'Maashinii waraanaa Raashiyaa dhaabuuf' Zeleniskiin US tumsa gaafatan

Haguuggii Tamsaasa Kallattii

1. 13 Bitooteessa 2022Dargaggoonni fedha isaaniin Yukireeniif loluun fedhaan duulan maal jedhu?

2. 13 Bitooteessa 2022Amma nu gahe, Haleellaa Raashiyaan buufata waraanaarratti raawwateen sagal ajjeefaman - bulchaa

   

   Madda suuraa, Getty Images

   Bulchaan naannoo Liviiv Yukireen kan ta’an Maksym Kozytsky haleellaa buufata waraanaarratti raawwateen namoonni sagal ajjeefamanii 57 immoo madaa’uu himan.

   Ibsa kennan irratti ibidda buufata waraanaatti ka’e dhaamsuuf hojjetamaa akka jiru himan.

   Akka qondaala kanaatti Raashiyaan buufata waraanaa Yaavoriv irratti rokkeettii 30 ol dhukaafte.

   Ambulaansoni buufaticha yeroo seenanii bahan mul’ateera.

3. 13 Bitooteessa 2022Wiirtuun leenjii waraanaa Liviiv xiyyaaraan haleelamuu qondaalli Yukireen himan

   Wiirtuun leenjii loltummaa Lixa Yukireen, magaalaa Liviiv keessatti argamu Yavoriiv jedhamu xiyyaara Raashiyaan haleelamuu aanga'oonni Yukireen himan.

   Qondaalli waraanaa Liviiv akka jedhanitti, humnoonni Raashiyaan xiyyaaran haleeluufi misaayiloota saddeet giddugaleessa ‘International Peacekeeping and Security’ jedhamutti dhukaasan.

   Giddugaleessi kun mandara Yavorik jedhamtu Kaaba-Dhiha Liviivitti kan argamu yoo ta’u,dirree leenjii waraana ture.

   Haleellicha hordofuun aarri guddaan mul’achuu gabaafameera.

   Maxxansa X irra dabri

   Qabiyyee X hayyamtaa?

   Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

   Accept and continue

   Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.

   Xumura maxxansa X

4. 13 Bitooteessa 2022Gadaamiin Ortodokisii Yukireen umrii jaarraan lakka'amu qabu haleellaa boombii Raashiyaatiin miidhame

   

   Madda suuraa, Ukrainian Orthodox Church

   Gadaamiin Ortodoksii Yukireen umrii jaarraan lakkaa’mu qabu Baha Yukireenitti hanga xiqqoof kallattiin boombiidhaan haleelamuurra hafullee, garmalee miidhamuu isaa ibsi manni amantaa Orotodoksii biyyattii baase mul’iseera.

   Bitootessa 12 , 2022 haleellaa boombii xiyyaaraan Dooneski riqicha Isviyatohiriskii jedhamu biratti dho’e foddaawwan Gadaamii kanaa guutummaatti sadarkaa jedhamuun caccabsuun, gamoowwan naannichatti argaman heddu miidheera.

   Monokseewwan dabalatee namoonni hedduun achii keessatti dhoqatan madaa’uun gara hospitaalaa geeffamaniiru.

   Lubbuun namaa darbuun garuu hin gabaafamne.

   Gadaamicha jalatti namoonni 520 tti baqatanii kan jiran yoo ta’u, isaan keessaa 200 kan ta’an daa’imman ta’uusaanii gaazi=exaan biyyattii intarneetirratti maxxanfamu beeksiseera.

5. 13 Bitooteessa 2022Moldoovaa: Dhimma baqattoota Yukireeniin gargaarsa gaafatte

   

   Madda suuraa, EPA

   Baqattoonni Yukireen gara Moldoovaa baqachuu itti fufaniiru.

   Kunis bulchaan biyyattii baqattoota itti baay’atan simachuuf gargaarsi idil-addunyaa akka taasifamuuf akka gaafatan taasiseera.

   ‘‘Yeroo ammaa namoonni 270,000 ol daangaa keenya seenaniiru,’’ jedhan Ministirri Muummee Moldoovaa Natalia Gavrilița BBC’tti yeroo dubbatan.

   ‘’Ummanni 100,000 ol ta’u asuma turuu filatani – yeroodhaaf. Biyya akka Moldoovaaf lakkoofsi kuni guddaadha.’’

   Biyyi Moldoovaa ummata miiliyoona 2.5 qabdu Yukireeniifi Romaaniyaa gidduu argamti. Biyya Awurooppaa diinagdeen laaftedhas.

   Lakkoofsi baqattoota Yukireen biyyattii jiran lakkoofsi ummata biyyattii 4% akka guddatu taasiseera.

   Aadde Naataaliyaan baqattoota Yukireen kumaan lakkaa’amaniifi guyyuu dhufan lammiileen biyyattii gargaaraa akka jiran himan.

   ‘’Dhiibbaa waraanni kuni diinagdeerratti fidu nu yaaddessa. Keessumaa biyya akka Moldoovaa Awurooppaa keessaa hiyyeettii taate hubaa jira,’’ jedhan.

   ‘’Dhugumatti deeggarsa alaa barbaanna.’’

   

   Madda suuraa, Getty Images

6. 13 Bitooteessa 2022Nagaa bultanii?

   Tamsaasi kallattii BBC Afaan Oromoo dhimma waraana Raashiyaafi Yukireen itti fufe isin biraan gaha.

   Nagaan oolaa.