በኢትዮጵያ በቫይረሱ ከፍተኛ ቁጥር ያላቸው 55 ሰዎች ከማህበረሰቡ ተገኙ

የቀጥታ ሽፋን

1. 23 ግንቦት 2020ብራዚል ሁለተኛዋ በርካታ የኮቪድ-19 በሽተኞች ያሉባት አገር ሆነች

   የቦልሶናሮ አገር ብራዚል በኮሮናቫይረሱ የተያዙ በርካታ ሰዎችን በመያዝ ከአሜሪካ በቀመጠል ሁለተኛ ደረጃ ላይ ተቀመጠች።

   ብራዚል 330ሺህ 890 በቫይረሱ የተያዙ ሰዎችን የመዘገበች ሲሆን 21ሺህ 48 ሰዎች ደግሞ ከኮቪድ-19 ጋር በተያያዘ ህይወታቸውን አጥተዋል።

   በብራዚል ባለፉት 4 ቀናት በየዕለቱ የሚሞቱ ሰዎች ቁጥር ከ1ሺህ በላይ ነው።

   የጤና ባለሙያዎች አሁንም ቢሆን በብራዚል ለሰዎች የሚደረገው የኮሮናቫይረስ ምርመራ አነስተኛ ስለሆነ በቫይረሱ የሞቱ እና የተያዙ ሰዎች ቁጥር ከዚህ በላይ ከፍ ያለ ሊሆን ይችላል ይላሉ።

   የዓለም ጤና ደርጅት ደቡብ አሜሪካ አዲሷ የኮሮናቫይረስ ወረርሽኝ ማዕከል ሲል ትናንት አስታውቆ ነበር።

   የብራዚሉ ፕሬዝደንት ጃይር ቦልሶናሮ የቫይረሱን ስርጭት ለመቆጣጠር በወሰዷቸው ደካማ እርምጃዎች በተደጋጋሚ ሲተቹ ነበር።

2. 23 ግንቦት 2020ፈረንሳይ ሐይማኖታዊ አገልግሎቶች እንዲጀምሩ ፍቃድ ሰጠች

   ፈረንሳይ ሐይማኖታዊ አገልግሎቶች እንዲጀምሩ ፍቃድ ሰጠች።

   ሰዎች ወደ ማምለኪያ ስፍራዎች መጓዝ የሚጀምሩት ከሁለት ወራት በኋላ መሆኑ ነው።

   መንግሥት ይህን ክልከላ ሲያነሳ ሰዎች በማምለኪያ ስፍራዎች መከተል የሚጠበቅባቸውን ግዴታዎች ዘርዝሯል።

   የአገር ውስጥ ሚንስትሩ ሰዎች ወደ አምልኮ ስፍራ ከመግባታቸው በፊት እጆቻቸውን መታጠብ አለባቸው፣ የአፍ እና አፍንጫ መሸፈኛ ጭምብል ማድረግ አለባቸው እንዲሁም በሰዎች መካከል የሁለት ሜትር ርቀት መጠበቅ አለበት ብለዋል።

   የአሜሪካው ፕሬዝደንት ዶናልድ ትራምፕ በተመሳሳይ መልኩ የአሜሪካ ግዛት አስተዳዳሪዎች የአምልኮ ስፍራዎችን መክፈት እንዲጀምሩ ጠይቀዋል።

   ትራምፕ የግዛት አስተዳዳሪዎች ይህን የማያደርጉ ከሆነ እርሳቸው የአምልኮ ሥፍራዎች እንዲከፈቱ ትዕዛዝ እሰጣለሁ ብለዋል። ምንም እንኳ ትራምፕ ይህን የማደረግ ስልጣን ባይኖራቸውም፤ ከፌደራል መንግሥቱ ለግዛቶች የሚሰጡ ድጋፎችን መከልከል ይችላሉ።

3. 23 ግንቦት 2020ኮቪድ ያወጣቸው የቤተልሔም አበበ ገፀ ባህሪያት

4. 23 ግንቦት 2020ቻይና ለመጀመሪያ ጊዜ በ24 ሰዓታት ውስጥ በቫይረሱ የተያዘ አላገኘችም

   ቻይና ለመጀመሪያ ጊዜ ወረርሽኙ ከጀመረ ወዲህ በግዛቷ በ24 ሰዓታት ውስጥ በቫይረሱ የተያዘ ሰው አለገኘሁም አለች።

   ይህም ብቻ ሳይሆን ብሔራዊ የጤና ኮሚሽን ባለፉት 24 ሰዓታት ከኮቪድ-19 ጋር በተያያዘ የሞተ ሰው አልተመዘገበም ብሏል።

   በቻይናዋ ዉሃን ከተማ ከ6 ወራት ገደማ በፊት ቫይረሱ ከተቀሰቀሰ ወዲህ በመላው ዓለም ተሰራጭቶ 5 ሚሊዮን ህዝብን አጥቅቷል። 338 ሺህ በላይ ሰዎችን ደግሞ ገድሏል።

   በቻይና ብቻ 84ሺህ ሰዎች በቫይረሱ የተያዙ ሲሆን 4600 ሰዎች ደግሞ ህይወታቸው አልፏል።

   የቻይና ባለስልጣናት ዉሃን ከተማን እና ዉቤይ ግዛትን እንቅቃሴ በመገደብ በቻይና ቫይረሱ በስፋት እንዳይሰራጭ ከፍተኛ ጥረት አድርገዋል።

5. 23 ግንቦት 2020ደቡብ አሜሪካ አዲሷ የኮሮናቫይረስ ስርጭት ማዕከል ሆናለች

   የዓለም ጤና ድርጅት ብራዚል በደቡብ አሜሪካ አዲሷ የኮሮናቫይረስ ስርጭት ማዕከል ሆናለች አለ።

   ድርጅቱ ትናንት ከደቡብ አሜሪካ አገራት ብራዚል ክፉኛ በቫይረሱ የተመታች አገር ናት ያለ ሲሆን፤ በአፍሪካም በቫይረሱ ምክንያት የሚሞቱ ሰዎች ቁጥር አነስተኛ ቢሆንም በቫይረሱ የሚያዙ ሰዎች ቁጥር ግን በፍጥነት እየጨመረ ነው ብሏል።

   በአፍሪካ በኮሮናቫይረስ የተያዙ ሰዎች ከ100 ሺህ ማለፉ ሪፖርት ተደርጓል።

   ዛሬ [ቅዳሜ ጥዋት] አሃዞች እንደሚያሳዩት በአፍሪካ ባሉ አገራት በቫይረሱ የተያዙ ሰዎች ቁጥር 103 ሺህ 875 ደርሷል። 3ሺህ 184 የሚሆኑት ደግሞ ህይወታቸውን አጥተዋል።

   ደቡብ አፍሪካ ከ20ሺህ በላይ በቫይረሱ የተያዙ ሰዎችን በመያዝ ቁጥር አንድ ስትሆን፤ ግብጽ፣ አልጄሪያ፣ ሞሮኮ እና ናይረጄሪያ ሌሎች ከፍተኛ ቁጥር ያላቸው በቫይረሱ የተያዙ ሰዎች የሚገኙባቸው አገራት ናቸው።

   የዓለም ጤና ድርጅት ቫይረሱ በአፍሪካ ሪፖርት ከተደረገ ከ14 ሳምንት በኋላ በሁሉም የአህጉሪቱ አገራት ቫይረሱ መሰራጨቱን ባወጣው የጽሑፍ መግለጫ አስታውቋል።

   የድርጅቱ የአፍሪካ ዳይሬክተር የሆኑት ዶ/ር ማተሺዲሶ ማኦቲ የአፍሪካ አገራት የጤና ስርዓት ደካማ መሆኑን በማስታውስ የቫይረሱ ስርጭት በከፍተኛ ቁጥር ቢጨምር መቆጣጠር እንደሚዳግት አስጠንቅቀዋል።

   ከ50 በመቶ የሚሆኑት አገራት ደግሞ ባለፈው ሳምንት የ50 በመቶ ጭማሪ በቫይረሱ የተያዙ ሰዎች መዝግበዋል።

   የዓለም ጤና ድርጅት የአደጋ ጊዜ ከፍተኛ ባለሙያ የሆኑት ዶ/ር ማይክ ራይን በጋዜጣዊ መግለጫ ላይ፤ "ደቡብ አሜሪካ የቫይረሱ ስርጭት ማዕከል ሆናለች" ሲሉ መናገራቸውን ሬውተርስ ዘግቧል።

   ብራዚል ከፍተኛ ጉዳት የደረሰባት አገር ናት። የአገሪቱ ባለስልጣናት የጸረ-ወባ መድሃኒት የሆነውን ሃይደሮክሎሪኪን ለኮቪድ-19 ተማሚዎችን እንዲሰጥ መወሰናቸውን ተናግረው፤ ይህ መድሃኒት የዚህ በሽታ ፈወሽ ስለመሆኑ ምንም ማረጋገጫ እንዳሌለው ዳግም አስታውሰዋል።

   ዶ/ር ማይክ ራይን ግማሽ በሚሆኑ የአፍሪካ አገራት ውስጥ ቫይረሱ በማህብረሰቡ ውስጥ እየተሰራጨ ነው ብለዋል።

   በአፍሪካ በቫይረሱ ምክንያት ብዙ ሰዎች ሊሞቱ ያልቻሉበት አንዱ ምክንያት ከጠቅላላው የአህጉሪቷ ህዝብ ገሚሱ 18 ዓመት እና ከዚያ በታች ስለሆኑ ሊሆን ይችላል ብለዋል።

6. 23 ግንቦት 2020በጀርመን ሙስሊሞች ቤተ ክርስቲያን ውስጥ እንዲሰግዱ ተፈቀደላቸው

7. 23 ግንቦት 2020የቦሪስ ጆንሰን አማካሪ ሥልጣን እንዲለቁ ግፊት እየተደረገባቸው ነው

   የዩናይትድ ኪንግደም ሕዝብ እንደራሴዎች የጠቅላይ ሚኒስትር ቦሪስ ጆንሰን ዋና አማካሪ የእንቅስቃሴ ገደቡን መጣሳቸው ከተረጋገጠ ሥልጣናቸውን ይልቀቁ እያሉ ነው።

   ዋና አማካሪ ዶሚኒክ ካሚንግስ የኮቪድ-19 ምልክት እያለባቸው ከለንደን እስከ ደርሃም [400 ኪሎ ሜትር] ተጉዘዋል። ዶሚኒክ የበሽታ ምልክት እየታየባቸው ከነበሩት ባለቤታቸው ጋር በቤተሰቦቻቸው ቤት ራሳቸውን አግልለው ቆይተዋል።

   የሌበር ፓርቲ አባላት ቤተ-መንግሥቱ ዋና አማካሪው የፈፀሙትን ድርጊት እንዲያስረዳ እየጠየቁ ነው።

   የካሚንግ የቅርብ የሆኑ ሰው አማካሪው ምንም ዓይነት ሕግ አልጣሱም፤ ወደ ቤተሰቦቻቸው ቤት የሄዱት ልጆቻቸውን ለመርዳት ነው። ቢሆንም ራሳቸውን አግልለው ነው የቆዩት ይላሉ።

   የጠቅላይ ሚኒስትሩ መቀመጫ የሆነው ዳውኒንግ ስትሪት በጉዳዩ ላይ አስተያየት ከመስጠት ቢቆጠብም ዘግይቶ በወጣ መለግጫ አማካሪው ምንም ዓይነት ሕግ አልጣሱም ተብሏል።

   የለንደን ፖሊስም ሰውዬው ሕግ ባይጥሱም የበሽታ ምልክት እያለባቸው ይህን ሁሉ ኪሎሜትር ማቋረጣቸው ትክክል አይደለም ብሏል።

8. 23 ግንቦት 2020ከቫይረሱ ያገገሙ ሰዎች መድኃኒት ለማግኘት የሚያስችል ፍንጭ እየሰጡ ነው

9. 23 ግንቦት 2020በጦርነት እየታመሰች ባለችው የመን የጤና ስርዓቷ እየወደቀ ነው

   በእርስ በእስር ጦርነት እየታመሰች ባለችው የመን የኮሮናቫይረስ ስርጭት እየጨመረ እና የጤና ስርዓቷ እየወደቀ ነው ሲል የተባበሩት መንግሥታት አስጠነቀቀ።

   የድርጅቱ ቃል አቀባይ ጉዳዩን "እጅግ አሳሳቢ" ሲሉ ገልጸውታል።

   ድርጅቱ እንደሚለው ከሆነ ሰዎች ወደ ጤና ተቋም ሲሄዱ ወደ መጡበት እንዲመለሱ ይደረጋል። ይህም የሆነበት ምክንያት የጤና ባለሙያዎች እራሳቸውን ከቫይረሱ ለመጠበቅ የሚለብሱት መከላከያ ቁሳቁሶች ስለሌላቸው ነው።

   ምንም እንኳ የየመን መንግሥት በቫይረሱ የሞቱ 30 ሰዎችን እና የተያዙ በርካታ ሰዎችን ሪፖርት ቢያደርግም፤ የተባበሩት መንግሥታት ግን አሃዙ መንግሥት ከሚለው እጅግ የላቀ ነው ይላል።

   በቫይረሱ የተያዙ ሰዎችን ለመለየት የሚደረገው የኮሮናቫይረስ ምርመራ እጅግ አነስተኛ መሆኑም ተነግሯል።

   በሚሊዮን የሚቆጠሩ በጦርነት ውስጥ የቆዩት የመናውያን በምግብ እጥረት የተጎዱ ናቸው። ህይወታቸውም በእርዳታ ላይ የተመረኮዘ ሆኗል።

10. 23 ግንቦት 2020የወባ መድኃኒት የኮቪድ-19 በሽተኞች ከማዳን ይልቅ ለሞት እየዳረገ ነው

11. 23 ግንቦት 2020ደቡብ አፍሪካ ውስጥ በወረርሽኙ ምክንያት ወንጀል ቀነሰ

    በአፍሪካ በኮሮናቫይረስ የተያዙ ሰዎች ከ100 ሺህ ማለፉ ተነግሯል።

    ዛሬ [ቅዳሜ ጥዋት] አሃዞች እንደሚያሳዩት በአፍሪካ ባሉ አገራት በቫይረሱ የተያዙ ሰዎች ቁጥር 103 ሺህ 875 ነው። 3ሺህ 184 የሚሆኑት ደግሞ ህይወታቸውን አጥተዋል።

    ደቡብ አፍሪካ ከ20ሺህ በላይ በቫይረሱ የተያዙ ሰዎችን በመያዝ ቁጥር አንድ ስትሆን፤ ግብጽ፣ አልጄሪያ፣ ሞሮኮ እና ናይረጄሪያ ሌሎች ከፍተኛ ቁጥር ያላቸው በቫይረሱ የተያዙ ሰዎች የሚገኙባቸው አገራት ናቸው።

    በቫይረሱ የተያዙ በርካታ ሰዎች የሚገኙባት ደቡብ አፍሪካ አሁንም በርካታ በቫይረሱ መያዛቸው የተረጋጋጡ ሰዎችን መመዝገቧን ቀጥላለች። በቫይረሱ ከተያዙ መካከል ደግሞ 600 የሚሆኑት የፖሊስ አባላት መሆናቸውን የአገሪቱ ፖሊስ ሚንስትር ተናግረዋል።

    ደቡብ አፍሪካ ይህን ያክል በቫይረሱ የተያዙ ሰዎችን ያገኘችው ወደ ግማሽ ሚሊዮን የሚጠጋ ህዝቧን ከመረመረች በኋላ ነው።

    አገሪቱ የቫይረሱን ስርጭት ለመቆጣጠር ጥብቅ የእንቅስቃሴ ገደብ መጣሏ ይታወሰል። አሁን እየወጡ ያሉ ሪፖርቶች እንደሚጠቁሙት ከሆነ፤ የእንቅስቃሴ ገደቦቹ የቫይረሱን ስርጭት ለመቀነስ ከመርዳታቸው በተጨማሪ፤ በአገሪቱ ይመዘገቡ የነበሩ የወንጀል መጠኖችን እንዲቀንስ አድርጓል።

    በእንቅስቃሴ ገደቡ ወቅት ሪፖርት ይደረግ የነበረው የአስገድዶ መድፈር ወንጀል በ84 በመቶ ቀንሷል። የግድያ ወንጀሎችም 64 በመቶ ቀንስዋል ተብሏል።

12. 23 ግንቦት 2020በአፍሪካ በኮሮናቫይረስ የተያዙ ሰዎች ከ100 ሺህ አለፈ

    በአፍሪካ አገራት በኮሮናቫይረስ የተያዙ ሰዎች ከ100 ሺህ አለፈ።

    አሁናዊ አሃዞች እንደሚያሳዩት በአፍሪካ ባሉ አገራት በቫይረሱ የተያዙ ሰዎች ቁጥር 103 ሺህ 875 ነው። 3ሺህ 184 የሚሆኑት ደግሞ ህይወታቸውን አጥተዋል።

    ደቡብ አፍሪካ ከ20ሺህ በላይ በቫይረሱ የተያዙ ሰዎችን በመያዝ ቁጥር አንድ ስትሆን፤ ግብጽ፣ አልጄሪያ፣ ሞሮኮ እና ናይረጄሪያ ሌሎች ከፍተኛ ቁጥር ያላቸው በቫይረሱ የተያዙ ሰዎች የሚገኙባቸው አገራት ናቸው።

    ዝርዝር ዘገባውን እዚህ ያንብቡ »» https://bbc.com.im/amharic/resources/idt-8ceac10d-ad75-421e-b30f-c36f2272f9a3%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

    23 ግንቦት 2020ውድ የቢቢሲ አማርኛ ቤተሰቦች!

    እንዴት አደራችሁ ውድ የቢቢሲ አማርኛ ቤተሰቦች!

    ዘገባችንን ወደ እናንተ ማድረስ ጀምረናል።

    ምስሉ የሰሜን ተራሮች ብሔራዊ ፓርክ በክረምት ወቅት ያለውን ገጽታ ያሳያል።

    መልካም ቀን ይሁናላችሁ!

13. 22 ግንቦት 2020ኮሮናቫይረስ የቀሰቀሳቸው የአና የሚበሉ ሥዕሎች

14. 22 ግንቦት 2020ኮሮናቫይረስ፡ አገራት የውጭ አገር ተጓዦችን እንዴት ይቀበላሉ?

    የተለያዩ አገራት ዓለም አቀፍ ተጓዦች አውሮፕላን ማረፊያ በሚደርሱበት ጊዜ ራሳቸውን ለይተው እንዲቆዩ ውሳኔ አስተላልፈዋል፡፡

    መንገደኞች መዳረሻቸው ሲደርሱ ራሳቸውን ለ14 ቀናት ለይተው እንዲቆዩ ከሚያስገድዱ አገራት መካከል ዩናይትድ ኪንግደም፣ ስፔን፣ ግሪክ፣ ካናዳ፣ የተባበሩት አረብ ኤምሬትስ፣ አውስትራሊያ እና ኒውዚላንድ ይገኙበታል፡፡

    አብዛኞቹም የሙቀት ልኬት ምርመራ ያደርጋሉ፡፡ አንዳንዶች ደግሞ ልክ አንደ ስፔን የውጭ አገር ዜጎች ወደአገራቸው እንዳይገቡ ከልክለዋል፡፡ በስፔን መግባት የሚችሉት ቋሚ የመኖሪያ ፈቃድ ያላቸው የዩናይትድ ኪንግደም ዜጎች ብቻ ናቸው፡፡ ሌሎች አገራትስ

    • ጣሊያን መንገደኞች አውሮፕላን ማረፊያ ሲደርሱ የጉዟቸውን ምክንያት የሚያስረዳ ቅጽ መያዝ ይጠበቅባቸዋል፤ የሕዝብ ትራንስፖርትን ሳይጠቀሙ ለጤና ባለሥልጣናት እንዲያሳውቁ ይጠየቃሉ፡፡
    • በፈረንሳይ አስገዳጅ ለይቶ ማቆየት የለም፤ ነገር ግን ወደ አገሪቷ እንዲገቡ የተፈቀደላቸው የውጭ ዜጎች የተለየ የምስክር ወረቀት መያዝ አለባቸው፡፡
    • አሜሪካ ለዓለም አቀፍ በረራ ክፍት ያደረገችው 13 አየር ማረፊያዎችን ብቻ ነው፡፡
    • የካናዳ ሕጎች ደግሞ አየር መንገዶች ለመንገደኞች የጤና ምርመራ እንዲያደርጉ ይገፋፋሉ፡፡
    • የተባበሩት አረብ ኤምሬትስ የመኖሪያ ፈቃድ ላላቸው የውጭ አገር ዜጎች ጥብቅ የሆነ የመግቢያ ሕግ አላት፡፡
    • አውስትራሊያ ለመግባት ልዩ ቪዛ የማይጠየቁት የዩናየትድ ኪንግደም ዜጎች ብቻ ናቸው፡፡
    • ኒው ዚላንድ ለሁሉም ተጓዦች ሙሉ በሙሉ በሚቻል መልኩ ድንበሮቿ ዝግ ናቸው፡፡

15. 22 ግንቦት 2020የታንዛኒያው ባለሥልጣን 'ኮሮናቫይረስ ጠፍቷል፤ ውጡና ጨፍሩ' እያሉ ነው

    የታንዛኒያው ነባር ፖለቲከኛ 'የኮሮናቫይረስ ወረርሽኝ ጠፍቷል' ማለታቸውን ተከትሎ ከሃገሬው ሰው ወቀሳ እየዘነበባቸው ነው።

    ፖለቲከኛው ይባስ ብለው ታንዛኒያውያን እሁድ ዕለት ወደ አደባባይ ወጥታችሁ የኮሮናቫይረስ መጥፋትን አክብሩ ብለዋል።

    የዳሬሳላም ኮሚሽነር የሆኑት ፖል ማኮንዳ ዜጎች አዲስ ልብስ ገዝተው ደስታቸውን ቢገልፁ በበሽታው ምክንያት የተጎዱ ሰዎችን ይደግፋሉ ብለዋል።

    ታንዛኒያ ወስጥ ቫይረሱ ስለመጥፋቱ ምንም ማረጋገጫ የለም።

    በታንዛኒያ የአሜሪካ ኤምባሲ ሆስፒታሎች በበሽተኞች ተጨናንቀዋል ሲል መግለጫ ማውጣቱ አይዘነጋም። ተቃዋሚ ፓርቲዎች ደግሞ መንግሥት የኮቪድ-19 አሃዝን እያዛባ ነው ሲሉ ይወቅሳሉ።

    የሃገሪቱ ጤና ሚኒስቴር ስለ ኮቪድ-19 መግለጫ ከሰጠ አንድ ወር አልፎታል።

    ፕሬዝደንት ጆን ማጉፉሊ ዜጎቻቸው ከአርብ እስከ እሁድ በሚካሄደው የፀሎት ሥነ-ሥርዓት እንዲሳተፉ አዘዋል። አልፎም በቫይረሱ የሚያዙ ሰዎች ቁጥር እየቀነሰ ነው ይላሉ።

    ነባሩ ፖለቲከኛ ሰዎች አደባባይ ወጥተዋው ያክብሩ ማለታቸው ጭራሽ ለበሽታው መስፋፊያ መንገድ ይሆናል እየተባለ ነው።

    ለመጨረሻ ጊዜ እንደተለቀቀው መረጃ ከሆነ ታንዛኒያ ውስጥ 509 ሰዎች በቫይረሱ መያዛቸው ተረጋግጧል፤ 21 ደግሞ ሞተዋል።

16. 22 ግንቦት 2020ናይጄሪያዊያን ሃይድሮክሎሮኪን ለመግዛት እየተራወጡ ነው

    የናይጄሪያ ባለሥልጣናት ዜጎች ኮቪድ-19 ይፈውሳል የተባለውን ግን ደግሞ ፈዋሽነቱ ያልተረጋገጠውን ሃይድሮክሎሮኪን መድሃኒት በብዛት እየሸመቱ መሆናቸው እንዳሳሰባቸው ገለጹ፡፡

    የፕሬዚንታዊው የኮቪድ-19 ግብረ ኃይል ኃላፊ ቦስ ሙስጠፋ፤ ጉዳዩን መንግሥት ሲከታታለው እንደነበር ገልጸው፤ የጸረ ወባ መድሃኒትን ባልተገባ መንገድ የሚጠቀሙ ሰዎች እንዳሉ የሚያሳዩ ሪፖርቶች መኖራቸውን ተናግረዋል፡፡

    መድሃኒቱ ከኮቪድ-19 እንደሚፈውስ በሚመለከታቸው የጤናና የመድሃኒት ባለሥልጣናት አለመረጋጋጡን በድጋሜ መግለጽ እንወዳለን፤ በግል የሚወሰዱ መድሃኒቶች ለአደጋ ሊያጋልጡ ይችላሉ ሲሉ አሳስበዋል፡፡

    የወባ በሽታ ወረርሽኝ በሆነባት ናይጄሪያ እንኳ ክሎሮኪን እንደ ዋነኛ ጸረ-ወባ መድሃኒትነት መወሰዱም ቀርቷል፡፡

    ነገር ግን የኮሮናቫይረስ ማዕከል በሆነችውና እስካሁን ከ3ሺህ በላይ በቫይረሱ የተያዙ ሰዎችን በመዘገበችው ሌጎስ ግዛት መድሃኒቱ ለኮሮናቫይረስ የህክምና ሙከራ እንዲውል ተፈቅዷል፡፡

    ቢሆንም ክሎሮኪን ኮሮናቫይረስን እንደሚከላከል የሚያሳይ ምንም ማረጋጋጫ ያልተገኘ ሲሆን የዓለም ጤና ድርጅትም በራሳቸው ፈቃድ ተነስተው ያልተፈሸ መድሃኒት የሚወስዱ ሰዎች በራሳቸው ላይ መዘዝ እንዳያመጡ አስጠንቅቋል፡፡

    በፈረንጆቹ መጋቢት ወር መጨረሻ ላይ የአሜሪካው ፕሬዚደንት ሃይድሮክሎሮኪን ለኮቪድ-19 ሕክምና ሊውል እንደሚችል መናገራቸውን ተከትሎ በናይጄሪያ ሰዎች መድሃኒቱን ከመጠን በላይ በመውሰድ ለጤና እክል ተዳርገው ሆስፒታል እስከመግባት ደርሰው ነበር፡፡

    በዚህ ሳምንትም ምንም እንኳን ተመራማሪዎች መድሃኒቱ ተጓዳኝ የጤና ችግር እንደሚያስከትል ቢያስጠነቅቁም ፕሬዚደንት ትራምፕ ከኮቪድ-19 ራሳቸውን ለመከላከል ሃይድሮክሎሮኪን ይወስዱ እንደነበር ተናግረዋል፡፡

    በናይጄሪያ እስካሁን 4ሺህ 898 ሰዎች በቫይረሱ መያዛቸው ሲረጋገጥ፤ የ211 ሰዎች ሕይወት አልፏል፤ 1ሺህ 907 ሰዎች ደግሞ ከበሽታው አገግመዋል፡፡

17. 22 ግንቦት 2020በምያንማር ዜና አርታኢው 'ትክክለኛ ባልሆነ' የኮቪድ-19 ሞት ዘገባ ታሰረ

    በምያንማር የኮቪድ-19 ሞት በተመለከተ ሐሰተኛ ዘገባ ሰርቷል የተባለ የዜና አርታኢ የሁለት ዓመታት እስር ተፈረደበት፡፡

    በዳኤ ፕያው የዜና ወኪል ዋና አርታኢ የሆነው ዛው የ ቴት በምስራቋ ካረን ግዛት የኮቪድ-19 ሞት መኖሩን የጻፈ ሲሆን በኋላ ላይ ዜናው ሐሰት ሆኖ መገኘቱ ተነግሯል፡፡

    ግለሰቡ ወዲያውኑ በቁጥጥር ሥር የዋለ ሲሆን በአስቸኳይ ፍርድ ቤት ቀርቦ ሁለት ዓመታትን በእስር እንዲያሳልፍ መወሰኑን ጠበቃው ሚንት ቱዛር ማው አስታውቀዋል፡፡

    ባለቤቱ ፕዩ ፕዩ ዊን በበኩሏ ውሳኔው ፍትሃዊ አይደለም ሲሉ ይግባኝ እንደሚሉ ለኤኤፍፒ የዜና ወኪል ተናግረዋል፡፡

    ይህም በአገሪቷ ያለውን የፕረስ ነጻነት ስጋት ከፍ እንዲል አድርጎታል፡፡

    በጎርጎሮሳዊያኑ 2018 ሁለት የሮይተርስ ጋዜጠኞች በሮሂንጂያ ስደተኞች ላይ የደረሰውን ቀውስ በመዘገባቸው ሰባት ዓመታት በእስር እንዲያሳልፉ ተወስኖባቸው የነበረ ሲሆን 500 ቀናትን በእስር ቤት ካሳለፉ በኋላ ባለፈው ዓመት ተለቀዋል፡፡

    በምያንማር በቫይረሱ የተያዙ ሰዎች ቁጥር ከ200 መቶ የሚያንስ ሲሆን 6 ሰዎች መሞታቸው ተነግሯል፡፡

    ይሁን እንጅ ትክክለኛ ቁጥሩ ከዚህ ሊበልጥ ይችላል ተብሏል፡፡

18. 22 ግንቦት 2020ጎንደር ውስጥ 4 ሰዎች ቫይረሱ ተገኘባቸው

    የጤና ጥበቃ ሚኒስቴርና የኢትዮጵያ ሕብረተሰብ ጤና ተቋም በጋራ በሚያወጡት መግለጫ ባለፉት 24 ሰዓታት 3645 ሰዎች ተመርምረው 30 ሰዎች ቫይረሱ እንደተገኘባቸው ማሳወቃቸው ይታወሳል።

    ዘግይቶ በወጣ መግለጫ ደግሞ 4 ተጨማሪ ሰዎች ቫይረሱ ስለተገኘባቸው ባለፉት 24 ሰዓታት ቫይረሱ እንደተገኘባቸው የታወቀ ሰዎች ቁጥር 34 መድረሱ ተገልጿል።

    41 ሰዎች የላቦራቶሪ ምርመራ ተደርጎላቸው ነው 4 ሰዎች በኮሮናቫይረስ መያዛቸው የታወቀው።

    ሁለቱ ሰዎች የምዕራብ ጎንደር ነዋሪዎች ሲሆኑ ሁለቱ ደግሞ የማዕከላዊ ጎንደርና የጎንደር ከተማ ነዋሪዎች ናቸው ይላል መግለጫው።

    ከአራቱ ግለሰቦች መካከል አንዱ የጉዞ ታሪክ ያለው እንደሆነ ታውቋል። ሦስቱ ሰዎች የጉዞ ታሪክ የሌላቸው ቢሆንም ቫይረሱ ካለበት ሰው ጋር ግንኙነት ይኑራቸው አይኑራቸው እየተጣራ ነው።

    በዚህም መሠረት በኢትዮጵያ በአጠቃላይ በኮቪድ-19 መያዛቸው የተረጋገጠ ሰዎች ቁጥር 433 ደርሷል።

19. 22 ግንቦት 2020አሜሪካዊው አባት በቀጥታ ውይይት ላይ ሳሉ በልጃቸው በስለት ተገደሉ