አምስት ዓመታትየኢትዮጵያ ጠቅላይ ሚኒስትር አድርጎ ሾሟል።

    በዓለ ሲመቱ ላይ ለመታደም እና የመንግሥት ምስረታውን ለመደገፍ ከፍተኛ ቁጥር ያለው ሕዝብ ወደ መስቀል አደባባይ በመጓዝ ላይ ይገኛሉ ሲሉ የአገር ውስጥ መገናኛ ብዙኃን ዘገቡ።

    የጠቅላይ ሚኒስትር ዐቢይ አሕመድ በዓለ ሲመት ሥነ ሥርዓት ከሰዓት በኋላ በመስቀል አደባባይ የሚከናወን ሲሆንየተለያዩ አገራት መሪዎች እና ተወካዮች እንዲሁም ጥሪ የተደረገላቸው እንግዶችይገኛሉ ተብሏል።

    ለዚህም ሲባል ጥብቅ የደኅንነት ጥበቃ በከተማዋ ውስጥ እየተካሄደ ሲሆን፤ ወደ መስቀል አደባባይ የሚወስዱ ሁሉም መንገዶች ለተሽከርካሪዎች ዝግ መሆናቸውን ፖሊስ አስታውቋል።

14. 4 ጥቅምት 2021የጅቡቲው ፕሬዚዳንት እስማኤል ኦማር ጊሌህ አዲስ አበባ ገቡ

    

    የፎቶው ባለመብት, Fana

    ፕሬዝዳንት እስማኤል ኦማር ጉሌህ ዛሬ ከሰዓት በኋላ በሚካሄደው በዓለ ሲመት ሥነ-ሥርዓት ላይ ለመታደም አዲስ አበባ ገቡ።

    ፕሬዝዳንቱ ቦሌ ዓለም አቀፍ አውሮፕላን ማረፊያ ሲደርሱ የውጭ ጉዳይ ሚኒስቴር ዲኤታ አምባሳደር ብርቱካን አያኖ፣ የገንዘብ ሚኒስትሩ አቶ አህመድ ሺዴ እና የትምህርት ሚኒስትሩ ዶክተር ጌታሁን መኩሪያ አቀባበል እንዳደረጉላቸው ተዘግቧል።

    ኢትዮጵያ ለምትመሰርተው አዲስ መንግሥት በዓለ ሲመት ላይ ለመታደም የተለያዩ አገራት መሪዎች እና ባለስልጣናት አዲስ አበባ ገብተዋል።

    እስካሁን አዲስ አበባ ከገቡ ርዕሳነ ብሔራት መካከል የናይጄሪያ ፕሬዝዳንት ሙሐመዱ ቡሃሪ፣ የሴኔጋል ፕሬዝዳንት ማኪ ሳል፣ የሶማሊያ ፕሬዝዳንት ሙሐመድ ፋርማጆ ይገኙበታል።

    በተጨማሪም የቀድሞ የናይጄሪያ ፕሬዝዳንት ኦሌሴንጉን ኦቦሳንጆ እንዲሁም የአልጄሪያ የውጭ ጉዳይ ሚኒስትር ራማታን ላማምራ አዲስ አበባ ገብተዋል።

15. 4 ጥቅምት 2021የምክር ቤቶቹ የመክፈቻ ሥነ ሥርዓት ተጠናቋል

    የኢፌዴሪ የሕዝብ ተወካዮች እና የፌዴሬሽን ምክር ቤቶች ስድስተኛ ዙር የሥልጣን ዘመን የመክፈቻ ሥነ ሥርዓት የመጀመሪያ ቀን ውሎው ተጠናቀቀ።

    በዛሬው ውሎ ሁለቱ ምክር ቤቶች አፈ ጉባኤዎቻቸውን የመረጡ ሲሆን የሕዝብ ተወካዮች ምክር ቤት ጠቅላይ ሚኒስትር ሰይሟል።

    ከሰዓታት በኋላ ደግሞ በአዲስ አበባ መስቀል አደባባይ ላይ በሚኖር መረሃ ግብር የአዲሱ መንግሥት ምስረታና የጠቅላይ ሚኒስትሩ በዓለ ሲመት ሥነ ሥርዓት የውጭ አገር መሪዎችና ባለሥልጣናት በሚገኙበት ይካሄዳል ተብሎ ይጠበቃል።

16. 4 ጥቅምት 2021ፕሬዚዳንት ሳህለወርቅ ዘውዴ ንግግር አደረጉ

    

    የፎቶው ባለመብት, AMN

    በሁለቱም ምክር ቤቶች የመክፈቻ ስነ ስርዓት ላይ የኢፌዴሪ ፕሬዚዳንት ሳህለወርቅ ዘውዴ ንግግር እያደረጉ ነው።

    የአገሪቱ ሕገ-መንግሥት ፕሬዝደንቱ ሁለቱን ምክር ቤቶች ዓመታዊ የጋራ ስብሰባ ይከፍታል ይላል።

    ፕሬዚዳንት ሳህለወርቅ ዘውዴ እያደረጉት ባለው ንግግር የመንግሥት የትኩረት አቅጣጫ እያመላከቱ ይገኛሉ።

17. 4 ጥቅምት 2021የሶማሊያው ፕሬዚዳንት አብዱላሂ ፋርማጆ አዲስ አበባ ገቡ

    

    የፎቶው ባለመብት, MFA

    የሶማሊያው ፕሬዚዳንት ሞሐመድ አብዱላሂ ፋርማጆ በመንግሥት ምስረታ ሥነ-ሥርዓት ላይ ለመታደም አዲስ አበባ ገብተዋል።

    ፋርማጆ ቦሌ ዓለም አቀፍ አየር ማረፊያ ሲደርሱ የውጭ ጉዳይ ሚኒስቴር ዲኤታ አምባሳደር ብርቱካን አያኖ፣ የገንዘብ ሚኒስትሩ አቶ አህመድ ሽዴ እና የትምህርት ሚኒስትሩ ዶክተር ጌታሁን መኩሪያ አቀባበል እንዳደረጉላቸው የአገር ውስጥ መገናኛ ብዙሃን ዘግበዋል።

    ቀደም ሲል የአፍሪካ አገራት መሪዎች እና ባለስልጣናት በመንግሥት ምስረታ ሥነ-ሥርዓት ላይ ለመሳተፍ አዲስ አበባ መግባታቸው ይታወቃል።

    አዲስ አበባ ከገቡ መሪዎች መካከል የሴኔጋል እና ናይጄሪያ መሪዎች ይገኙበታል።

18. 4 ጥቅምት 2021አገኘው ተሻገር የፌዴሬሽን ምክር ቤት አፈጉባኤ ሆነው ተመረጡ

    

    የቀድሞ የአማራ ክልል ርዕሰ መስተዳደር የነበሩት አቶ አገኘው ተሻገርን የፌዴሬሽን ምክር ቤት አፈ ጉባኤ ሆነው ተመረጡ።

    የአፋር ክልል የሠራተኛ እና ማህበራዊ ጉዳይ ቢሮ ኃለፊ የነበሩት ዛራ ሁመድ ደግሞ የፌዴሬሽን ምክር ቤት ምክትል አፈ-ጉባዔ ሆነው ተመርጠዋል።

19. 4 ጥቅምት 2021ስለ ጠቅላይ ሚኒስትር ዐቢይ አህመድ አሊ በአጭሩ

    

    የፎቶው ባለመብት, Getty Images

    ዐቢይ አሕመድ (ዶ/ር) ለቀጣዮቹ አምስት ዓመት የአገሪቱ ጠቅላይ የሚስትር እንዲሆኑ የሕዝብ ተወካዮች ምክር ቤት ሾሟቸዋል።

    ጠቅላይ ሚኒስትር ዐቢይ አሕመድ አሊ ማን ናቸው?

    •የኢፌድሪ ጠቅላይ ሚኒስትር

    •እድሜ፡ 45

    •በሩዋንዳ ሰላም አስከባሪነትን ጨምሮ እስከ 1999 ድረስ የመከላከያ ሰራዊት አባል ነበሩ። ከሲቪል ሃላፊነቶቻቸውም በኢንፎርሜሽን መረብ ደህንነት ኤጀንሲ እስከ ዋና ዳይሬክተርነት እና የሳይንስ እና ቴክኖሎጂ ሚኒስትርነት ይጠቀሳሉ።

    •የኦሮሚያ ክልል ምክትል ፕሬዘዳንት እና የኦህዴድ ጽህፈት ቤት ሃላፊ በመሆንም ሰርተዋል። ከ2010 ጀምሮ የኢፌድሪ ጠቅላይ ሚኒስቴር ሆነው እየሰሩ ይገኛሉ።

    •የመጀመሪያ ዲግሪ በኮምፒዩተር ኢንጂነሪንግ፣ ሁለተኛ ዲግሪ በለውጥ ስራ አመራር እንዲሁም በሰላም እና ደህንነት የሶስተኛ ዲግሪ ከትምህርት ዝግጅቶቻቸው መካከል ናቸው።

    •በሕዝብ ተወካዮች ምክር ቤት ከ 2002 ጀምሮ ተመራጭ ናቸው።

    •ፓርቲ፡ ብልፅግናፓርቲ